ලෝක කුසලාන ටෙස්ට් ක්‍රිකට් ශූරතාව‍යේ අවසාන මහා තරඟය සඳහා ඇත්තේ තව දින දෙකකි. මෙම ලෝක කුසලාන තරඟාවලිය 2019 අගෝස්තු පළමුවෙනිදා ඕස්ට්‍රේලියාව සහ එංගලන්ත‍ය අතර පැවති අළු බඳුන ටෙස්ට් ක්‍රිකට් තරගයෙන් ආරම්භ වුණා.

2010 වර්ෂයේදී ලෝක කුසලාන ටෙස්ට් ක්‍රිකට් තරඟාවලියක් පවත්වන්නට තීරණය කෙරුවත් අවුරුදු දහයක පමණ සීමාවක් ගතවන තුරුත් එකදු හෝ තරඟයක් පැවැත්වීමට නොහැකි වුණා. 2013 වර්ෂයේ සහ 2017 වර්ෂයේ දී තරඟාවලිය ආරම්භ කරන්නට උත්සාහ දැරුවත් එම උත්සාහයන් දෙකම අවලංගු කරන්නට වුණා.

මෙම ලෝක කුසලාන තරඟාවලියට ටෙස්ට් ක්‍රිකට් ක්‍රීඩා කරන රටවල් දොලහෙන් රටවල් නවයක් තරඟ වැදීමට සුදුසුකම් ලැබුවා. සෑම කණ්ඩායමකටම තරඟ හය බැගින් තරග වැදීමට නියම වූ අතර තරඟ තුනක් තම රටේත් අනෙක් තරඟ තුන රටෙන් පිටතත් පැවැත්වීමටයි සැලසුම් සකස් වුණේ. 

ලීග් ක්‍රමයට පැවැත්වෙන මෙම තරඟාවලියේ සෑම කණ්ඩායමකටම තමන් සහභාගි වන එක් තරඟාවලියක් සඳහා උපරිම ලකුණු 120 ලබාගත හැකියි. ලකුණු සටහනේ වැඩිම ලකුණු ලාභී රටවල් දෙක අවසාන මහා තරගයට තේරී පත්වෙනවා. අවසාන තරඟය ජය පැරදුමෙන් තොර වූණොත් තරඟ වදින රටවල් දෙකටම සම ශූරතාව හිමි වනවා. නමුත් කොවිඩ්-19 වසංගත තත්වය නිසාම තරඟාවලින් කිහිපයක්ම අතහැර දැමීමට හෝ කල් දැමීමට සිදුවුණා.  

2020 වර්ෂයේ දී අන්තර්ජාතික ක්‍රිකට් කවුන්සලය විසින් පවසා සිටියේ ඒ මොහොත වන විට ලබා සිටින ලකුණු තත්වය සැලකිල්ලට ගෙන අවසාන තරගයට ක්‍රීඩා කරන රටවල් දෙක තීරණය කරන බවයි.

 ලෝක ටෙස්ට් ශූරතාවය (2019-2021) - ලකුණු සටහන

Pos		Team	Matches	Won	Lost	Drawn	NR	Points	PCT
1		India	17	12	4	1	0	520	72.2
2		New Zealand	11	7	4	0	0	420	70.0
3		Australia	14	8	4	2	0	332	69.2
4		England	21	11	7	3	0	442	64.1
5		Pakistan	12	4	5	3	0	286	43.3
6		West Indies	11	3	6	2	0	200	33.3
7		South Africa	11	3	8	0	0	144	30.0
8		Sri Lanka	12	2	6	4	0	200	27.8
9		Bangladesh	7	0	6	1	0	20	0.48

මෙම ලකුණු සටහනට අනුව නවසීලන්තය සහ ඉන්දියාව අවසන් මහා තරගයට සුදුසුකම් ලබා ගත්තා.

එම තරඟය ජුනි 18 සිට 22 දක්වා එංගලන්තයේ සවුත්හැම්ප්ටන් හිදී පැවැත්වීමට සියලු කටයුතු සූදානම්.

මේ අතර ටෙස්ට් ක්‍රිකට් ලෝක කුසලාන තරගාවලිය සඳහා ලබාදෙන ත්‍යාග මුදල් පිළිබඳව අන්තර්ජාතික වශයෙන් දැනුවත් කිරීමක් සිදුකර තිබෙනවා.

ජයග්‍රහණ කරන කණ්ඩායමට : ඇමරිකානු ඩොලර් - 1,600,000

අනුශූරතාව සඳහා : ඇමරිකානු ඩොලර් - 800,000

තුන්වන ස්ථානය සඳහා : ඇමරිකානු ඩොලර් - 450,000

සිව්වන ස්ථානය සඳහා : ඇමරිකානු ඩොලර් - 350,000

පස්වන ස්ථානය සඳහා : ඇමෙරිකානු ඩොලර් - 200,000

හයවන ස්ථානයේ සිට නවවන ස්ථානය දක්වා එක් කණ්ඩායමක් සඳහා : ඇමරිකානු ඩොලර් - 100,000 වශයෙන් දැවැන්ත මුදලක් ලබාදීමට අන්තර්ජාතික ක්‍රිකට් කවුන්සලය සංවිධානයකර තිබෙනවා.