April 15, 2021

ඇමෙරිකාව උණුසුම් කළ ජෝර්ජ් ෆ්ලොයිඩ් නම් අප්‍රිකානු-ඇමෙරිකානු ජාතිකයාගේ මරණයේ නඩු විභාගය අවසන් වීමටත් මත්තෙන් මිනසෝටා පොලීසිය විසින් තවත් කළු ජාතික තරුණයෙකු හට වෙඩි තබා තිබේ.

අවු.20ක් පමණ වන ඩොන්ටේ ව්රයිට් නම් තරුණයාට මෙලෙස වෙඩි ප්‍රහාරයකට ලක්ව තිබේ.

ඔහුව මිනසෝටා පොලීසිය විසින් අත්අඩංගුවට ගත් අවස්ථාවේ ඔහු පලා යන්නට උත්සාහ කරන අතර එහිදී එක් නිලධාරියෙකු විසින් වෙඩි තැබීමක් සිදු කර තිබේ.

පොලීසිය විසින් පවසා ඇත්තේ සැකකරු අත්අඩංගුවට ගත් අවස්ථාවේ ඔහු නිලධාරීන් තල්ලු කර සිය වාහනයෙන් පලා යන්නට උත්සාහ කළ බවත්, එහිදී එක් නිලධාරියෙකු විසින් විදුලි ආරෝපණ ප්‍රහාරයක් අදාළ සැකකරුට එල්ල කරන්නට උත්සාහ කර ඇති බවත්, නමුත් එම නිලධාරියා විදුලි ආරෝපිත අවිය වෙනුවට සිය ගිනි අවිය කලබලයෙන් ගෙන ප්‍රහාරයක් එල්ල කර ඇති බවයි.

මෙම වෙඩි පහරින් එම තරුණයා මිය ගොස් ඇති බවත් විදෙස් මාධ්‍ය වාර්තා කරයි.

මෙම සිදුවීමත් සමඟ ජොර්ජ් ෆ්ලොයිඩ්ගේ ඝාතනය නිසා කැළඹී සිටි මිනසෝටා ප්‍රාන්තය තුළ යළිත් උණුසුම් තත්ත්වයක් ඇති වී තිබෙන බවද විදෙස් මාධ්‍ය වාර්තා කරයි.

විශාල පිරිසක් මිනසෝටා පොලිස් මුලස්ථානය වෙත රැස්ව මිය ගිය තරුණයාගේ නම කියමින් දැවැන්ත උද්ඝෝෂණයක් ආරම්භ කර තිබු අතර උද්ඝෝෂකයන් විසින් පොලීසිය වෙත ගල්මුල් ප්‍රහාර එල්ල කර ඇතැයිද වාර්තා වෙයි.

පොලීසිය විසින් උද්ඝෝෂකයන් පාලනය කිරීම සඳහා කඳුළු ගෑස් ප්‍රහාර එල්ල කිරීමටද කටයුතු කර තිබුණු බවත් වාර්තා වෙයි.

කෙසේ වෙතත් උද්ඝෝෂණය අතරතුර දී පොලිස් මුලස්ථානය අවට ඇති වෙළෙඳ සැල් 20ක් පමණ කඩා බිඳ දමා භාණ්ඩ සොරගෙන ගොස් ඇති බවද විදෙස් මාධ්‍ය වාර්තා කර තිබුණි.

මෙම වෙඩි තැබීමේ සිදුවීමට සම්බන්ධ වීඩියෝ දර්ශන මිනසෝටා පොලීසිය විසින් ප්‍රසිද්ධියට පත් කර තිබේ.

අදාළ වෙඩි තැබීම් සිදුවීමේ වීඩියෝ දර්ශනය පහතින්,

බයෝඑන්ටෙක් සහ ෆයිසර් සමාගම් එක්ව නිෂ්පාදනය කළ ලෝකයේ වැඩිම ප්‍රමාණයක් භාවිතයට ගත් කොවිඩ්-19 සඳහා වූ එන්නත අවුරුදු 12-15ත් අතර දරුවන්ටද ඉතාමත් සාර්ථක ප්‍රතිඵල ගෙන දී ඇතැයි වාර්තා වෙයි.

