අද රටේ බහුතරයකගේ ප්‍රශ්නය වී ඇත්තේ බඩගින්න වන නමුත් ආණ්ඩුවට ලොකුවී ඇත්තේ ඔවුන්ගේ ධනගින්න සහ බලගින්න බව විපක්ෂ නායක සජිත් ප්‍රේමදාස මහතා පවසයි.
සජිත් ප්‍රේමදාස මහතා මේ බව පැවසුවේ තණමල්විල කිතුල්කොටේ ප්‍රදේශයේ පැවති විපක්ෂ නායක ජංගම සේවය වැඩසටහන අමතමිනි.
ඒ අනුව ආණ්ඩුව ප්‍රජාතන්ත්‍රවාදී ව්‍යුහය හකුළුවමින් තමන්ගේ බලය වැඩිකර ගැනීම කෙරෙහිත් රාජ්‍ය දේපළ විකුණාගනිමින් තමන්ගේ ධනය වැඩිකරගැනීම කෙරෙහිත් පමණක් අවධානය යොමු කරමින් සිටින බව ඒ මහතා සඳහන් කළේය.
