විධායක ජනාධිපති ක්‍රමය අහෝසි කර නව ආණ්ඩුක්‍රම ව්‍යවස්ථාවක් සම්පාදනය කිරීම සහ මැතිවරණ ක්‍රමය සංශෝධනය කිරීමට අදාළ ජනාධිපතිවරයාගේ යෝජනාව අමාත්‍ය මණ්ඩලය විසින් අද(18) අනුමත කර තිබේ.
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද පෙරවරුවේ ජනාධිපති කාර්යාලයේදී අමාත්‍ය මණ්ඩලය රැස්විය.
ඒ සම්බන්ධයෙන් ඉදිරි කටයුතු සඳහා අග්‍රාමාත්‍යවරයාගේ ප්‍රධානත්වයෙන් කැබිනට් අනුකමිටුවක් පත් කිරීමට අමාත්‍ය මණ්ඩලය තීරණය කළ බව අමාත්‍ය මණ්ඩල රැස්වීම අවසානයේ අදහස් දක්වමින් අමාත්‍ය සජිත් ප්‍රේමදාස මහතා ප්‍රකාශ කර තිබේ.
