ජනාධිපති මෛත්රීපාල සිරිසේන මහතා සිය නිල නිවස ලෙස හිටපු ජනමාධ්ය හා ප්රවෘත්ති අමාත්ය කෙහෙළිය රඹුක්වැල්ල මහතා භාවිතා කළ කොළඹ 07 කැප්පෙටිපොල මාවතේ පිහිටි නිල නිවස භාවිතා කිරීමට තීරණය කර තිබේ.
හිටපු අමාත්ය කෙහෙළිය රඹුක්වැල්ල මහතා මෙම නිවස භාවිතා කිරීමට පෙර එය හිටපු ජනාධිපති ඩී.බී විජේතුංග මහතා වෙනුවෙන් වෙන්කර තිබිණි.
එම නිල නිවස මේවන විට නව ජනාධිපතිවරයා වෙනුවෙන් අලුත්වැඩියා කරමින් පවතින බව වාර්තා වේ.
තමා ජනාධිපතිවරයා ලෙස ජනාධිපති මන්දිරය හෝ අරලියගහ මන්දිරය පාවිච්චි නොකරන බව ජනාධිපති මෛත්රීපාල සිරිසේන මහතා සඳහන් කර තිබේ.
කෙසේ වෙතත් කොටුව ජනාධිපති මන්දිරය ජනාධිපතිවරයාගේ කාර්යාල කටයුතු හා උත්සව අවස්ථාවන්ට පමණක් භාවිතා කිරීමට නියමිතය.
මේවන විට ජනාධිපතිවරයා නිල නිවස ලෙස භාවිතා කරන්නේ කොළඹ 07, විජේරාම මාවතේ පිහිටි නිල නිවසයි. එම නිල නිවස ජනාධිපතිවරයා සෞඛ්ය අමාත්යවරයා සිටි සමයේ සිට භාවිතා කරන්නකි.