දින කිහිපයකට පෙර මියගිය පුද්ගලයකුගේ දැඩි ලෙස හානි වූ මළ සිරුරක් වඳුරඹ, ඌරල පහල කුමාරගේ වත්ත ප්රදේශයේ තිබි ඊයේ (01) වඳුරඹ පොලීසිය විසින් සොයාගෙන තිබේ.
එලෙස මරණයට පත් ව ඇත්තේ වයස අවුරුදු 70 ක්වන හපුගොඩ ආරච්චි කම්කානම්ගේ සල්මන් නමැති පුද්ගලයා බවට හඳුනාගෙන ඇත.
ඔහු වඳුරඹ ප්රදේශයේ ඉඩම් හිමිකරුවකුට අයත් ඉඩමක් බලා ගැනීම සඳහා එම ඉඩමේ පිහිටි නිවසක තනි ව නවාතැන් ගෙන සිටි පුද්ගලයෙකි.
මෘත ශරීරය සොයා ගන්නා විට සතුන් විසින් එයට හානි කර තිබූ බවත් පශ්චාත් මරණ පරීක්ෂණය සඳහා දේහය කරාපිටිය රෝහලේ මෘත ශරීරාගාරයට රැගෙන යනු ලැබී ය.
ඒ පිළිබඳ වැඩිදුර පරීක්ෂණ වදුරඹ පොලීය විසින් සිදු කරයි.
ගාල්ල - ලලිත් චාමින්ද