March 31, 2020

ශ්‍රී ලංකා නිදහස් පක්ෂ ජාතික ලැයිස්තු මන්ත්‍රී ඒ.එච්. එම්. ෆවුසි මහතාගේ මන්ත්‍රී ධුරය අහෝසි කර ඒ පුරප්පාඩුව සඳහා හිටපු ජනාධිපති මෛත්‍රීපාල සිරිසේන මහතා පාර්ලිමේන්තුවට පත්වීමට උත්සාහ දරන්නේය යනුවෙන් එල්ල වන චෝදනාව සම්පූර්ණයෙන්ම අසත්‍ය බව රාජ්‍ය අමාත්‍ය තිලංග සුමතිපාල මහතා පවසයි. 

ඒ ඊයේ මාධ්‍ය වෙත අදහස් දක්වමිණි.

එහිදී ඒ මහතා මෙසේ අදහස් දැක්විය.

"ඇත්තටම පට්ටපල් බොරුවක්. හිටපු ජනාධිපතිතුමාට පාර්ලිමේන්තු එන්න ඕනෙ නම් අපේ ඕනෙ කෙනෙක්ට ඉල්ලා අස්වෙලා ජාතික ලැයිස්තුවෙන් එතුමාට එන්න පුළුවන්. නමුත් එතුමා තීන්දු කළා මේ මාස කිහිපය එතුමා තමන්ගේ පෞද්ගලික කටයුතුවලට, පවුලේ අයට වෙලාව යෙදෙව්වෙත් නෑ, ඒනිසා පොඩ්ඩක් ඉඳලා මහමැතිවරණය එනකොට කල්පනා කරනවා කියලා මොකද්ද කරන්නෙ කියන එක. "

හිටපු ජනාධිපති මෛත්‍රිපාල සිරිසේන මහතා මීළඟ මහ මැතිවරණයට පෙර එක්සත් ජාතික නිදහස් සන්ධාන ජාතික ලැයිස්තු පාර්ලිමේන්තු මන්ත්‍රීවරයෙකු ලෙස දිවුරුම් දිමට සුදානම් බව ඒෂියන් මිරර් වෙත වාර්තා වේ. 

මෛත්‍රිපාල සිරිසේන මහතා එජනිස ජාතික ලැයිස්තු පාර්ලිමේන්තු මන්ත්‍රී ඒ.එච්.එම්.ෆවුසි මහතාගේ ජාතික ලැයිස්තු මන්ත්‍රී ධුරය සඳහා මෙසේ දිවුරුම් දීමට නියමිත බවද වාර්තා වේ. 

ඒ.එච්.එම්.ෆවුසි මහතා ශ්‍රී ලංකා නිදහස් පක්ෂයේ විනය කඩ කළ බවට තීන්දු කොට ඔහුව මන්ත්‍රී ධුරයෙන් නෙරපා තිබේ.

තමන්ගේ පාර්ලිමේන්තු මන්ත‍්‍රීධූරය අහෝසි කිරීමට එක්සත් ජනතා නිදහස් සන්ධානය ගත් තීරණයට එරෙහිව අනිවාර්යයෙන්ම අධිකරණය හමුවට යන බව පාර්ලිමේන්තු මන්ත‍්‍රී ඒ.එච්.එම් ෆවුසි මහතා ඊයේ (3) පැවසීය.
 
තමන් වසර 44ක් තිස්සේ ශ්‍රී ලංකා නිදහස් පක්‍ෂ සාමාජිකයකු ලෙස මෙන්ම දිගු කලක් තිස්සේ පාර්ලිමේන්තු මන්ත‍්‍රීවරයෙක් හා ඇමතිවරයෙක් ලෙසත් කටයුතු කරළ බව කී මන්ත‍්‍රීවරයා පක්‍ෂ සාමාජික ගාස්තු ද මේ දක්වා අඛණ්ඩව ගෙවා තිබෙන බව ස`දහන් කළේය.
 
මන්ත‍්‍රීධූරයෙන් තමා ඉවත්කිරීමට පක්‍ෂය උත්සාහ කරන්නේ හිටපු ජනාධිපති මෛත‍්‍රීපාල සිරිසේන මහතාට පාර්ලිමේන්තුවට යාම සදහා නම් ඒ වෙනුවෙන් තමාගෙන් ඉල්ලීමක් කරන්නට තිබූ බව ද ෆවුසි මහතා කීවේය.
 
අසාධාරණ ලෙස පක්‍ෂයෙන් ඉවත් නොකර එවැනි ඉල්ලීමක් කළේ නම් මන්ත‍්‍රීධූරය අත්හැරයාමට තමන් දෙවරක් නොසිතන බව ද මන්ත‍්‍රීවරයා කීවේය.
     
 පාර්ලිමේන්තු මන්ත‍්‍රී ඒ.එච්.එම් ෆවුසි මහතා මේ බව පැවසුවේ ඔහු පක්‍ෂයෙන් ඉවත්කිරීමට කිරීමට ශ්‍රී ලංකා නිදහස් පක්‍ෂය ගෙන ඇති තීන්දුව සම්බන්ධයෙන් ලංකාදීපය කළ විමසුමකට පිළිතුරු ලබාදෙමිනි.

පක්ෂයේ විනය කඩකිරීම නිසා පක්ෂ සාමාජිකත්වය තහනම් කළ ජාතික ලයිස්තු මන්ත්‍රීවරුන් පස්දෙනා (05) දින 14 ක කාලයක් තුල විනය කමිටුව ඉදිරියේ පෙනී සිටිය යුතු බව ශ්‍රී ලංකා නිදහස් පක්ෂ මහලේකම් දයාසිරි ජයසේකර මහතා සඳහන් කළේය.

