October 17, 2019

ශ්‍රී ලංකා පොදු ජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා අද පෙරවරුවේ අනුරාධපුරයේදී පාර්ලිමේන්තු මන්ත්‍රී දුමින්ද දුමින්ද දිසානායක මහතාගේ නිවසට පැමිණ ඇත.

ශ්‍රී ලංකා පොදුජන පෙරමුණේ ජනාධිපතිවරණ මංගල මහා රැලිය පැවැත්වෙන අද (9) ශ්‍රී ලංකා නිදහස් පක්ෂයේ විශේෂ නියෝජිතයකු ලෙස ජාතික සංවිධායක, පාර්ලිමේන්තු මන්ත්‍රී දුමින්ද දිසානායක සහභාගි වීමට නියමිතව ඇත.

අනුරාධපුර සල්ගාදු ක්‍රීඩාංගණයේ දී මෙම රැලිය පැවැත්වෙන අතර පාර්ලිමේන්තු මන්ත්‍රී දුමින්ද දිසානායක මෙම රැලියේදී විශේෂ ප්‍රකාශයක් කිරීමටද නියමිතය.

අද අනුරාධපුරයෙන් ආරම්භ වන පොදුජන පෙරමුණු ජනපති අපේක්ෂක ගෝඨාභය රාජපක්ෂ මහතාගේ ජනාධිපතිවරණ මැතිවරණ ව්‍යාපාරයේ සමාරම්භක රැස්වීමට තමන් සහභාගී වන බව ශ්‍රී ලංකා නිදහස් පක්ෂයේ ජාතික සංවිධායක දුමින්ද දිසානායක මහතා ඒෂියන් මිරර් වෙත පැවසිය. 

ශ්‍රීලනිපය ගෝඨාභය රාජපක්ෂ මහතාට සහය දීමට ගත් තීන්දුව සමඟ තමන් සිටින බවද අද වේදිකාවට නගින්නේ ඒ අනුව බවද දිසානායක මහතා වැඩිදුරටත් සඳහන් කළේය.

දුමින්ද දිසානායක මහතා එක්සත් ජාතික පක්ෂයට සම්බන්ධ වන බවට එහි ප්‍රබලයින් කීප වතාවක්ම ප්‍රකාශ කර තිබීම ගැන කළ විමසුමට පිළිතුරු දුන් දිසානායක මහතා තමන් කිසිවෙටක ශ්‍රී ලංකා නිදහස් පක්ෂය අතහැර නොයන බව සඳහන් කළේය.

තමන් සමඟ අනුරාධපුර දිස්ත්‍රික් එජනිස මන්ත්‍රී, ශ්‍රීලනිප මාධ්‍ය ප්‍රකාශක වීරකුමාර දිසානායක මහතා ද එම රැස්වීමට සහභාගී වන බව දිසානායක මහතා පැවසිය.

ශ්‍රීලනිප මහ ලේකම් වරයා වශයෙන්ද කලක් කටයුතු කළ දුමින්ද දිසානායක මහතා මෙම අදහස් පළ කළේ ඒෂියන් මිරර් කළ විමසුමකට පිළිතුරු දෙමිනි. 

අද පොහොට්ටුවට  ජයග්‍රහණයද වටින්නේ, තමන්ගේ ලකුණුද වටින්නේ කියලා තීරණය කරන්න වෙ බව  ශ්‍රී ලංකා නිදහස් පක්ෂ ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා පැවසීය.

ඒ මහතා මේ බව ප්‍රකාශ කර සිටියේ කැකිරාව ආසන ශ්‍රී ලංකා නිදහස් පක්ෂ ආසන බල මණ්ඩලය අමතමින්ය.

