ශ්‍රී ලංකාව මුහුණ දී සිටින විවිධ කාළගුණ හා දේශගූණ විපර්යාස සඳහා පිළිතුරු සෙවීමේ දී තාක්ෂණයේ සහ විද්‍යාවේ සහය ඇතිව සිදු කරන පර්යේෂණ තුළින් නව මාවත් හෙළි කරන්නැයි ජනාධිපති මෛත‍්‍රිපාල සිරිසේන මහතා දේශීය විද්‍යාඥයින් හා පර්යේෂකයින් ගෙන් ඉල්ලීමක් කරයි.
ජනාධිපතිවරයා මේ අදහස් පළ කලේ කොළඹ ටාජ් සමුද්‍ර හෝටලයේ අද (19) පැවැති විද්‍යාත්මක පර්යේෂණ උදෙසා වූ ජනාධිපති සම්මාන පිරිනැමීමේ උත්සවය අමතමිනි.
පර්යේෂණ සඳහා දැනට ජාතික ආදායමෙන් වෙන් කරන මුදල ඉතාමත්ම සුළු මුදලක් බවත් ඉදිරි අයවැයේ දී ප‍්‍රමාණවත් මුදලක් වෙන් කරන ලෙස භාණ්ඩාගාරයේ නිලධාරින්ට හා ආර්ථික විශේෂඥයින්ට තමන් උපදෙස් දුන් බව ද හෙතෙම කියා සිටියේය.
