ශ්‍රී ලංකා කණ්ඩායමේ තුන් ඉරියව් ක්‍රීඩක වනිඳු හසරංග සහ වේග පන්දු යවන ක්‍රීඩක දුෂ්මන්ත චමීර ඉන්දීය ප්‍රීමියර් ලීග් තරගාවලිය වෙනුවෙන් රෝයල් චැලෙන්ජර්ස් බැංගලෝර් කණ්ඩායමට එක් ව තිබෙනවා.
ඒ අනුව පෞද්ගලික හේතුන් මත රෝයල් චැලෙන්ජර්ස් බැංගලෝර් කණ්ඩායමෙන් ඉවත් වූ ඔස්ට්‍රේලියානු ක්‍රීඩකයින් වන ඩැනියෙල් සෑම්ස් වෙනුවට දුෂ්මන්ත චමීරත් දඟ පන්දු යවන ක්‍රීඩක ඇඩම් සම්පා වෙනුවට වනිඳු හසරංගත් සිය කණ්ඩායම සඳහා එක් කර ගැනීමටයි කණ්ඩායමේ හිමිකරුවන් තීරණය කර ඇත්තේ.
කොවිඩ් වසංගතය හේතුවෙන් අතරමඟ නවතා දැමුණු 2021 ඉන්දීය ප්‍රීමියර් ලීග් තරගාවලියේ ඉතිරි තරග සැප්තැම්බර් මාසයේ දී එක්සත් අරාබි එමිර් රාජ්‍යයේ දී පැවැත්වීමට තරග සංවිධායකයින් මේ වනවිට කටයුතු කර තිබෙනවා.
