පසුගිය ආණ්ඩුව අන්තර්ජාතික සබඳතා කළමනාකරණයේදී ඉතාම අනුවණ දේ කළ බවත් ජීනිවා මානව හිමිකම් මණ්ඩලයේදී අපට විරුද්ධව යෝජනාවක් එනවිට ඊට මුහුණදීමට ජිනීවා යැව්වේ කොල්ලෝ කෙල්ලෝ ටිකක් බවත් හිටපු ජනාධිපති මහින්ද රාජපක්ෂ මහතාගේ මාධ්‍ය ප්‍රකාශක සහ ප්‍රවීණ මාධ්‍යවේදි මොහාන් සමරනායක මහතා පවසයි.
ඔහු මේ බව පැවසූවේ පසුගියදා ප්‍රගතිශීලී ජාතික පෙරමුණ කොළඹදී පැවැත් වූ හමුවකදී ය.
“මම එකඟයි පසුගිය ආණ්ඩුව අන්තර්ජාතික සබඳතා කළමනාකරණයේදී ඉතාම අනුවණ දේ කළා. අනුවණ පත්වීම් කළා. ජීනිවා මානව හිමිකම් මණ්ඩලයේදී අපට විරුද්ධව යෝජනාවක් එනවිට ඊට මුහුණදීම සඳහා විශාල දැනුමක්, පරිචයක්, හොඳ ඉංග්‍රීසි දැනුමක් සහිත මිනිස්සු සිටිද්දී අපි ජිනීවා යැව්වේ කොල්ලෝ කෙල්ලෝ ටිකක්. ඒ අය එහේ ගිහිල්ලා සාප්පු ගිහින් හොඳට කාලා බීලා ආවා. යෝජනා පරාද වුණා. වෙනස් කම් තියෙන්න පුළුවන් මම දන්නෑ ඇයි තමාරා කුනනායකම් ඉවත් කළේ කියන එක. ඒ වගේ අනුවණ කම් කරන් ගියා. ඒක අපි පිළිගන්න ඕන." යැයි මොහාන් සමරනායක මහතා අනාවරණ කළේය.
