කුලී රථ රියදුරන් පස් දෙනකුට මරණ දණ්ඩනය ලබා දීමට IS ත්‍රස්තවාදීන් කටයුතු කර තිබෙන බවට වාර්තා වේ.

ඒ IS ත්‍රස්ත සංවිධානය යටතේ පවතින ප්‍රදේශවලින් පිටතට සාමාන්‍ය වැසියන් පිටමන් කළ බවට චෝදනා කරමින්.

බටහිර දිග ඉරාකයේ 'කයිම්' නගරයේ දී මෙම රියදුරන්ගේ හිසට වෙඩි තබා මරා දමා තිබෙන අතර ඔවුන් මරා දමන අයුරු බලා සිටින ලෙස ඔවුන්ගේ පවුල්වල සාමාජිකයින්ට බල කොට ඇති බව ද ඉරාක මාධ්‍ය වාර්තා කරයි.

IS ත්‍රස්තවාදීන් වැඩිදුරටත් අනතුරු අඟවන්නේ සිය පාලන ප්‍රදේශයන්ගෙන් පැන යන පුද්ගලයින්ට මීට සමාන දඬුවමක් හිමි වෙන බව යි.