දැඩි උණුසුම් කාලගුණයකට මුහුණ දෙන ඉන්දියාවේ රාජස්ථාන් ප්‍රාන්තයේ ස්ථාන දෙකකින් ඉකුත් 19 වැනි දා සෙන්ටිග්‍රේඩ් අංශක 50 ඉක්ම වූ උෂ්ණත්වයක් වාර්තා වී තිබේ.

ජෝද්පූර් දිස්ත්‍රික්කයේ ෆලෝඩි ප්‍රදේශයෙන් ද ඉකුත් 19 වැනි දා සෙන්ටිග්‍රේඩ් අංශක 51ක උෂ්ණත්වයක් වාර්තා වී ඇත. එසේ ම චූරු ප්‍රදේශයෙන් සෙන්ටිග්‍රේඩ් අංශක 50.2ක උෂ්ණත්වයක් වාර්තා වූ බව ඉන්දීය මාධ්‍ය වාර්තා කරයි.

ප්‍රාන්ත අගනුවර ද සෙන්ටිග්‍රේඩ් අංශක 46.5ක උෂ්ණත්වයක් වාර්තාවන අතර අධික උණුසුම හේතුවෙන් එහි ජන ජීවිතය අඩාල වී ඇති බව ද වාර්තා වේ.