රටේ ඉඩම් විදේශිකයින්ට පවරා දෙන බවට මේ දිනවල වැඩි වශයෙන් කතාබහට ලක්වේ.
නමුත් හිටපු ජනාධිපති මහින්ද රාජපක්ෂ මහතාගේ රජය සමයේ කොළඹ යුධ හමුදා මුලස්ථානය පිහිටි ගෝල්ෆේස් ඉදිරිපිට ඉඩම ෂැන්ග්‍රී - ලා හොටල්ස් ලංකා පුද්ගලික සමාගමට සින්නක්කරවම විකුණා දමා ඇති බව මේවන විට හෙළිවී තිබේ.
ඒ අනුව හිටපු ජනපති මහින්ද රාජපක්ෂ මහතාගේ අත්සනින් යුතුව විකුණා ඇති අදාල ඔප්පුවේ එම ඉඩම අමෙරිකානු ඩොලර් මිලියන 75ක් (රුපියල් මිලියන 8250ක්) මිලකට විකුණා තිබේ.
එම ඔප්පුවේ “සදාකාලයට ම නිරවුල්ව භුක්ති විදීම පිණිස මෙයින් පවරා දෙම්හ.“ යන වගන්තියෙන් එම ඉඩම ෂැන්ග්‍රී - ලා හොටල්ස් ලංකා පුද්ගලික සමාගමට සින්නක්කරව විකුණා ඇති බව සනාථ වේ.
හිටපු ජනපති මහින්ද රාජපක්ෂ මහතාගේ අත්සනින් යුතු එම ඔප්පුවේ පිටපතක් පහතින් දැක්වේ.
