ඇෆ්ගන් තලෙයිබාන් සංවිධානයේ නව නායකයා ලෙස මව්ලවි හයිබතුල්ලා පත් කර ඇති බව විදෙස් මාධ්‍ය වාර්තා කරයි.
හිටපු නායක මුල්ලා අක්තාර් මන්සූර් අමෙරිකානු ගුවන් ප්‍රහාරයකින් මරණයට පත්වීමෙන් අනතුරු ව ඔහු පත් කර ඇත.
පකිස්ථාන - ඇෆ්ගනිස්ථාන දේශ සීමා ප්‍රදේශයේ දී එම ගුවන් ප්‍රහාරය එල්ල වූ අතර ඉන් තම නායකයා මිය ගිය බව ඇෆ්ගන් - තලෙයිබාන් සංවිධානය මුල්වරට පිළිගෙන තිබේ.
ඇෆ්ගන් - තලෙයිබාන් සංවිධානයේ නව නායකයා ලෙස පත් වූ මව්ලවි හයිබතුල්ලා මීට පෙර එහි නියෝජ්‍ය නායකයා ලෙස කටයුතු කර ඇත.
