මධ්‍යම පිලිපීනයේ ලෙයිට් දිවයිනේ ඔර්මොක් නගරය කේන්ද්‍ර කොට ගෙන ඊයේ (6) ඇති වූ ප්‍රබල භූ කම්පනයකින් පුද්ගලයන් දෙදෙනෙකු ජිවිතක්ෂයට පත්වී ඇති බව එරට මාධ්‍ය වාර්තා කරයි.

රික්ටර් පරිමාණයේ 6.5 ක ප්‍රබලතාවකින් යුත් මෙම භූ කම්පනය හේතුවෙන් ගොඩනැගිලි රැසක් කඩා වැටී ඇති අතර එක් වාණිජ ගොඩනැගිල්ලක සුන්බුන් අතර පුද්ගලයන් 5 දෙනෙකු පමණ සිරවී සිටි බව විදෙස් මාධ්‍ය වාර්තා කොට ඇත.

ලෙයිට් දිවයිනේ කනන්ගා නගරයේ තුන් මහල් ගොඩනැගිල්ලක සුන්බුන් අතර සිර වී සිටි තවත් පුද්ගලයන් 8 දෙනෙකු බේරා ගැනුණ බවද විදෙස් මාධ්‍ය වැඩිදුරටත් වාර්තා කරයි.