අසනීප තත්ත්වයක් හේතුවෙන් ඉන්දියාවේ පෞද්ගලික රෝහලක ප්‍රතිකාර ලබමින් සිටි හිටපු වැවිලි කර්මාන්ත රාජ්‍ය අමාත්‍ය කේ. වේලායුදම් මහතා හදිසියේ අභාවප්‍රාප්ත වී ඇත.
65 වැනි වියේ පසු වූ ඒ මහතා ජාතික වෘත්තීය සමිති සම්මේලනයේ සභාපතිවරයා ලෙස කටයුතු කළ අතර ලංකා ජාතික වතුකම්කරු සංගමයේ ප්‍රධාන ලේකම්වරයා ලෙස ද කටයුතු කර තිබේ.
හරින් ප්‍රනාන්දු මහතා ඌව මහඇමති අපේක්ෂකයා ලෙස ඉදිරිපත් වන්නට පාර්ලිමේන්තු මන්ත්‍රී ධූරයෙන් ඉවත්වී වූ අවස්ථාවේදී එම පුරප්පාඩුවට පිරවීමට වේලායුදම් මහතා පාර්ලිමේන්තුවට පිවිස පසුගිය ජනාධිපතිවරණයෙන් පසු බලයට ආ කෙටිකාලීන එජාප රජයේ වැවිලි කර්මාන්ත රාජ්‍ය ඇමතිවරයා ලෙස කටයුතු කළේය.
වේලායුදම් මහතා පසුගිය මැතිවරණයට ජාතික ලැයිස්තුවෙන් ඉදිරිපත් වූව ද ඔහුට මන්ත්‍රී අසුනක් ලබා ගැනීමට නොහැකි වූවේ ය.
