වැඩිම තරග සංඛ්‍යාවක දී ලකුණු 300 සීමාවේ පසුකර ගිය කණ්ඩායම බවට පත්වෙමින් ඉන්දීය ක්‍රිකට් කණ්ඩායම නව එක්දින තරග වාර්තාවක් බිහිකර තිබෙනවා.ඉන්දියාව ලකුණු 300 සීමාව පසුකර ගොස් ඇති තරග සංඛ්‍යාව 96ක්.

ඔවුන් මෙම වාර්තාව බිඳ හෙළුවේ මීට පෙර තරග 95ක දී ලකුණු 300 සීමාව පසුකර ගොස් ඔස්ට්‍රේලියාව පිහිටුවා තිබූ වාර්තාවයි.

බටහිර ඉන්දීය කොදෙව් කණ්ඩායම සමඟ  පැවති තරගයේ දී ලකුණු 310ක් රැස් කරගනිමින් ඉන්දියාව මෙම වාර්තාව පිහිටවනු ලැබුවා.

ලකුණු 300 සීමාව පසු කළ කණ්ඩායම් ලැයිස්තුවේ තුන්වන ස්ථානය දකුණු අප්‍රිකාවට හිමියි.ඔවුන්ගේ තරග සංඛ්‍යාව 77ක්.

තරග 63ක දී එම දස්කම දැක්වූ ශ්‍රී ලංකාව පසුවන්නේ ලයිස්තුවේ පස්වන ස්ථානයේයි.