May 18, 2024

පියුමි රූ රැජින වෙන්න රට ගිහින් අන්තිමයා වී ගෙදර ආ හැටි (PHOTOS)

ටෙලිනාට්‍ය නිළි පියුමි හංසමාලී කොහොමටත් ෆේස්බුක් සමාජ ජාලයේ ජනප්‍රිය චරිතයක්.

ඇය ඇගේ ෆේස්බුක් ගිණුම නිරන්තරයෙන් යාවත්කාලීන කිරීමත්, විවිධාකාරයේ සෙල්ෆි ඡායාරූප නිතර පළ කිරීමත් නිසා එම ජනප්‍රියත්වය එලෙසින්ම පවත්වාගෙන යාමට පියුමි සමත් වී තිබෙනවා.

කොහොම වුණත් පසුගිය දිනෙක ඇය ඉදිරිපත් වූ මෙරට විවාහක රූ රැජින තේරීමේ තරගයක දී ඇය හැසිරුණු ආකාරය නිසා පියුමි පිළිබඳ කතාබව තව තවත් ඉහළයාම සිදු වුණා.

අදාළ තරගයේ කිරුළ තමන් සතු නොවීම හේතුවෙන් ඇය වේදිකාවෙන් බැස ගියේ කෝපයෙන්.

එමෙන්ම පසුව ඇය චෝදනා කළේ එම තරගය පිටුපස ලිංගික අල්ලස් ගැනීමක් තිබූ බව යි.

කෙසේ වෙතත් එම උණුසුම මැකී යාමට මත්තෙන් ජාත්‍යන්තර රූ රැජින තරගයකට පියුමි ඉදිරිපත් වුණේ තව තවත් රසික අවධානය දිනාගනිමින්.  

මිස් ඇන්ඩ් මිසිස් ඒෂියා නෝබල් ක්වින් නමැති මෙම රූ රැජින තරගය පැවැත්වු‍ණේ මැලේසියාවේ දී.

ශ්‍රී ලංකාවෙන් පිටත්ව යාමට පෙර මෙන්ම මැලේසියාවට ගිය පසුව ද පියුමි තමන් සහභාගීවන තරගය පිළිබඳ බොහෝ උනන්දුවෙන් ඡායාරූප, සෙල්ෆි වීඩියෝ ආදියෙන් සිය රසික රසිකාවියන් දැනුවත් කළත් ඇයට නැවත මෙරටට පැමිණීමට සිදු වූයේ ජයග්‍රහණයකින් තොරව යි.

පසුගිය 21 වැනි දා මැලේසියාවේ ක්වාලාලාම්පූර් නුවර මෙම තරගාවලියේ අවසාන මහා තරගය පැවැත්වු‍ණේ විවාහක සහ අවිවාහක යන අංශ දෙකම නියෝජනය කරමින්.

එයට තරගකාරියන් 19 දෙනෙකු සහභාගී වූවා.

ඒ අවිවාහක අංශයේ තරගාකාරියන් 11 දෙනෙකු හා විවාහක අංශයේ තරගකාරියන් 8 දෙනෙකු ලෙස යි.

පියුමි සහභාගී වූ විවාහක අංශය නියෝජනය කළ තරගකාරියන් 8දෙනාගෙන් සිව්දෙනෙකුම මැලේසියානු ජාතික තරුණියන් වූ අතර අනෙක් සිවුදෙනා නියෝජනය කළ රටවල් වූයේ ජපානය, මොන්ගෝලියාව, පිලිපීනය හා ශ්‍රී ලංකාව යි.

කෙසේ වෙතත් තරගකාරියන් 8දෙනා අතුරින් ශ්‍රී ලංකාව නියෝජනය කළ පියුමිට හිමි වූයේ 8වෙනි ස්ථානය නොහොත් අන්තිම ස්ථානය යි.

මෙරට රූ රැජින තරගයේ දී විනිශ්චය භාර ගැනීමට අකමැති වුවත් තමන් අන්තිමයා බවට පත් වූ ජාත්‍යන්තර තරගයේ දී නම් එවැන්නක් පැවසූවේ නැහැ.

අවසාන 8දෙනා අතරට යාම පිළිබඳ තමා ඉතා සතුටට පත්වන බව යි පියුමි සිය ෆේස්බුක් ගිණුම හරහා අදහස් පළකොට තිබුණේ.

ඡායාරූප පහතින් > > >  

 
Rate this item
(1 Vote)
Last modified on Wednesday, 26 October 2016 15:20