අධික උෂ්ණ කාලගුණය හේතුවෙන් පාසල් ක්‍රීඩා වහාම නවතන ලෙසටත් එය ලබන වාරයට කල් දමන ලෙසටත් අධ්‍යාපන අමාත්‍යවරයා නිකුත් කළ නියෝගය නොසලකා හැර ක්‍රීඩා උත්සව පැවැත්වීමට දිවයිනේ බොහෝ පාසල් කටයුතු කර ඇති බව වාර්තා වේ.
අමාත්‍යවරයාගේ නියෝගය නොසලකා හැරි පාසල් බොහොමයක් රජයේ පාසල් වන අතර ඇතැම් ජාත්‍යන්තර පාසල් එකී නියෝගයට හිස නමා ක්‍රීඩා කටයුතු කල් දමා තිබීම වි‍ශේෂයෙන් කැපී පෙණුණි.
පවතින කාලගුණ තත්ත්වය මොළය, හෘදය, වකුගඩු මෙන්ම ඇස්‌ ආදී ශරීර අවයවවලට හානිකර බලපෑම් ඇති කරවිය හැකි බවට වෛද්‍යවරු අනතුරු අඟවා ඇතත් ඒ පිළිබඳ අධ්‍යාපන අමාත්‍යංශයේ සහ රජයේ ද නියෝග නොසළකා හැර පාසල් මෙසේ කටයුතු කිරීම පිළිබඳව දෙමාපියෝ සිය දැඩි අප්‍රසාදය පළ කොට ඇත.