අනතුරුව අදහස් දැක්වූ දුමින්ද දිසානායක මහතා,

“දැන් මේ ශ්‍රී ලංකා නිදහස් පක්ෂය කාටවත් වට්ටන්න පුළුවන්ද?  ඔබතුමන්ලා දන්නවා ශ්‍රී ලංකා නිදහස් පක්ෂයේ ඉතිහාසය, මේ ශ්‍රී ලංකා නිදහස් පක්ෂයේ නිර්මාතෘ එස්.ඩබ්.ඩබ්ලිව්.ආර්.ඩී බණ්ඩාරනායක මහතා. එදා බණ්ඩාරනායක මහතා ඝාතනයට ලක් වුණාට පස්සේ සිරිමාවෝ මහත්මිය  මේ පක්ෂය භාර ගත්තා.පක්ෂයේ නිර්මාතෘ බණ්ඩාරණායක මහතාගේ , පක්ෂය පෝෂණය කරපු සිරිමාවෝ බණ්ඩාරනායක මහත්මියගේ  දුවයි, පුතයි දෙන්නත් මේ පක්ෂය දාලා ගියා. මේ පක්ෂයෙන් අයින් වෙලා අලුත් පක්ෂ හැදුවා.  වෙනත් පක්ෂ වලට ගියා. හැබැයි ශ්‍රී ලංකා නිදහස් පක්ෂය මරන්න, නැති කරන්න පුළුවන්කම තිබුණාද? ශ්‍රී ලංකා නිදහස් පක්ෂය විනාශ කරන්න ඒ කාටවත් බැරි වුණා. අවසානයේ ඒ අයටත් සිද්ධ වුණේ ආයේ පාරක් මහ ගෙදර එන්නයි. ගිය ගමන පැත්තකින් තියලා.  ගිය ගමන තේරුම් අරගෙන නැවත වතාවක් ශ්‍රී ලංකා නිදහස් පක්ෂය කියන මහ ගෙදර තමයි ඒ සියලු දෙනාම නැවතුනේ. අදත් අපට ඒ වගේ පොඩි පොඩි ප්‍රශ්න තියෙනවා. අදත් මේ හැමෝම කථා කරන පක්ෂයක්නේ පොහොට්ටුව.  දැන් පොහොට්ටුවේ ඉන්නෙත් ශ්‍රී ලංකා නිදහස් පක්ෂයේ කට්ටිය.  ඇයි අද ඒ ගොල්ල පොහොට්ටුවේ ඉන්නේ.  මහින්ද රාජපක්ෂ කියන නමත් එක්ක එතුමාට තියෙන ආකර්ෂණයත් එක්ක ඉන්නවා ඇරෙන්න වෙන මොකටද එතන ඉන්නේ. ඒ නිසා පොහොට්ටුවේ අයගේ අවසානය ශ්‍රී ලංකා නිදහස් පක්ෂයෙන් තමයි සිද්ධ වෙන්නේ. ඒක වැඩි ඈතක් යන්නේ නෑ. මම විශ්වාස කරනවා ඉදිරි අවුරුද්දක් වගේ කාලය තුළ ඒ ශ්‍රී ලංකා නිදහස් පක්ෂය අමතක කරලා අලුත් ගමන් ගියපු බොහෝ දෙනා නැවත වතාවක් මේ මහ ගෙදර ශක්තිමත් කරනවා කියන එක අපිට විශ්වාසයි. එතන හරයක්, මතයක්, මතවාදයක් කිසි දෙයක් නෑ. ඒ නිසා ඔබතුමන්ලා දැක්කා පසුගිය ප්‍රාදේශිය සභා මැතිවරණයේ සමහර වෙලාවට කොට්ඨාසයේ ඉල්ලන්නේ මොකාද කියලවත් දන්නේ නෑ. මේකට පැවැත්මක් නෑ. හැබැයි ශ්‍රී ලංකා නිදහස් පක්ෂයට එහෙම නෙමෙයි, ශ්‍රී ලංකා නිදහස් පක්ෂයට අමාරුකම්, ප්‍රශ්න තියෙනවා.  හැබැයි ශ්‍රී ලංකා නිදහස් පක්ෂය අනාගතයේ නැවත වතාවක් මේ රටේ ශක්තිමත්ම පක්ෂය බවට පත් වෙනවා. ඒක වලක්වන්න කාටවත් බෑ."

