ජපානයේ රකුටෙන් ඒෂියා පෞද්ගලික සමාගම වයිබර් මෘදුකාංගය ශ්‍රී ලංකාවේ ජනප්‍රිය කිරීමට බලාපොරොත්තුවෙන් සිටින බව වාර්තා වේ.
එම සමාගමේ දකුණු ආසියා කලාපයේ ප්‍රධානී අනුබාව් නායර් මහතා ඒ බව මෙසේ කියාසිටියේ ය.
" ඉතා ඉක්මනින් අපේ සමාගමක් ශ්‍රී ලංකාවේ ආරම්භ කරන්න ඕනෑ. සිංහල හා දෙමළ භාෂාවලින් වයිබර් මෘදුකාංගය හඳුන්වාදෙන්න අපි බලාපොරොත්තු වෙනවා. ඒ නිසා සිංහල අලුත් අවුරුද්ද, පොංගල් උත්සවය ඔවුන්ගේ අයුරින්ම සමරන්න, හිත මිතුරන්ට සුබ පැතුම් යවන්න අවස්ථාව සලසා දීමේ සිහිනයක් අපිට තියෙනවා. ඒ වගේම අපිට රාජ්‍ය ආයතනය සමඟ කටයුතු කරන්න පුළුවන්. රජයේ බලධාරීන් සමග ද අපි සාකච්ඡා කරන්න බලාපොරොත්තු වෙනවා."
මේ වනවිට වයිබර් මෙහෙයුම් කාර්යාලයක් ඉන්දියාවේ ඇති බවත් එලෙසම ලංකාවේ ක්‍රියාත්මක කිරීමට නියමිත ව්‍යාපෘති හා එළිදැක්වීමට නියමිත නිෂ්පාදන සාර්ථකවනු ඇති බවත් අලුත් මෘදුකාංග පැමිණිය ද ඒවා වයිබර් මෘදුකාංගයට තර්ජනයක් නොවන බවත් ඔහු වැඩිදුරටත් සඳහන්කර සිටියේ ය.
