මත්කුඩු චෝදනාවන්ට ලක් වූ පුද්ගලයින්ට මෙවර මහමැතිවරණයේ දී අපේක්ෂකත්වය ලබා නොදෙන ලෙස තමා හඬ නැගීමත් සමඟ එල්ල වන තර්ජන හමුවේ අන්තරායකර ඖෂධ පාලක මණ්ඩලයේ සභාපති වෛද්ය නිලංග සමරසිංහ මහතා රට හැර යැමේ සූදානමක් පවතින බව පැවසේ.
වෛද්ය නිලංග සමරසිංහ මහතා ගේ රාගම නිවසට අවස්ථා දෙකක දී යතුරුපැදියකින් පැමිණ තර්ජනය කර ඇති අතර ඒ මහතා මහතා රාගම පොලිසියට පැමිණිලි කර ඇතත් ඒ සම්බන්ධ සැකකරුවන් මෙතෙක් අත්අඩංගුවට ගෙන නැති බවට වාර්තා වේ.
මේ සම්බන්ධයෙන් අවධානය යොමුකර ආරක්ෂාව ලබාදෙන ලෙස ඒ මහතා පොලිස්පතිවරයාගෙන් හා මහජන සාමය පිළිබඳ අමාත්යාංශයෙන් ඉල්ලීමක් කර ඇතත් මේ වනතෙක් ඒ මහතාට ආරක්ෂාවක් ලැබී නැති බව මාධ්ය වාර්තා කරයි.
මේ සම්බන්ධයෙන් ජනාධිපතිවරයාට සහ අගමැතිවරයාට ද ලිපි යොමුකළ බව මාධ්ය වෙත පවසා ඇති වෛද්ය සමරසිංහ මහතාට මේ වන විට කටාර් සහ ප්රංශයෙන් තමාට ආරාධනා ලැබී ඇති බව ද ප්රකාශ කොට ඇත.