තවත් ගූගල් බැලූනයක් ගුවන් ගත කිරීමට සැලසුම් කර ඇති බව ශ්‍රී ලංකා තොරතුරු හා සන්නිවේදන තාක්ෂණ නියෝජිත ආයතනයේ වැඩසටහන් කළමනාකරු ගවස්කාර් සුබ්‍රමනියම් මහතා සඳහන් කරයි.
තවත් බැලූන කිහිපයක් ගූගල් සමාගම මගින් මේ වනවිටත් ශ්‍රී ලංකාව වෙත යොමු කර ඇති බව ඔහු පවසයි.
මේ අතර ශ්‍රී ලංකාවට අධීවේගී අන්තර්ජාල පහසුකම් ලබාදීම සඳහා අත්හදාබැලීමට ස්ථාපිත කෙරුණු ගූගල් බැලූනයක් ගම්පොළ ප්‍රදේශයට කඩා වැටුණි.
කෙසේ වුව ද අදාළ ගූගල් බැලුනය සාර්ථක ව ගොඩබැස් වූ බව විදුලි සංදේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා සඳහන් කරයි.
අමාත්‍ය හරීන් ප්‍රනාන්දු මහතා සඳහන් කළේ එම බැලූනය කඩාවැටීමක් සිදුව නොමැති බවයි.