"අපි - පොහොට්ටුවට එකතුවෙන එක ගැන දැන් කථා කරනවා. අපි මීට දවස් දෙකකට කලින් අපේ පාර්ලිමේන්තු කණ්ඩායම රැස් වුණා. අපි එතනදී පැහැදිලි තීන්දුවක් ගත්තා අපිට පොහොට්ටුවත් එක්ක එකතු වෙන්න වුවමනාවක් නෑ.  පොහොට්ටුවත් එක්ක අපිට එකතු වෙන්න වුවමනාවක් නෑ කියලා කියන්නේ මේ අපේ අනාගතය වෙනුවෙන් නෙමෙයි, ශ්‍රී ලංකා නිදහස් පක්ෂයේ අනාගතය වෙනුවෙන්. අපි පොහොට්ටුවට ගිහින් සම්බන්ධ වුණොත් ශ්‍රී ලංකා නිදහස් පක්ෂයේ අනාගතය පිළිබඳව අපිට ලොකු අවධානමක් තියෙනවා. ශ්‍රී ලංකා නිදහස් පක්ෂය ගිල ගැනීම, යට කිරීම තමයි පොහොට්ටුවේ අරමුණ වෙලා තියෙන්නේ. රෑට රූපවාහිනිය බැලුවම පොදුජන පෙරමුණේ මාධ්‍ය සාකච්ජාවේ පිටිපස්සේ තියෙන්නේ පොහොට්ටු ලකුණ.  උඩින්ම මහින්ද මහත්තයා, දෙවනියට ඉන්නවා ගෝඨා, තුන්වැනියට ඉන්නවා බැසිල්. මේ පොහොට්ටුව රාජපක්ෂවරුන්ගේ කියන එකනේ මේ ඒ අය කියන්නේ. එහෙම නම් අපිට පුළුවන්කමක් තියෙනවාද මේ දැවැන්ත ඉතිහාසයක් තියෙන, විශාල කැපකිරීම් කරලා තියෙන, මේ රට වෙනුවෙන් බොහෝ තීන්දු තීරණ අරගෙන රට හරිමාවතට ගෙන ගිය ශ්‍රී ලංකා නිදහස් පක්ෂය පොහොට්ටුවේ ගැටගහලා, පොහොට්ටුව තුළ ශ්‍රී ලංකා නිදහස් පක්ෂය දිය කරන්න අපිට පුළුවන්කමක් නෑ. ශ්‍රී ලංකා නිදහස් පක්ෂයට අභියෝග තියෙනවා වෙන්න පුළුවන්. ඒ අභියෝග අපි විනාශයට පාර කපා ගැනීමක් වෙන්න බෑ. අපි ප්‍රශ්න වලට උත්තර හොයන්න ඕන මිසක් උත්තරයක් නෑ කියලා ශ්‍රී ලංකා නිදහස් පක්ෂය විනාශ කරන්න දෙන්න පුළුවන්කමක් නෑ” යනුවෙන් ඔහු වැඩිදුරටත් පැවසිය.

අධ්‍යාපනයේ ගුණාත්මක සංවර්ධනය වෙනුවෙන් ගුරු පරපුර නිරන්තරයෙන් දැනුමෙන් යාවත්කාලීන විය යුතු බව ජනාධිපති මෛත්‍රීපාල සිරිසේන මහතා පවසයි.

ජනාධිපතිවරයා   මේ බව ප‍්‍රකාශ කළේ ඊයේ (09) පෙරවරුවේ කැකිරාව මධ්‍ය විද්‍යාලයීය ශ‍්‍රවණාගාරයේ පැවති උතුරු මැද පළාත් උපාධිධාරි ගුරු පත්වීම් ප‍්‍රදානෝත්සවය අමතමිනි.

මෙහිදී අදහස් දැක්වූ ජනාධිපතිතුමා වැඩිදුරටත් සඳහන් කළේ දැනුමෙන් සහ වෙනස්වන ලෝකයට ගැළපෙන නිර්මාණාත්මක කුසලතාවලින් පරිපූර්ණ අනාගත පරපුරක් බිහි කිරීම මෙන්ම නවීන තාක්ෂණය සමඟ ඉදිරියට යන,දරුවන්ගේ අධ්‍යාත්මික ගුණ වගාවන් ද පෝෂණය කරමින් යහපත් පරපුරක් ගොඩනැඟිමට අද දවසේ ගුරුවරයා වෙත පැවරී ඇති වගකීම අතිමහත් බවයි.

