ශ්‍රී ලංකා කණ්ඩායම සතුව සිටි ප්‍රහාරාත්මකම පිතිකරුවා වන තිසර පෙරේරා සිය ක්‍රිකට් ජීවිතයට සමුදීමට හේතු කාරණා ජනප්‍රිය ක්‍රිකට් විස්තර වෙබ් අඩවියක් සමඟ පවසා තිබුණි.
තිසර ක්‍රිකට් ක්‍රීඩාවෙන් සමුගන්නේ ඔහුට වයස අවුරුදු 32 දී වන අතර තවත් කාලයක් ක්‍රීඩා කිරීමට හැකියාව තිබියදී ඔහු ක්‍රීඩාවෙන් සමුගත් හේතුව එහිදී වෙබ් අඩවිය විසින් විමසා තිබුණි. තිසර එයට පිළිතුරු දෙමින් පවසා තිබුණේ මෙවන් කතාවකි.
“මම දැන් අවුරුදු 12 ක් ශ්‍රී ලංකාව වෙනුවෙන් ක්‍රිකට් ක්‍රීඩා කර තිබෙනවා. මම හිතන්නේ තරුණයින්ට අවස්ථාවක් දීමට කාලයයි. ලෝක කුසලාන තරඟාවලියකට පෙර තරුණ ක්‍රීඩකයෙකුට සූදානම් වීමට යම් කාලයක් ගත වෙනවා. ඔබට එය කඩිමුඩියේ කළ නොහැකි. 2023 දී එක්දින ලෝක කුසලානයක් පවත්වන්න නියමිතයි ඒ අතර විස්සයි 20 ලෝක කුසලානයට ඉතිරිව ඇත්තේ මාස කිහිපයක් පමණි. එම සිදුවීම්එවලට ආසන්නව විශ්‍රාම ගැනීම වෙනුවට, වෙනත් කෙනෙකුට දැන් අවස්ථාවක් ලබා දීම වඩා හොඳ යැයි මම සිතුවා”
එමෙන්ම තිසර සියලුම ක්‍රිකට් තරඟ රටාවන් සඳහා සමුදීමට එහිදී තීරණය කර තිබුණි. එහිදී වෙබ් අඩවිය විසින් තිසරගෙන් T20 කුසලානය ආසන්නයේ එම තරඟ රටාවෙන් ඉවත් වුණේ ඇයිදැයි විමසා තිබුණි. තිසර එයට පිළිතුරු ලෙස පවසා තිබුණේ ශ්‍රී ලංකා ක්‍රිකට් ආයතනය විසින් ඉදිරි තරඟාවලියේ සැලැසුම් ගැන තමන් හට කිසිවක් පවසා නොමැති බවයි. ඉදිරි සංචිතයන් තේරීමේදී ජ්‍යේෂ්ඨ ක්‍රීඩකයන් කිහිප දෙනෙකු ඉවත් කිරීමට නියමිත බව තමන්ට දැනගන්නට ලැබුණු බවයි.
තිසර එහිදී වැඩිදුරටත් සඳහන් කර තිබුණේ “මා සිතුවේ එක්දින තරඟ සඳහා මා වෙනුවට ආදේශ කරන තරුණ ක්‍රීඩකයාට විස්සයි විස්ස තරගයේදී එම අවස්ථාවම ලැබීම හොඳ බවය. එවිට ඔහුට ස්ථාවර වීමට කාලය තිබේ. ඔහු එක්දින ක්‍රීඩකයින් කිහිප දෙනෙකුම සමඟ ක්‍රීඩා කරන්නේ නම්, ඔහුට ලෝක කුසලානය ක්‍රීඩා කිරීමට සහ ක්‍රීඩා කිරීමට ප්‍රමාණවත් කාලයක් තිබේ.” යනුවෙනි.
2014 ලෝක කුසලානයේ දී ජයග්‍රාහී 06 පහර එල්ල කරන්නේ තිසර පෙරේරා විසිනි. එම දස්කම දැක්වීම සඳහා නැවත සිහිනයක් නොමැතිද යන්නත් එහිදී වෙබ් අඩවිය විසින් තිසරගෙන් විමසා තිබුණි. ඔහු එයට සංවේදී පිළිතුරක් ලබාදී තිබුණි. එහිදී තිසර විසින් සඳහන් කර තිබුණේ තමන් ඒ සිහිනයට ආසා කළ බවයි. තමන් ඉවත්වීමට පෙර නැවත වතාවක් ශ්‍රී ලංකාව වෙත ලෝක කුසලානයක් ගෙන ඒම සඳහා කැමැත්තෙන් සිටි බවත් ඔහු සඳහන් කළේය.
තමන්ගේ ජීවිතයේ හොඳම සහ විශිෂ්ඨම සිදුවීම වුණේ 2014 විස්සයි විස්ස ලෝක කුසලානයේ අවසන් තරඟය 06 පහරකින් අවසන් කිරීමට හැකිවීම බවත් තිසර සඳහන් කර තිබුණි. අර්ජුන රණතුංග විසින් 1996 දී ලෝක කුසලාන තරඟාවලිය අවසන් තරගය 04 පහරකින් අවසන් කර ජයග්‍රහණය කරන විට තමන්ට අවුරුදු 07ක් බවද තිසර සඳහන් කර තිබුණි. තමන්ගේ ක්‍රිකට් දිවිය ආරම්භ වුණේ එම 04 පහර සමඟ බවද තිසර එහිදී සඳහන් කළේය.
මුලසිටම තමන්ට ජයග්‍රාහී ක්‍රීඩා පථයක ක්‍රීඩා කිරීමට අවශ්‍ය වූ බවත් පැවසූ තිසර සඳහන් කර සිටියේ එම පථයේ ක්‍රීඩා කිරීමට හැකි වීම ගැන තමන් සතුටු වෙන බවයි. දැන් ශ්‍රී ලංකා ක්‍රිකට් බලධාරීන් විසින් යෞවන ක්‍රීඩකයන් සමඟ සමීපව කටයුතු කරන බැවින් කිසිවෙකුගේ ස්ථානය අහිමි වීමට නොදී සිටීම තමන්ට හොඳ යැයි සිතුණු බවද තිසර සඳහන් කළේය.
ක්‍රිකට්වලින් විශ්‍රාම ගොස් කිරීමට සුදානම් වන දේ ගැන තිසර එහිදී සඳහන් කර සිටි අතර ඔහු එහිදී සඳහන් කර තිබුණේ මෙවන් දෙයකි.
“මම තවමත් වෘත්තීය ක්‍රිකට් ක්‍රීඩකයෙක්. ෆ්‍රැන්චයිස් ක්‍රිකට් තරඟාවලි තියෙනවා, මම එය නතර කර නැහැ, මම ටික වේලාවක් ක්‍රීඩා කරමි. මම ශ්‍රී ලංකා හමුදාව වෙනුවෙන් දේශීය ක්‍රිකට් ක්‍රීඩා කරන අතර මම හමුදා නිලධාරියෙක්මි. මට දැන් මගේ සම්පූර්ණ අවධානය ලබා දිය හැකිය. මට මගේ පවුල කෙරෙහි වැඩි අවධානයක් යොමු කළ හැකිය” යනුවෙන් තිසර පැවසීය.
