එක්සත් ජාතික පක්ෂ නායක රනිල් වික්‍රමසිංහ මහතා මේ දිනවල වගකීමෙන් තොර ඉතා නිදහස් ජීවිතයක් ගත කරන බව ආරංචි මාර්ග සඳහන් කරයි.
එක්සත් ජාතික පක්ෂ නායකයා හමුවීමට කොළඹ 5 වන පටුමගේ පිහිටි ඔහුගේ නිවසට ගිය ජේෂ්ඨයන් පිරිසක් හමුවේ වික්‍රමසිංහ මහතා ප්‍රකාශ කොට තිබෙන්නේ තමා ජිවිතේ කිසිදිනෙක නොවූ අයුරින් වගකීමෙන් තොර නිදහස් ජීවිතයක් මේ දිනවල ගත කරන බව ය.
එක්සත් ජාතික පක්ෂයට ජාතික ලැයිස්තුවෙන් හිමිව තිබෙන මන්ත්‍රී ධුරය භාරගන්නා ලෙස පක්ෂයේ ජේෂ්ඨයන් විසින් යළිත් වතාවක් වික්‍රමසිංහ මහතාගෙන් ඉල්ලීමක් කර තිබෙන අතර එම ඉල්ලීම ප්‍රතික්ෂේප කරමින් වික්‍රමසිංහ මහතා සඳහන් කර තිබෙන්නේ එම පාර්ලිමේන්තු මන්ත්‍රී ධුරය භාරගැනීමෙන් තමා අද ගෙවන වගකීමෙන් තොර නිදහස් ජීවිතයට බාධා එල්ලවන බව ය.