උතුරු මැද පළාතේ ගුරු පුරප්පාඩු පියවමින් සිංහල මාධ්‍ය ගුරුවරුන් 428ක්, දෙමළ මාධ්‍ය ගුරුවරුන් 100ක් සහ ඉංගී‍්‍රසි මාධ්‍ය ගුරුවරුන් 11 දෙනෙකු ඇතුළු  උපාධිධාරි ගුරුවරුන් 538 දෙනෙකු වෙනුවෙන් ගුරු පත්වීම් ප‍්‍රදානය කිරීම මෙහිදී සිදුවූ අතර සංකේතාත්මකව ජනාධිපතිතුමා අතින් කිහිපදෙනෙකු වෙත පත්වීම් ලිපි පිළිගැන්විණි.

උතුරු මැද පළාත් ආණ්ඩුකාර සරත් ඒකනායක මහතා සහ පාර්ලිමේන්තු මන්තී‍්‍රවරුන්වන දුමින්ද දිසානායක, වීරකුමාර දිසානායක, චන්දිම ගමගේ යන මහත්වරුන් ඇතුළු ප‍්‍රදේශයේ මහජන නියෝජිතයන් රැසක්  සහ රාජ්‍ය නිලධාරින් මෙම අවස්ථාවට එක්ව සිටියහ.

සන්ධානයක් ගොඩනැඟිය යුතුය යන ස්ථාවරයේ ශ්‍රී ලංකා නිදහස් පක්ෂය පසුවන බව එහි ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා පවසයි.

ඔහු මේ බව ප්‍රකාශ කළේ ඊයේ (04) පෙරවරුවේ ජනාධිපති කොමිසම හමුවට පැමිණි අවස්ථාවේදීයී. 

රාජ්‍ය ආයතනවල දූෂණ වංචා සෙවීමේ ජනාධිපති කොමිසමට හිටපු කෘෂිකර්ම අමාත්‍ය දුමින්ද දිසානායක මහතා ඊයේ පෙරවරුවේ පැමිණියේය.

මෙහිදී වැඩිදුරටත් අදහස් දක්වමින් මන්ත්‍රීවරයා පවසා සිටියේ, පාර්ලිමේන්තුවට යා යුතු බැවින් නඩුවේ ඉතිරි සාක්ෂිකරුවන්ගෙන් අද දිනයේ සාක්ෂි කැඳවීමටත් තමාට ලබන 10 වන දින සාක්ෂි සඳහා කැඳවීමටත් තීන්දු කළ බවයි.

සන්ධානයක් හැදිය යුතුයි යන තැන සිටින බවත් පැවසු මන්ත්‍රීවරයා ඉතිහාසයේ සිට ශ්‍රී ලංකා නිදහස් පක්ෂය තරග වැදී ඇත්තේ සන්ධානවලින් බව පැවසීය.

එනිසා ඉදිරියේ දී පුළුල් සන්ධානයක් ගැන ජනතාව බලාපොරොත්තු දල්වා ගෙන සිටීම කිසිදු ප්‍රශ්නයක් නොවන බව මෙහිදී දුමින්ද දිසානායක මහතා කියා සිටියේය.

හිටපු කෘෂිකර්ම අමාත්‍ය දුමින්ද දිසානායක මහතා රාජ්‍ය ආයතනවල දූෂණ වංචා සෙවීමේ ජනාධිපති කොමිසම හමුවේ අද(04) පෙනී සිටිමට නියමිතව තිබේ.

පෙරවරු 11.00 ට ජනාධිපති කොමිසම හමුවේ පෙනී සිටින ලෙස මන්ත්‍රීවරයාට දැනුම්දී ඇති බව වාර්තා වේ.

දුමින්ද දිසානායක මහතා කෘෂිකර්ම අමාත්‍යවරයා ලෙස කටයුතු කළ කාලයේදී කෘෂිකර්ම අමාත්‍යාංශය රාජගිරිය ප්‍රදේශයේ පිහිටි පෞද්ගලික ගොඩනැඟිල්ලක පවත්වාගෙන යාම සම්බන්ධයෙන් වන පැමිණිල්ලක් මත සිදු කෙරෙන විමර්ශනයට අදාළව ප්‍රකාශයක් ලබාදිම සදහා මෙම කැදවීම සිදුකර ඇති බව සඳහන්ය.


