ඇටඹගස්කඩ කැලෑවේ දර කැඩීම සඳහා සහෝදරියන් වූ මෙම කාන්තාවන් දෙදෙනාට එකවර සැඟව සිටි වලහෙකු පහර දී ඇත.
වලහගෙ පහරදීමත් සමඟම මෙම සහෝදරියන් දෙදෙනා එඩිතරව කෑ ගසමින් දෙදෙනාට දෙදෙනා බේරාගැනීමට පොරබැදීම නිසා ජීවිතය බේරා ගැනීමට හැකවී ඇත.
මෙසේ වලහගේ පහර දීමෙන් තුවාල ලබා ඇත්තේ ඇටඹගස්කඩ පදිංචි 56 හැවිරිදි කේ.සීලවතී හා 53 හැවිරිදි කේ සිරියලතා යන සහෝදරියන් වන අතර වලහගේ පහර කෑමෙන් ඔවුන්ගේ හිසට හා මුහුණට තුවාල සිදුව ඇති අතර තුවාල සහිතව ගම්මානයට පැමිණීමෙන් පසුව ගම් වාසීන් විසින් ඔවුන් දෙදෙනා වවුනියාව මහරෝහලට ඇතුලත් කොට ඇත.
- වන්නි රොමේෂ් -
