12 වැනි දකුණු ආසියානු ක්‍රීඩා උලෙළේ හත්වැනි දිනය වූ ඊයේ (11) දිනයේ ශ්‍රී ලංකාව දිනූ පළමු රන් පදක්කම දිනා ගැනීමට මීටර 200 පිරිමි ධාවන ඉසව්ව නියෝජනය කළ විනොජ් සුරන්ජන් ද සිල්වා සමත් වී ඇත.

තරගය අවසන් කිරීම සඳහා විනෝජ් තත්පර 21.00ක කාලයක් ගත කර තිබේ. කෙසේ වුව ද ඔහුට දකුණු ආසියානු හෝ ශ්‍රී ලංකා වාර්තාව අභිබවා යාමට නොහැකි විය.

එහි දකුණු ආසියානු වාර්තාව 2004 වසරේ දී ඉස්ලාමාබාද් නුවර දී රොහාන් ප්‍රදීප් කුමාර (තත්පර 20.99) විසින් ද ශ්‍රී ලංකා වාර්තාව සුගත් තිලකරත්න (තත්පර 20.69) 1998 වසරේ බැංකොක්හි දී ද පිහිටුවා තිබේ.