 

හිටපු කෘෂි කර්ම අමාත්‍ය දුමින්ද දිසානායක මහතා 2015 - 2018 කාල සීමාව තුල රාජ්‍ය ආයතනවල සිදු වූ වංචා හා දුෂණ විමර්ශනයට පත් කළ ජනාධිපති කොමිසම හමුවේ අද (29) පෙනී සිටීමට නියමිතය.

රජයේ තක්සේරුකරු විසින් අනුමත කරන ලද තක්සේරු මුදල ඉක්මවා කෘෂිකර්ම අමාත්‍යංශය සඳහා මාසිකව රුපියල් ලක්ෂ 216ක මාසික කුලියකට ප්‍රසිද්ධ නිළියක වන සබීතා පෙරේරා මහත්මියගේ සැමියාට අයත් ගොඩනැගිල්ල කුලියට ගැනීම සම්බන්ධයෙන් සාක්ෂි ලබා ගැනීම සඳහා දිසානායක මහතා මෙසේ කැඳවා තිබේ.

මීට පෙරද හිටපු අමාත්‍යවරයා මෙම කොමිසම හමුවට සාක්ෂි කැඳවා තිබිණි. 

කෘෂිකර්ම අමාත්‍යාංශය සඳහා මාසික කුලී පදනම මත ලබා ගත්  බත්තරමුල්ල ඩී.පී.ජයසිංහ ගොඩනැගිල්ල අමාත්‍ය මණ්ඩල තීරණයක් අනුව ලබා ගත් එකක් යැයි හිටපු කෘෂිකර්ම අමාත්‍ය පාර්ලිමේන්තු මන්ත්‍රී දුමින්ද දිසානායක මහතා ඊයේ (20) ජනාධිපති පරීක්ෂණ කොමිසම හමුවේ සාක්කි දෙමින් කියා සිටියේය.

එසේම එම ගොඩනැගිල්ල සඳහා නීතිපතිගේ අනුමැතිය ලබා දී ඇති බවට එවකට එම අමාත්‍යාංශයේ ලේකම්වරයා වාචිකව තමන්ට පැවසූයේ යැයිද පාර්ලිමේන්තු මන්ත්‍රීවරයා එම ජනාධිපති කොමිසම හමුවේ වැඩිදුරටත් කීය.

කෘෂිකර්ම අමාත්‍යාංශය රුපියල් මිලියන 24 .6 ක මාසික කුලියට බත්තරමුල්ල පිහිටි ඩී.පී.ජයසිංහ ගොඩනැගිල්ලට රැගෙන යාමෙන් රජයට පාඩු සිදුව ඇතැයි කියමින් එම ජනාධිපති කොමිසම හමුවේ ගොනු කළ පැමිණිල්ල සම්බන්ධයෙන් සාක්කි ලබා දෙමින් හෙතෙම මේ බව පැවසීය.

හිටපු කෘෂිකර්ම අමාත්‍යවරයා වැඩිදුරටත් සාක්කි දෙමින් කියා සිටියේ පාර්ලිමේන්තු කාරක සභා ගොවිජන මන්දිරයට රැගෙන ඒමට පාර්ලිමේන්තුව ගත් හදිසි තීරණය හේතුවෙන් කෘෂිකර්ම අමාත්‍යාංශය මාරු කිරීමේ තීරණය ක්ෂණිකව ක්‍රියාත්මක වූ බවය.

ඒ අනුව ප්‍රමාණවත් ඉඩකඩක් පැවති බත්තරමුල් ඩී.පී.ජයසිංහ ගොඩනැගිල්ලට කෘෂිකර්ම අමාත්‍යාංශය රැගෙන ගිය බවත් , නව ගෙඩනැගිල්ලේ වැඩකිරීමේ දුෂ්කරතාවයන් සම්බන්ධයෙන් එවකට අමාත්‍යධූරය හෙබවූ කාලය තුළ තමාට කිසිඳු පැමිණිල්ලක් නොලැබූ බවද  පාර්ලිමේන්තු මන්ත්‍රීවරයා කීය.

කෙසේ නමුත් මේ වන තුරුත් පාර්ලිමේන්තු කාරක සභා ගොවිජන මන්දිරයට නැවත ස්ථානගත කිරීමට කටයුතු කර නැතැයිද ඔහු කොමිසම හමුවේ පැවසීය.

