May 15, 2021

මෑත කාලය තුළ බ්‍රිතාන්‍ය රාජකීය පවුලේ වැඩිම කතාබහකට ලක් වූ යුවල වූ හැරී සහ මේගන් යුවලට තවත් රාජකීය ස්ථානයක් අහිමි වී තිබේ.

රාජකීය පවුලෙන් ඔවුන් දෙපළ ඉවත් වීමෙන් පසුව ලෝක ප්‍රසිද්ධ ඉටි ප්‍රතිමා නිර්මාණය කරනු ලබන මැඩම් ටුසෝඩ්ස් කෞතුකාගාරය විසින් හැරී සහ මේගන්ගේ ඉටි ප්‍රතිමා වෙනම ස්ථානයක් වෙත යැවීමට තීරණය කර තිබේ.

ඒ අනුව ඉටි කෞතුකාගාරය තුළ හැරී සහ මේගන්ගේ ප්‍රතිමා මෙතෙක් තිබූ වින්ඩ්සර් පවුලෙන් ප්‍රතිමා අතරින් ඉවත් කර හොලිවුඩ් සුපිරි තරු සිටින ස්ථානය වෙත ගෙන ගොස් තිබේ.

කෞතුකාගාර බලධාරීන් විසින් කියා තිබුණේ හැරී සහ මේගන් දැන් සිටින්නේ ඇමෙරිකාවේ බැවින් ඔවුන් දෙපළට හොලිවුඩ් තරු සිටින ස්ථානය සුදුසු බවයි.

හැරී සහ මේගන් රාජකීය පවුලෙන් ඉවත් වී වසරක පමණ කාලයක් ගත වන අතර රාජකීය පවුල පිළිබඳව ආන්දෝලනාත්මක ප්‍රකාශයන් කිහිපයක් ද කර තිබුණි.

ඉන්දියානු ප්‍රිමියර් ලීග් (අයිපීඑල්) තරගාවලිය කල්දැමීමෙන් පසු ඊයේ (4) දිනයේ සිට එංගලන්ත ක්‍රීඩකයින් සිය රට බලා යෑමට පටන් ගෙන තිබේ.

ජොස් බට්ලර්, ජේසන් රෝයි සහ සහෝදරයන් වෙන සෑම් සහ ටොම් කුරන් ද මේ වන විටත් ඉන්දියාවෙන් පිටත්ව ගොස් තිබේ. අනිකුත් ක්‍රීඩකයන්ද අද (05) දින‍යේ සිට එංගලන්තය බලා පිටත්ව යනු ඇති බව වාර්තා වෙයි.

ඉන්දීය ප්‍රිමියර් ලීග් තරඟාවලිය අතරතුරදී දැඩි සෞඛ්‍ය ආරක්ෂාව සහිතව සිටි පුහුණුකරුවන්ද, ක්‍රීඩකයන් කිහිප දෙනෙකුද කොරෝනා වෛරසය ආසාදනය වී ඇති බවට තහවුරු වීමත් සමඟ අයි.පී.එල් බලධාරීන් සහ ඉන්දිය ක්‍රිකට් පාලක මණ්ඩලය විසින් ඒකමතික තීරණයක් අනුව තරඟාවලිය කල් දැමීමට තීරණය කර තිබුණි.

ඕස්ට්‍රේලියානු ක්‍රීඩකයන්, පුහුණුකරුවන් සහ විස්තර විචාරකයන් ඇතුළු පිරිසක් ඕස්ට්‍රේලියාව විසින් ඉන්දියාවේ සිට නැවත පැමිණීමට පනවා ඇති තහනම හේතුවෙන් ඉන්දියාව තුළ සිරවී සිටින බවත් ඒෂියන් මිරර් ඊයේ (04) දිනයේ දී වාර්තා කළේය.

පිලිප් කුමරුගේ අවමංගල්‍යයෙන් පසුව විලියම් කුමරු සිය සහෝදරයා වන හැරී සමඟ සාකච්ඡා කරමින් එම ස්ථානයෙන් පිටව ගිය බවත් පසුව ඔවුන් දෙදෙනා විසින් සිය පියාණන් වන චාල්ස් කුමරු හමුවී පැය 02කට ආසන්න කාලයක් සාකච්ඡාවක් පවත්වා ඇති බවත් විදෙස් මාධ්‍ය වාර්තා කර තිබුණි.

