අඩු පීඩන කලාපය තවදුරටත් ශ්රී ලංකාවට ගිනිකොණ දිශාවෙන් ස්ථානගතව පවතින බවත් එය ඉදිරි පැය 48 තුලදී දිවයින ආසන්න මුහුදු ප්රදේශයෙන් ඉවත්වෙමින් නැගෙනහිර දෙසට ගමන් කරනු ඇති බවත් කාලගුණ විද්යා දෙපාර්තමේන්තුව කියයි.
උතුරු, උතුරු-මැද, නැගෙනහිර, මධ්යම සහ ඌව පළාත්වලත් පුත්තලම දිස්ත්රික්කයෙත් විටින් විට වැසි ඇති විය හැකි බවත් දිවයිනේ සෙසු ප්රදේශවල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බව ද කාලගුණ විද්යා දෙපාර්තමේන්තුව සඳහන් කරනවා.
උතුරු, උතුරු-මැද සහ සබරගමුව පළාත්වලත් ත්රිකුණාමලය, පුත්තලම, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 75 ට වැඩි තරමක තද වැසිද ඇතිවිය හැකි බවයි එම දෙපාර්තමේන්තුව නිවේදනය කළේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසට ජනතාවගෙන් කාලගුණ විද්යා දෙපාර්තමේන්තුව ඉල්ලීමක් කරනවා.