එම සාක්කි ලබා දුන් අවස්ථාවේදී සාක්කිකාර දුමින්ද දිසානායක මහතා ඇමතූ ජනාධිපති කොමිසමේ සභාපති , හිටපු ශ්‍රේෂ්ඨාධිකරණ විනිසුරු උපාලි අබේරත්න මහතා  කියා සිටියේ මෙම ගෙඩනැගිල්ල සම්බන්ධයෙන් බොහෝ චෝදනා සාක්කිකරුට එල්ල වී ඇති බවත් , එම චෝදනා වලින් මිඳීමට නම් නීතිපති අනුමැතිය ලබා දුන් ලිපිය මීළඟ දිනට ඉදිරිපත් කළ යුතු බවට දැනුම් දෙන ලදී.

ඒ අනුව මෙම පැමිණිල්ල පිළිබඳ වැඩිදුර විභාගය ලබන 29 වැනිදාට කල් තැබූ අතර එදිනට කොමිසම හමුවේ යළි පෙනී සිටින ලෙසට හිටපු අමාත්‍යවරයාට නියෝග කරන ලදී.

ශ්‍රී ලංකා නිදහස් පක්ෂයේ සහාය නොමැතිව 2020 ජනාධිපතිවරයා පත් කළ නොහැකි බව එක්සත් ජනතා නිදහස් සන්ධාන පාර්ලිමේන්තු මන්ත්‍රී දුමින්ද දිසානායක මහතා පවසයි. 

අනුරාධපුරයේ පැවති ජනහමුවකදී ඔහු මේ පිළිබඳව අදහස් පළ කළේය.

පාර්ලිමේන්තු මන්ත්‍රී දුමින්ද දිසානායක මහතා පවසා සිටියේ ඉදිරි ජනාධිපතිවරණයේදී තීරණාත්මක සාදකය ශ්‍රී ලංකා නිදහස් පක්ෂය බවයි.

පොදුජන පෙරමුණට හෝ එක්සත් ජාතික පක්ෂයට ශ්‍රී ලංකා නිදහස් පක්ෂයේ සහාය නොමැතිව ජනාධිපතිවරයෙක් හැදිය නොහැකි බව පාර්ලිමේන්තු මන්ත්‍රී දුමින්ද දිසානායක මහතා මෙහිදී වැඩිදුරටත් පැවසීය.

මේ අතර පාර්ලිමේන්තු මන්ත්‍රී දුමින්ද දිසානායක මහතා සඳහන් කර සිටියේ ශ්‍රී ලංකා නිදහස් පක්ෂය පොහොට්ටුවට දියකර හැරීමට ඉඩ නොතබන බවයි.

වත්මන් දේශපාලනයත්, දේශපාලඥයෝත් වගේම දේශපාලන පක්ෂ ජනතාවට එපා වී ඇති බවත් පාර්ලිමේන්තු මන්ත්‍රී දුමින්ද දිසානායක මහතා පවසයි.

පාර්ලිමේන්තුවටම බෝම්බ ගැසිය යුතු බවත්, මැති ඇමති 225ම එපා සිටින බවට ජනතාව ප්‍රකාශ කරන බවත් මන්ත්‍රීවරයා පැවසීය.

අනුරාධපුර දිස්ත්‍රික්කයේ ශ්‍රී ලංකා නිදහස් පක්ෂ උපාධිධාරීන් සමඟ පැවති සාකච්ජාවකදීය මන්ත්‍රීවරයා මේ බව පැවසීය.

කෙසේ වෙතත් දේශපාලනය එපා වුවද දේශපාලනය නොමැතිව රටක් ඉදිරියට ගෙන යාමට පුළුවන්කමක් නොමැති බැවින් එය අතහැරිය නොහැකි බවද මන්ත්‍රීවරයා පෙන්වා දෙයි.