පසුගිය සමයේ හැරී කුමරු රාජකීයත්වය අත්හැරීම සහ රූපවාහිනී වැඩසටහනකදී තම බිරිඳ සමඟ එක්ව රාජකීය පවුල විවේචනය කිරීම වැනි අර්බුද කිහිපයකින් පසුව මෙම සාකච්ඡාව පැවැත්වීමද විශේෂත්වයකි.

මෙම අර්බුදය නිමාවනු දැකීමට පිලිප් කුමරු ආශා කළ බවත් ඒ අනුව මෙම සාකච්ඡාව සිදුවන්නට ඇති බවත්ද විදෙස් මාධ්‍ය වාර්තා කර තිබුණි.

එමෙන්ම මෙම සාකච්ඡාවෙන් අනතුරුව රාජකීය පවුලට අයත් කෙන්සිංටන් මාලිගයේ දී ඩයනා කුමරියගේ අනුස්මරණ ප්‍රතිමාව නිරාවරණය කිරීම සඳහා විලියම් සහ හැරී එක්ව කටයුතු කරනු ඇති බවත් සඳහන් වන අතර දෙවන එළිසබෙත් රැජිනගේ 95 වැනි ජන්ම දිනය වෙනුවෙන් එළැඹෙන බදාදා දක්වා හැරී රාජකීයන් සමඟ සිටිනු ඇතැයිද බ්‍රිතාන්‍ය මාධ්‍ය වාර්තා කර තිබුණි. 

බ්‍රිතාන්‍ය මහ රැජිනගේ ස්වාමියා වූද, එඩින්බරෝ හී ආදිපාදවරයා ද වූ පිලිප් කුමරුගේ අවමංගල්‍ය සඳහා බොහෝ මල්කළඹ ප්‍රමාණයක් ලැබී තිබුණි.

නමුත් ඒ අතර තිබූ තරමක් සුවිශේෂි මල්කළඹක් පිළිබඳව බොහෝ බ්‍රිතාන්‍ය මාධ්‍යවල අවධානය යොමුව තිබුණි. මෙම මල්කළඹ සමඟ අත් අකුරින් ලියන ලද ලිපියක් ද තිබූ බවද බ්‍රිතාන්‍ය මාධ්‍ය වැඩිදුරටත් වාර්තා කර තිබුණි. 

මෙම මල්කළඹ එවා තිබුණේ පසුගිය දිනක බ්‍රිතාන්‍ය පවුල පිළිබඳව ආන්දෝලනාත්මක ප්‍රකාශයක් කරන ලද හැරී කුමරුගේ බිරිඳ වන මේගන් මර්කල් විසිනි.

ඇයට සිය සැමියාගේ මුත්තනුවන්ගේ අවමංගල්‍ය සඳහා සහභාගී වීමට නොහැකි වූ අතර එයට හේතුව වී තිබුණේ ඇය දෙවෙනි දරු ප්‍රසුතිය සඳහා සුදානම් වීමත්, ඇයගේ වෛද්‍යවරුන් ගුවන් ගමන් තහනම් කර තිබීමත් යන කරුණු නිසාය.

එම හේතුව නිසා ඇය විසින් හැරී කුමරු අත සිය ශෝක ප්‍රකාශය එවීමට කටයුතු යොදා තිබුණි.

යුවල විසින් පිලිප් කුමරු හට අවසන් ගෞරවය සඳහා තබා තිබූ මල්කළඹ තුළ සුවිශේෂීත්වයක් තිබුණි. ඒ එය නිර්මාණය කිරීම සඳහා යොදාගෙන තිබූ මල් හේතුවෙනි.

මෙය නිර්මාණය කිරීම සඳහා යොදාගෙන තිබූ සියලු මල්වලින් විශේෂ කරුණු කිහිපයක් නියෝජනය වූ බව සඳහන් වෙයි.

මේ සඳහා  ඇකැන්තස් මොලිස් (Acanthus mollis) යන ඉති වර්ගය යොදාගෙන තිබුණු අතර එය ග්‍රීසියේ ජාතික පුෂ්පය ද වෙයි. මෙම විශේෂ ඉති වර්ගය මඟින් පිලිප් කුමරුගේ උරුමය නියෝජනය කරන බව සඳහන් වෙයි.