ඇමෙරිකා එක්සත් ජනපදයේ දරුවන් දෙදහස් දෙසිය හැටක් (2,260)ක් යොදාගෙන කරන ලෙද මෙම පරික්ෂණයෙන් සීයයට සීයක් සාර්ථක වී ඇති බව වාර්තා වෙයි.

ඇමෙරිකානු බලධාරීන් එළැඹෙන පාසල් වාරය වන විට නව යෞවුන් වියේ සිටින දරුවන් හට එන්නත ලබා දී ඔවුන්ව වසංගතයෙන් ආරක්ෂා කර ගැනීම සඳහා සිය අවධානය යොමු කර ඇති බවද විදෙස් මාධ්‍ය වාර්තා කරයි.

එක්සත් ජනපද ජනාධිපති ජෝ බිඩෙන් ඊයේ (20) දිනයේ දී ඇට්ලන්ටා බලා පියාසර කිරීම සඳහා ජනාධිපතිවරයාගේ නිල ගුවන් යානය වන එයාර් ෆෝස් වන් යානය ගොඩ වීම සඳහා පඩිපෙල නගින අවස්ථාවේ පය පැටලී කිහිප අවස්ථාවක ඇද වැටෙන ආකාරය බොහෝ ජාත්‍යන්තර මාධ්‍ය වාර්තා කර තිබුණි.

ජෝ බයිඩන් ජනාධිපතිවරයා ගුවන් යානයට ගොඩ වීම සඳහා පඩිපෙළට නැග පඩි 10 ක් පමණ ඉහළට නගිනවාත් සමඟ මෙලෙස පය ලිස්සා වැටී තිබේ.

ධවල මන්දිර ප්‍රකාශකයෙකු විසින් ජනාධිපතිවරා මුහුණ දුන් මෙම සිදුවීම සම්බන්ධයෙන් ප්‍රකාශයක් කරමින් පවසා තිබුණේ එම අවස්ථාවේ ගුවන් තොටුපොළේ තිබූ අධික සුළඟ නිසා ජනාධිපතිවරයාට පඩි පෙළ නැග ගැනීමට අපහසු වන්නට ඇති බවයි.

එමෙන්ම එම ප්‍රකාශකයා සඳහන් කර තිබුණේ සිදුවීමෙන් ජනාධිපතිවරයා කිසිදු ආබාධයක් නොමැති බවත්, ඔහු ඉතාමත් යහපත් සෞඛ්‍ය තත්ත්වයකින් පසුවන බවයි. එමෙන්ම පඩි පෙළේ පය ලීස්සා යෑමක් පමණක් බවත් ඊටත් වඩා දෙයක් නොමැති බවත් එම ප්‍රකාශකයා සඳහන් කර තිබුණි.

පසුගිය ජනවාරි මාසයේ දී ධූරයට පත් ජෝ බයිඩන් ජනාධිපතිවරයා ඇමෙරිකානු ඉතිහාසය තුළ එම ධූරයට පත් වයසින් වැඩිම ජනාධිපතිවරයා ද වෙයි.  ඔහු මේ වන විට 78 වැනි වියේ පසුවෙයි.

ජනාධිපතිවරයා ඇද වැටෙන අවස්ථාවේ වීඩියෝ දර්ශනය පහතින්,

උතුරු කොරියානු නායකයාගේ සහෝදරිය වන කිම් යෝ ජූන්ග් විසින් ඇමෙරිකාවේ ජනපති ජෝ බයිඩන් හට ප්‍රබල අනතුරු ඇඟවීමක් නිකුත් කර තිබේ.

එහිදී ඇය කියා තිබුණේ ඉතිරි වසර 04 නිදහසේ නිදා ගැනීමට අවශ්‍ය නම් නින්ද නැතිවෙන ආකාරයේ වැඩ පටන් ගැනීමට නොසිතන ලෙසයි.

