දෙවනි වටයේදී කොවිඩ් වෛරසය ආසාදනය වූ පුද්ගලයන් වැඩි වශයෙන් හමුවන ප්‍රදේශ තුළ නැවතත් සංචරණ සීමා පැනවිය යුතු බව රජයේ වෛද්‍ය නිළධරීන්ගේ සංගමය පවසයි.
පළමු අවස්ථාවේදීම නිවැරදි තීන්දු නොගතහොත් නැවතත් රට වසා දැමීම වැනි බරපතල තීන්දුවලට යොමුවීමට සිදුවන බැවින් ඊට පෙර අවදානම හඳුනාගෙන ඒ අනුව කටයුතු කළයුතු බව එම සංගමය අවධාරණය කරයි.
මේ අවස්ථාවේදී ගතයුතු පියවර සම්බන්ධයෙන් රජයේ වෛද්‍ය නිළධාරීන්ගේ සංගමය යෝජනාවලියක් සකස් කර ඇති අතර අද (13) ජනාධිපති ගෝඨාභය රාජපක්ෂ මහතා හමු වී අදාල යෝජනාවලිය භාරදෙන බව එම සංගමය පවසයි.