එහිදි වැඩිදුරටත් අදහස් දැක්වු මන්ත්‍රීවරයා,

"මේකේ නරක මිනිස්සු ඉන්නවා, හොඳ නැති කණ්ඩායම් ඉන්නවා කියලා මේක අපි අතෑරියොත්, කළකිරුණොත් ආයේ තව වැඩක්ම නැති පිරිසක් තමයි  මේ රටේ පාලනය භාර ගන්නේ. මේ රටේ නායකයෝ බවට පත් වෙන්නේ. එහෙම නම්  මේක අතාරින්න පුළුවන්කමකුත් නෑ. නරක ගොඩේ හොඳ ටිකත් එක්ක ගමනක් යන්න වෙනවා. එහෙම නොවුනොත් එහෙම රටට අපි කරන්නේ විශාල අසාධාරණයක්.  ශ්‍රී ලංකා නිදහස් පක්ෂය හැදුන නිසා, ශක්තිමත් වුණ නිසා , පෝෂණය වුණ නිසා, ඔබතුමන්ලාගේ දෙමාපියෝ මේ පක්ෂය පෝෂණය කරපු නිසා අද ශ්‍රී ලංකා නිදහස් පක්ෂයට විශාල වැඩ කොටසක් කරන්න  අතීතයේ ඉඳන් ලැබිලා තියෙන්නේ.  අපි ආණ්ඩු හදාගත්තේ, ජනාධිපතිවරු බිහි කර ගත්තේ, පළාත් සභා දිනා ගත්තේ, මේ සේරම දිනා ගත්තේ ඔබතුමන්ලාගේ දෙමාපියෝ ශ්‍රී ලංකා නිදහස් පක්ෂය ශක්තිමත් කරපු නිසයි.ඒ වගකීම එතනින් එහාට ඔබතුමන්ලාට තියෙනවා.දෙමාපියන්ගෙන් පස්සේ ඔබතුමන්ලා ගමේ දේශපාලනය කරන්න ඕන, දේශපාලනය ගැන කථා කරන්න ඕන. අද මේ රටේ  දේශපාලනය, දේශපාලඥයෝ වගේම දේශපාලන පක්ෂ එපා වෙලා තියෙනවා, අපිම කියනවා මේ පාර්ලිමේන්තුවටම බෝම්බ ගහන්න ඕන කියලා, 225 ම එපා කියලා කියනවා.

"හැබැයි මේ දේශපාලනය අපිට එපා වුණාට දේශපාලනය නැතිව රටක් ඉස්සරහට යන්න පුළුවන්කමක් තියෙනවාද? එපා වුණා කියලා දේශපාලනය අතාරින්න බෑ.මේකේ නරක මිනිස්සු ඉන්නවා, හොඳ නැති කණ්ඩායම් ඉන්නවා කියලා මේක අපි අතෑරියොත්, කළකිරුණොත් ආයේ තව වැඩක්ම නැති පිරිසක් තමයි  මේ රටේ පාලනය භාර ගන්නේ, මේ රටේ නායකයෝ බවට පත් වෙන්නේ, එහෙම නම්  මේක අතාරින්න පුළුවන්කමකුත් නෑ. නරක ගොඩේ හොඳ ටිකත් එක්ක ගමනක් යන්න වෙනවා.එහෙම නොවුනොත් එහෙම රටට අපි කරන්නේ විශාල අසාධාරණයක්, එහෙම නම් ඒකේ වගකීම ඔබතුමන්ලා ගත යුතු වෙනවා. අද මේ රටේ තරුණයෝ බොහෝම විවෘතව දේශපාලනය කථා කරනවා. අම්මාගෙයි -තාත්තගෙයි පක්ෂය කියලා තරුණයෝ පක්ෂ තෝරන්නෙත් නෑ. අම්මාගෙයි - තාත්තගෙයි නායකයා කියලා නායකයෝ තෝරන්නෙත් නෑ.අද තරුණ පරපුර තනියෙන් හිතන්න, රට ගැන හිතන්න, තරුණයින්ගේ අනාගතය ගැන හිතන්න, රටේ අනාගය ගැන හිතලා අද විශාල වශයෙන් සමාජ මාධ්‍යයෙහි විශාල වශයෙන් අදහස් දක්වනවා, විවේචනය කරනවා.මේ සියලු දේම තරුණයෝ කරනවා. උගත් බුද්ධිමත් තරුණ පිරිසක් ලෙස ඔබතුමන්ලාත් පක්ෂයක් ලෙස ශ්‍රී ලංකා නිදහස් පක්ෂය, තම තමන්ගේ නායකයෝ  වෙනුවෙන් යම් හඩක්, යම් මතයක් ගොඩ නගන්න අවශ්‍යයයි."

Page 1 of 3


DLB Desktop