අල්ලස් කොමිසම ආරම්භ කිරීමෙන් අනතුරුව දේශපාලනඥයන්ට සහ රජයේ උසස් නිලධාරීන්ට එරෙහිව ලැබෙන පැමිණිලි ඉහළ ගොස් ඇති බව අල්ලස් හෝ දුෂණ විමර්ශන කොමිසම පවසයි.
ඒ අනුව දිනකට පැමිණිලි 10ත් 15ත් අතර සංඛ්‍යාවක් මීට අදාළව ලැබෙන බව එම කොමිසම පෙන්වා දෙයි.
දැනට ලැබී ඇති පැමිණිලි 3500ක් පමණ විමර්ශනය කරමින් පවතින බව ද විශේෂයෙන් විදුහල්පතිවරුන් සම්බන්ධයෙන් ද ලැබෙන අල්ලස් පැමිණිලි ඉහළ ගොස් ඇති බව ද අල්ලස් හෝ දුෂණ විමර්ශන කොමිසම සඳහන් කළේය.
පසුගිය සමයේ විදුහල්පතිවරුන් ලිංගික අල්ලස් ලබාගැනීම් සම්බන්ධයෙන් ලැබෙන පැමිණිලි ඉහළ ගොස් තිබු අතර ඒ පිළිබඳව ඉදිරි කාලය තුළ දැඩි අවධානයක් යොමුකරමින් කටයුතු කරන බව අල්ලස් කොමිසමේ කොමසාරිස් හිටපු ජ්‍යෙෂ්ඨ පොලිස් අධිකාරී නෙවිල් ගුරුගේ මහතා පැවසුවේය.
