ශ්‍රී ලංකා කණ්ඩායම එංගලන්ත සංචාරයේ දී මෙතෙක් ජයග්‍රහණයක් වාර්තා කිරීමට අපොහොසත්වීම පිළිබඳව තමන් සමාව අයදින බව ක්‍රිකට් කණ්ඩායමේ නායක ඇන්ජලෝ මැතිව්ස් ප්‍රකාශ කොට තිබේ.

ඒ තම ට්විටර් ගිණුම හරහා පණිවුඩයක් නිකුත් කරමිනි.  “ අපේ ක්‍රීඩා විලාසය නිසා ඇතැමුන් කණ්ඩායමට වෛර කරනු ඇති. එහෙත් ශ්‍රී ලංකා පිළට ආදරය කරන කණ්ඩායමක් ද සිටිනවා. ඔබව පහතත හෙළීම ගැන කණගාටුයි “ ලෙසයි.

එංගලන්ත සංචාරයේ දී ටෙස්ට් තරඟාවලිය දෙකට බිංදුවක් ලෙස පරාජයට පත්වූ ශ්‍රී ලංකා කණ්ඩායම එක්දින තරඟාවලිය ද තුනට බිංදුවක් ලෙස පරාජයට පත්විය.

අද (05) දිනයේ දී එංගලන්ත සංචාරයේ අවසන් තරඟය වන විස්සයි විස්ස තරඟය සදැම්ප්ටන්හි දී පැවැත්වීමට නියමිතය.