එරින්ජියම් (Eryngium) නොහොත් සී හෝලි (Sea Holly) යන පුෂ්පය ද මෙම මල්වඩම සඳහා යොදාගෙන තිබූ අතර එය පිලිප් කුමරු නියෝජනය කළ රාජකීය මැරීන් භටයින් නියෝජනය කරයි.

කැම්පානුලා (Campanula) පුෂ්පයද මෙම මල්වඩම සඳහා යොදාගෙන තිබුණු අතර එමඟින් කෘතඥතාව සහ සදාතනික ප්‍රේමය නියෝජනය කරනු ලබන බව සඳහන් වෙයි.

එමෙන්ම රෝස්මරි මල් (Rosemary) ද මෙම මල්වඩම සඳහා යොදාගෙන තිබූ අතර එමඟින් අනුස්මරණය ද සිහිපත් කරනු ලබයි.

ඊට අමතරව ලැවන්ඩර් (Lavender) මල්වලින් ළැදියාව පෙන්වීමටද, රෝස මල්වලින් පිලිප් කුමරු උපන් ජුනි මාසය නියෝජනය කිරීමටද යොදාගෙන තිබුණි.

හැරී සහ මේගන්ගේ මෙම අපුරු මෙන්ම සුවිශේෂී අවසන් ගෞරව දැක්වීම බොහෝ දෙනාගේ පැසසුමට මෙන්ම අවධානයටද යොමුව තිබුණි.

ලෝකයේ සිටින ඉහළම පෙළේ මල්කළඹ නිර්මාණ ශිල්පිනියක වන විලෝ ක්‍රොස්ලි විසින් මෙම මල්වඩම නිර්මාණය කර තිබීම මෙහි තවත් සුවිශේෂිත්වයකි.

මෙම අවමංගල්‍යයට සහභාගී වීමට නොහැකි වූවත් මේගන් සහ ඔවුන්ගේ පුත් ආර්චි විසින් සජීවිව මෙම අවස්ථාව සඳහා සම්බන්ධව සිටි බවටත් මාධ්‍ය වාර්තා කර තිබුණි.

අවමංගල්‍යයට සහභාගී වූ හැරී කුමරු

ඊයේ (17) දිනයේ දී බ්‍රිතාන්‍යයේ ශාන්ත ජෝර්ජ් චැපල් දේවස්ථානයේ දී බ්‍රිතාන්‍ය මහ රැජිනගේ ස්වාමිය වූද, එඩින්බරෝ හී ආදිපාදවරයාද වූ පිලිප් කුමරුගේ අවසන් කටයුතු සිදු කෙරුණි.

දැඩි කොරෝනා වසංගත නීති හමුවේ පැවැති මෙම අවමංගල්‍ය උත්සවය පිලිප් කුමරුගේ අවසන් කැමැත්ත පරිදි ඉතාමත් චාම්ව පැවැති බවද විදෙස් මාධ්‍ය වාර්තා කර තිබුණි.

බ්‍රිතාන්‍ය වසංගත මර්දන නීතිය අනුව අවමංගල්‍ය සඳහා සහභාගී විය හැක්කේ 30 දෙනෙකුට පමණක් හේතුවෙන් රාජකීය පවුලට ඉතාමත් සමීපතම පිරිසක් හට පමණක් මෙම අවස්ථාවට සහභාගී වීමට අවසර ලැබී තිබුණි.

අවමංගල්‍යයේ විශේෂ අවස්ථාව කිහිපයක් ඒෂියන් මිරර් අපට හමු වුණේ පහත අයුරිනි.

බ්‍රිතාන්‍ය මහ රැජින වන දෙවන එළිසබෙත් රැජින විසින් සිය සැමියා වන එඩින්බරෝ හී ආදිපාදවරයා ද වන පිලිප් කුමරුගේ අවමංගල්‍ය කටයුතුවල සුදානම බැලීම සඳහා පිටවන යන ආකාරය දැක්වෙන ඡායාරූප කිහිපයක් බ්‍රිතාන්‍ය මාධ්‍ය විසින් ප්‍රසිද්ධ කර තිබුණි.

බ්‍රිතාන්‍ය මාධ්‍ය වාර්තා කර තිබුණේ කළු වර්ණයෙන් සැරසුණු බ්‍රිතාන්‍ය රැජින විසින් ඇයගේ සුරතල් සුනඛයන් දෙදෙනා සමඟ ජැගුවාර් වර්ගයේ රථයක නැගී පිටත්ව ගිය බවයි. 

