'දෙමුහුන් යුද අපරාධ අධිකරණ මෙහෙයුමට එරෙහි වෙමු' මැයෙන් ඒකාබද්ධ විපක්ෂය විසින් කොළඹ විහාරමහාදේවි එළිමහන් රංග පීඨයේ ඊයේ (19) සවස පැවැත්වූ ජන රැලියට එක්සත් ජනතා නිදහස් සන්ධානය නියෝජනය කරන පාර්ලිමේන්තු මන්ත්‍රීවරු 32 දෙනෙක් සහභාගී වී සිටියහ.
ශ්‍රී ලංකා නිදහස් පක්ෂය, මහජන එක්සත් පෙරමුණ, ප්‍රජාතන්ත්‍රවාදී වාමාංශික පෙරමුණ, ජාතික නිදහස් පෙරමුණ, ශ්‍රී ලංකා කොමියුනිස්ට් පක්ෂය, ලංකා සම සමාජ පක්ෂය, දේශවිමුක්ති ජනතා පක්ෂය, පිවිතුරු හෙළ උරුමය ඇතුළු පක්ෂ ගණනාවක් මෙම අවස්ථාව නියෝජනය කළේය.
වාසුදේව නානායක්කාර, විමල් වීරවංශ, උදය ගම්මන්පිල, ඩිව් ගුණසේකර, දිනේෂ් ගුණවර්ධන, තිස්ස විතාරණ, ජී.එල්. පීරිස් යන මහත්වරු මෙහිදී සභාව ඇමතූහ.
පාර්ලිමේන්තු මන්ත්‍රීවරුන් වන කුමාර වෙල්ගම, ඩලස් අලහප්පෙරුම, බන්දුල ගුණවර්ධන, රෝහිත අබේගුණවර්ධන, විදුර වික්‍රමනායක, ප්‍රසන්න රණතුංග, සාලින්ද දිසානායක, ගාමිණී ලොකුගේ, නාමල් රාජපක්ෂ, ජොන්ස්ටන් ප්‍රනාන්දු, රංජිත් සොයිසා, කණක හේරත්, ගීතා කුමාරසිංහ, දිලුම් අමුණුගම ඇතුළු මන්ත්‍රීවරු පිරිසක් මෙම අවස්ථාවට එක්වූහ.
