මහනුවර දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී එම්.එච්.ඒ.හලීම් ගේ මාවිල්මඩ පිහිටි කාර්යාලයට ඊයේ අලුයම වෙඩි ප්‍රහාර තුනක් එල්ල කොට ඇත. ප්‍රහාරයෙන් කාර්යාලයේ ජනෙල් සහ බිත්ති වලට අලාභ සිදු ව ඇත. විපක්ෂයේ පොදු අපේක්ෂකයා වශයෙන් හිටපු අමාත්‍ය මෛත්‍රීපාල සිරිසේන මහතා සිය අපේක්ෂකත්වය ප්‍රකාශයට පත් කිරීමෙන් පසුව ගිණි අවි භාවිතයෙන් සිදුවූ සිව්වන ප්‍රචණ්ඩක්‍රියාව ද, හය වන ප්‍රචණ්ඩක්‍රියාව ද මෙය බව කැෆේ සංවිධානය පවසයි.මෛත්‍රීපාල සිරිසේන මහතාගේ මහනුවර සංචාරයේ දී මහනුවර මුස්ලිම් දේවස්ථානය වෙත ගොස් ආශිර්වාද ලබා ගැනීමේ අවස්ථාව සංවිධානය කරනු ලැබූවේ පාර්ලිමේන්තු මන්ත්‍රී හලීම් මහතා විසිනි.