එහිදී ඔවුන්ට නිදහසට කරුණු ඉදිරිපත් කල හැකි බවත් එම කරුණු දැක්වීමෙන් පසු ඉදිරි ක්‍රියාමාර්ග ගන්නා බවද ඊයේ (01) පැවැති මාධ්‍ය සාකච්ඡාවකදී පවසා සිටියේය.

වෙනත් පක්ෂයක් ප්‍රවර්ධනය කිරීම යටතේ එස්.බී. දිසානායක, ලක්ෂ්මන් යාපා, ඩිලාන් පෙරේරා, එච්.එම්. ෆවුසි, විජිත් විජිතමුණි සොයිසා යන මන්ත්‍රීවරුන්ගේ පක්ෂ සාමාජිකත්වය තහනම් කල බවද පවසා සිටියේය.

මුලින්ම නිදහසට කරුණු විමසා දින 07 ක කාලයක් ලබාදුන් බවත් ඔවුන් ලබාදුන් නිදහසට කරුණු දැක්වීම පිළිගත නොහැකි යූ බවත් මේ නිසා විනය කමිටුව ඉදිරියට පැමිණෙන ලෙසට ලිපි මගින් දැන්වූ බවද කියා සිටියේය.

ශ්‍රීලනිපයේ විනය කැඩූ සාමාජිකයන්ට එරෙහිව විනය පරීක්ෂණ පවත්වන්නේ නම් පළමුව විනය පරීක්ෂණ පැවැත්විය යුත්තේ පක්ෂයේ සභාපතිවරයා වන ජනාධිපති මෛත්‍රීපාල සිරිසේන මහතාට සහ මහ ලේකම්වරයා වන දයාසිරි ජයසේකර මහතාට එරෙහිව බව පාර්ලිමේන්තු මන්ත්‍රී ඒ.එච්.එම්. ෆවුසි මහතා පවසයි.
 
ඔහු මේ බව සඳහන් කර තිබෙන්නේ ෆවුසි ඇතුළු පාර්ලිමේන්තු මන්ත්‍රීවරුන් පස් දෙනෙකුට එරෙහිව විනය පරීක්ෂණ පැවැත්වීමට ශ්‍රී ලංකා නිදහස් පක්ෂය ගත් තීරණය සම්බන්ධයෙන් අදහස් දක්වමිනි.
 
තමන් ශ්‍රීලනිපයේ ජ්‍යෙෂ්ඨතම උප සභාපතිවරයා ලෙස සිටියදී තමන් දැරූ මැද කොළඹ සංවිධායක ධුරය අහිමි කිරීමට පක්ෂය කටයුතු කළ බවත් එවැනි අසාධාරණකම් සිදුවෙද්දී තවදුරටත් පක්ෂය සමග සිටිය හැකිද යන්න ගැටලුවක් බවත් ඔහු පවසනවා. ඒ අනුව මේ දිනවල පක්ෂයෙන් මදක් ඈත්ව සිටින නමුත්, විනය පරීක්ෂණ පවත්වන්නේ නම් තමාට පෙර පක්ෂයේ විනය කැඩූ විශාල පිරිසකට එරෙහිව විනය පරීක්ෂණ පැවැත්විය යුතු බවත් ඔහු පෙන්වා දෙයි.
 
විනය පරීක්ෂණයක් සම්බන්ධයෙන් මෙතෙක් තමා දැනුවත් කර නොමැති බව ඔහු වැඩිදුරටත් පෙන්වා දෙයි.
 
එස්.බී. දිසානායක, ඩිලාන් පෙරේරා, ලක්ෂ්මන් යාපා අබේවර්ධන, විජිත් විජයමුණි සොයිසා සහ ඒ.එච්.එම්. ෆවුසි යන මන්ත්‍රීවරුන්ට එරෙහිව විනය පරීක්ෂණ පැවැත්වීමට ශ්‍රීලනිපය තීරණය කර ඇති අතර විනය පරීක්ෂණ මගහරින පුද්ගලයන්ගේ මන්ත්‍රී තනතුරු අහෝසි කිරීමට ද ශ්‍රීලනිපය තීරණය කර ඇති බව වාර්තා වේ.

ශ්‍රී ලංකා නිදහස් පක්ෂයේ ජාතික ලැයිස්තු පාර්ලිමේන්තු මන්ත්‍රීවරුන් 5 දෙනෙකුට එරෙහිව විනය පරීක්ෂණ සිදු කිරීමට නියමිත බව පක්ෂයේ මහලේකම් දයාසිරි ජයසේකර මහතා පවසයි.

අද (04) කොළඹ පැවති මාධ්‍ය හමුවකට එක්වෙමින් ඒ මහතා මේ බව පැවසීය.

ඒ අනුව එස්.බී. දිසානායක, ඩිලාන් පෙරේරා, විජිත් විජයමුණි සොයිසා, ලක්ෂ්මන් යාපා සහ ඒ. එච්.එම් ෆවුසි යන පාර්ලිමේන්තු මන්ත්‍රීවරුන්ට එරෙහිව මෙම තීරණය පක්ෂය විසින් ගෙන තිබේ.

ඔවුන්ට මේ සම්බන්ධයෙන් දැනුවත් කිරීමට අදාළ ලිපි යොමු කර ඇතැයි ද දයාසිරි ජයසේකර මහතා වැඩිදුරත් පැවසීය.

විනය පියවර නොගැනීම සම්බන්ධයෙන් ජනතාවගෙන් විවිධ ලිපි දිනපතා ලැබෙමින් පවතින බවද සඳහන් කර සිටි දයාසිරි ජයසේකර මහතා, මොවුන් පමණක් නොව ප්‍රාදේශීය සභා මන්ත්‍රිවරුන් ද රැගෙන ගිය බවට චෝදනා කර සිටියේය.