මෙහිදී වාහනය පදවාගෙන ගොස් තිබුණේ 94 වැනි වියේ පසුවන එළිසබෙත් රැජින විසින් වීම විශේෂත්වයකි.

අවමංගල්‍ය උත්සවය අවස්ථාවේ ද රැජින හට වෙනම ආසනයක් පැනවීමට සංවිධායකවරුන් කටයුතු කර ඇති අතර එයට හේතුව වී ඇත්තේ පවතින කොවිඩ්-19 වසංගත තත්ත්වය පූර්ව සුදානමක් වශයෙනි.

අද (17) දිනයේ ශාන්ත ජෝර්ජ් චැපල් දේවස්ථානයේ දී පිලිප් කුමරුගේ අවසන් කටයුතු සිදු කිරීම නියමිතව තිබේ.

රැජින වින්ඩ්සෝර් මාලිගාවේ සිට පිටව යන අයුරු මාධ්‍ය වාර්තා කර තිබුණේ පහත අයුරිනි,

මහා බ්‍රිතාන්‍ය රැජින වන දෙවන එළිසබෙත් රැජිනගේ ස්වාමිපුරුෂයා වූ පිලිප් කුමරුගේ මරණයත් සමඟ ඔහුගේ ජීවිතයට සමීප ඡායාරූප කිහිපයක් ප්‍රසිද්ධ කරන්නට බැකිංහම් මාලිගාව කටයුතු කර තිබේ.

එම ඡායාරූපවල පිලිප් කුමරු තමන්ගේ පවුලේ අය සමඟ විනෝද වන අවස්ථාවන් මෙන්ම ඔහුගේ ජීවිතයේ වැදගත් අවස්ථාවන් ද සටහන්ව තිබේ.

පසුගිය අප්‍රේල් මස 09 වැනිදා 99 වියේ පසු වූ එඩින්බරෝ හී ආදිපාදවරයාද වූ පිලිප් කුමරු සිය ජීවිතයෙන් සමුගත් අතර එළැඹෙන 17 වැනි සෙනසුරාදා ඔහුගේ අවසන් කටයුතු සිදු කිරීමට නියමිතව තිබේ.

ප්‍රසිද්ධ කරන ලද ඡායාරූප පහතින්,

තමන්ගේ මී මුණුපුරන් සහ මිණිපිරියන් වට කරගත් එළිසබෙත් රැජින සහ පිලිප් කුමරු

තම පුතු චාල්ස් ඔහුගේ බිරිඳ වන කැමිලා සමඟ සිටින පිලිප් කුමරු

තමන්ගේ වැඩිමහල් මුණුපුරා වූ විලියම් කුමරු ඔහුගේ බිරිඳ දරුවන් දෙදෙනා සමඟ සිටින එළිසබෙත් රැජින සහ පිලිප් කුමරු

තරුණ වියේ පසුවන චාර්ල්ස් කුමරු සහ පිලිප් කුමරු අශ්වයන් සමඟ ක්‍රීඩා කරමින්

පිලිප් කුමරුගේ අවමංගල්‍ය දිනය ලෙස එළැඹෙන අප්‍රේල් 17 වැනි සෙනසුරාදා සවස 3 යොදාගෙන ඇති බවට බකිංහැම් මාලිගාව අවධාරණය කර තිබේ.

පිලිප් කුමරුගේ අවසන් කැමැත්ත පරිදි මෙම උත්සවය ඉතාමත් සරළව පැවැත්වීමට නියමිතව ඇති අතර එය රාජකීය පවුලේ සමීපතම පුද්ගලයන් සඳහා පමණක් සීමා වනු ඇත.

පිලිප් කුමරුගේ අවසන් ගමන් රථය පිළිබඳව මේ වන විට කතාබහක් නිර්මාණය වී ඇති අතර එම රථයේ නිර්මාණ දායකත්වය සඳහා පිලිප් කුමරු ද සිය සහයෝගය දක්වා තිබීම විශේෂත්වයකි.

ලෑන්ඩ් රෝවර් වර්ගයේ රථයන්වලට දැඩි කැමැත්තක් දැක් වූ පිලිප් කුමරු එම සමාගම සමඟ එක්ව ඩිෆෙන්ඩර් 130 ගන් බස් (Defender 130 Gun Bus) නම් රථයක් නිර්මාණය කර තිබූ අතර එම රථයම කුමරුගේ අවසන් ගමන් රථය සඳහා යොදා ගනු ඇති බව වාර්තා වෙයි.

