කොටදෙණියාව දැරිය දූෂණය කර මරා දැමීම සම්බන්ධ නඩු භාණ්ඩ මීගමුව පොලිසියේ සොකෝ පරීක්ෂකවරුන්ට බාරදෙන්නැයි මිනුවන්ගොඩ මහේස්ත්‍රාත් ඩී.ඒ.රුවන්පතිරණ මහතා අද(16) නියෝග කළේය.
එම පරීක්ෂණ වලින් ඝාතනය පිළිබඳ වැදගත් තොරතුරු හෙළිවෙතැයි පොලිසිය පැවසීය.
පොලිස්පතිවරයාගේ නියෝගයකට අනුව දිවුලපිටිය - කොටදෙනියාවේදී අදාල දැරිය පැහැරගෙන ගොස් ඝාතනය කිරීමේ සිද්ධිය සම්බන්ධයෙන් සිදුකෙරෙන විමර්ශන වහාම ක්‍රියාත්මක වන පරිදි අපරාධ පරීක්ෂණ දෙපාර්තමේන්තුවට භාර දීමට කටයුතු කර තිබේ.
