දින 03 ක් වයසැති සිය බිළිඳා නිවෙස පිටුපස වළක්‌ කපා වළදැමූ බව කියන 22 හැවිරිදි විවාහක කාන්තාවක වැලිකන්ද මලින්ද මහවැලි ගම්මානයේ දී වැලිකන්ද පොලීසිය විසින් ඊයේ (09) අත්අඩංගුවට ගෙන ඇත.
මනම්පිටිය වැඩබලන මහෙස්‌ත්‍රාත් සන්ධ්‍යා කුමාරි කරුණාසේකර මහත්මිය ඉදිරියේ ඊයේ (09) පස්වරුවේ එම බිලිඳු මළ සිරුර ගොඩ ගනු ලැබූ අතර ඒ පිළිබඳ පශ්චාත් මරණ පරීක්ෂණයක්‌ පවත්වන ලෙස පොළොන්නරුව මහ රෝහලේ අධිකරණ වෛද්‍ය නිලධාරිවරයාට මහෙස්‌ත්‍රාත්වරිය විසින් නියෝග කරන ලදී.
එලෙස මරා දමා ඇති බිළිඳා පිරිමි දරුවකු බව වාර්තා වේ.
මෙම අපරාධය සඳහා දැනට පොලීසිය අත්අඩංගුවට ගෙන සිටින සැකකාරියගේ මවවන 58 හැවිරිදි කාන්තාවක ද සිද්ධියට අනුබල දී ඇති බවට මූලික පොලිස්‌ පරීක්ෂණවල දී අනාවරණය වී තිබේ.
ඒ පිළිබඳ වැඩිදුර පරීක්ෂණ වැලිකන්ද පොලීසිය විසින් සිදු කරයි.
