පක්ෂය හා නායකත්වය විවේචනය කරන පුද්ගලයින්ට එරෙහිව විනය ක්‍රියාමාර්ග ගැනීමට ශ්‍රී ලංකා නිදහස් පක්ෂ මධ්‍යම කාරක සභාව තීරණය කරයි.
මේ අතර ශ්‍රී ලංකා නිදහස් පක්ෂයේ පළාත් පාලන ආයතන 7ක සභාපතිවරුන් 7 දෙනෙකුගේ පක්ෂ සාමාජිකත්වය වහාම ක්‍රියාත්මක වන පරිදි අත්හිටුවීමට එම පක්ෂයේ මධ්‍යම කාරක සභාව තීරණය කර තිබේ.
ඒ අනූව ඔවුන් සම්බන්ධයෙන් විනය ක්‍රියාමාර්ගයක් ගැනීමට ද තීරණය කර ඇති බව එම පක්ෂයේ ආරංචි මාර්ග අනාවරණය කරයි.
එසේම පාර්ලිමේන්තුවේ ස්වාධීනව කටයුතු කිරීම සඳහා ඒකාබද්ධ විපක්ෂයේ කිසිදු ඉල්ලීමකට සහය නොදැක්වීමට ද මධ්‍යම කාරක සභාව තීරණය කර ඇත.
ශ්‍රී ලංකා නිදහස් පක්ෂයේ විශේෂ මධ්‍යම කාරක සභා රැස්වීමක් අද(12) පස්වරුවේ ජනපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වුණ අතර එහිදී මෙම තීරණය ගෙන තිබේ.