මහා බ්‍රිතාන්‍ය තුළ පවතින දැඩි කොරෝනා මර්දන නීතිය හමුවේ මෙම අවමංගල්‍ය උත්සවය පැවැත්වෙනු ඇති බවත් වාර්තා වෙයි.

බ්‍රිතාන්‍ය රැජිනගේ ස්වාමිපුරුෂයා වන පිලිප් කුමරුගේ අභාවයත් සමඟ ලෝකයේ බොහෝ දෙනෙකුගේ අවධානය ඔහුගේ මුනුපුරෙකු වන හැරී සහ හැරීගේ බිරිඳ වන මේගන් මර්කල් වෙත හිමිව තිබේ.

එයට හේතුව වී ඇත්තේ පසුගිය දිනක ඔවුන් විසින් ඔප්රා වින්ෆ්‍රිගේ වැඩසටහනකදී ප්‍රසිද්ධියේ බ්‍රිතාන්‍ය රාජකීය පවුල විවේචනය කිරීමත් සමඟ ඇති වු අර්බුදයයි.

මේ වන විට බොහෝ දෙනා අවධානය යොමු කර ඇත්තේ මෙම යුවල පිලිප් කුමරුගේ අවමංගල්‍ය සඳහා සහභාගී වෙද්දැයි යන්නයි.

විදෙස් ආරංචි මාර්ග සඳහන් කර පරිදි හැරී කුමරු තම සීයාගේ අවමංගල්‍යයට සහභාගී වනු ඇති අතර දරු දෙවැනි දරු ප්‍රසුතිය සඳහා සුදානම් වන මේගන් මර්කල් හට ඇයගේ වෛද්‍යවරුන් ගුවන් ගමන් තහනම් කර ඇති බැවින් ඇය සහභාගී නොවනු ඇත.

බ්‍රිතාන්‍ය තුළ පනවා ඇති දැඩි කොරෝනා වසංගත පාලන නීති හමුවේ මෙම අවමංගල්‍ය උත්සවය පවුලේ ඉතාමත් සමීපතයන් සඳහා පමණක් සීමා වනු ඇත.

තවමත් හැරී කුමරුන්ගේ සහභාගී වීම නිශ්චිතව සනාථ කර නොමැති බවද සඳහන් වෙයි.

මහා බ්‍රිතාන්‍ය කිරුළ හිමි එලිසබෙත් රැජිනයගේ ස්වාමිපුරුෂයා වූ පිලිප් කුමරුගේ අවමංගල්‍යය සඳහා ඉතාමත් සුළු පිරිසක් සඳහා පමණක් ආරාධනා ලැබෙනු ඇති බවට වාර්තා වෙයි.

එළැඹෙන සතියේ දී එඩින්බරෝ හී ආදිපාදවරයා වන පිලිප් කුමරුගේ අවමංගල්‍ය කටයුතු සිදු කිරීමට නියමිත බව බකිංහැම් මාලිගාව නිවේදනය කර තිබේ.

කොරෝනා වෛරසය සඳහා දැඩි නීති පනවා ඇති බ්‍රිතාන්‍ය තුළ මෙම අවමංගල්‍ය උත්සවයද එම සීමාවන්ට යටත්ව පැවැත්වීමට නියමිත බවත් බකිංහැට් මාලිගාව විසින් නිවේදනය කර ඇතැයි විදෙස් මාධ්‍ය වාර්තා කරයි.

බ්‍රිතාන්‍ය තුළ පනවා ඇති කොරෝනා වසංගත පාලන නීතිය යටතේ අවමංගල්‍යයකට සහභාගී විය හැක්කේ 30 දෙනෙකුට පමණක් බව වාර්තා වෙයි.

බ්‍රිතාන්‍ය අග්‍රාමාත්‍යරයා වන බොරිස් ජොන්සන් ද මෙම අවමංග්‍ය සහභාගී නොවනු ඇති බවද විදෙස් ආරංචි මාර්ගා සඳහන් කරයි.

මෙම කොරෝනා නීතිය හමුවේ අවමංගල්‍ය සඳහා රාජකීය පවුලේ ඉතාමත් සමීපතයන් සඳහා පමණක් අවසර ලැබුණේ ඇති බව සඳහන් වෙයි.

 

Page 1 of 4