දකුණු ඉන්දීයාවේ පැතිර යන නිපා වෛරසය හේතුවෙන් මියගිය පුද්ගලයින්ගේ සංඛ්‍යාව 10ක් දක්වා ඉහළ ගොස් තිබේ.

දකුණු ඉන්දීයාවේ කේරළ ප්‍රාන්තයෙන් වැඩි මරණ සංඛ්‍යාවක් වාර්තා වී ඇති අතර තවත් දෙදෙනෙකුගේ තත්වය බරපතළ බව සඳහන්ය.

සත්වයින් මඟින් ව්‍යාප්ත වන මෙම වෛරසය සඳහා මේ වන තෙක් නිෂ්චිත ප්‍රතිකාරයක් සොයාගෙන නොමැති බව වාර්තා වෙයි.

2001 වසරේ දී සහ 2007 වසරේදී ද ඉන්දියාවෙන් මෙම වෛරස් රෝගය වාර්තා වී තිබූ අතර එම අවස්ථා දෙකේදී පුද්ගලයින් 50 දෙනෙකු පමණ ජීවිතක්ෂයට පත් වුණි.

මලයාසියාවේ  සහ සිංගප්පූරුවේ 1999 වසරේදී නිපා වෛරසය පළමුව වාර්තා වී තිබූ අතර ඌරු ගොවිපළ පවත්වාගෙන ගිය ගොවීන් පිරිසකට එම වෛරසය වැලඳුන බව සඳහන්ය.