මඩකලපුව කොම්මාන්තුරෙයි නිවසකට සිවිල් ඇඳුමින් සැරසී රාත්‍රියේ අනවසරයෙන් ඇතුළු වූ බව කියන පොලිස් කොස්තාපල්වරයකු පිහි පහරකින් තුවාල ලබා මඩකලපුව රෝහලට ඇතුළත් කර ඇතැයි පොලිස් ආරංචි මාර්ග සඳහන් කරයි.
ඔහු එම නිවසට ඇතුළු වූයේ කවර හේතුවක් නිසාවෙන් ද යන්න මෙතෙක් අනාවරණ වී නොමැත.
අනවසරයෙන් නිවසකට ඇතුළුවීමට යෑම හා පොලිස් කොස්තාපල්වරයකුට පිහි පහර දීම සම්බන්ධයෙන් විමර්ශන දෙකක් පැවැත්වෙන බව වාර්තා වේ.