එක්සත් ජනපදය සහ දකුණු කොරියාව පසුගිය සතියේ ඒකාබද්ධ හමුදා අභ්‍යාස ආරම්භ කළ අතර උතුරු කොරියාවේ අගනුවර වන ප්යොංයැං හි නිල රොඩොං සින්මූන් පුවත්පත විසින් සිය නායකයාගේ සහෝදරියගේ ප්‍රකාශනය පළ කර තිබුණේ “අපේ භූමියේ වෙඩි බෙහෙත් සුවඳ පැතිරවීමට අරගල කරන එක්සත් ජනපදයේ නව පරිපාලනයට උපදෙස් මාලාවක්” යන සිරස්තලය සහිතවයි.

ඇමෙරිකා එක්සත් ජනපදය ද ජෝ බයිඩන් ජනාධිපතිවරයාගේ පත්වීමෙන් පසුව කිහිප අවස්ථාවකම උතුරු කොරියාව සමඟ සාකච්ඡා කිරීමට උත්සාහ කළත් ඒ සියලු උත්සාහයන් ව්‍යර්ථව ගිය බව සඳහන් වෙයි.

කිම් යෝ ජූන්ග් යනු උතුරු කොරියානු නායක කිම් ජෝන්ග් වුන්ගේ සහෝදරිය මෙන්ම ප්‍රධාන උපදේශිකාවද වෙයි.

ඇමෙරිකානු ජනාධිපතිවරයාගේ නිල සුනඛයා වන ‘මේජර්’ විසින් ධවල මන්දිරයේ ආරක්ෂක නිලධාරියෙකු සපා කා ඇතැයි වාර්තා වෙයි.

මේ සපා කෑම නිසා මෙම සුනඛයාව ඇමෙරිකානු ජනපති ජෝ බයිඩන්ගේ ඩෙලවෙයාර් හි පිහිටි පවුලේ නිවස වෙත නැවත යවා ඇති බව සඳහන් වෙයි.

ධවල මන්දිරයේ මාධ්‍ය ලේකම්වරයා විසින් මේ සම්බන්ධව ප්‍රකාශයක් නිකුත් කර ඇති අතර ඔහු එහිදී කියා තිබුනේ මෙම සපා කෑමට ලක් වු පුද්ලයා නිල සුනඛයා වන මේජර් නොහඳුනන පුද්ගලයෙකු බවයි.

 එයට දැක් වූ ප්‍රතිචාරයක් ලෙස මෙලෙස සපා කෑමක් කර තිබුණු බවත්, එම පුද්ගලයා බරපතළ තුවාල සිදු නොවී ඇති බවත් ධවල මන්දිරයේ වෛද්‍ය අංශය විසින් ඔහුට ප්‍රතිකාර කළ බවද ලේකම්වරයා සඳහන් කළේය.

මේජර් තවමත් ධවල මන්දිරයේ සේවක මණ්ඩලයට හුරු වී නොමැති බවද වාර්තා වෙයි.

මේජර් සමඟ අනිත් නිල සුනඛයා වන චෑම්ප් ද මෙලෙසම ඩෙලවෙයාර් හි පිහිටි පවුලේ නිවස වෙත රැගෙන ගොස් තිබේ.

මේජර් යනු ජෝ බයිඩන් ජනාධීපතිවරයා විසින් ධූරයට පත් වන්නට පෙර 2018 වසරේ දී හදා ගැනීමට ගත් සුනඛයෙකු වෙයි.

සෞදි අරාබියේ ඔටුන්න හිමිකුමාර වන මොහොමඩ් බින් සල්මාන් විසින් අණ දී සිදු කරනු ලැබු ඝාතනයක් පිළිබඳව ඇමෙරිකාව කරන ලද බුද්ධි අංශ මෙහෙයුමක වාර්තාවක් ඇමෙරිකාව විසින් ප්‍රසිද්ධ කර ඇතැයි වාර්තා වෙයි.

මෙලෙස හෙළි කර තිබුණේ ලෝකයේ වඩාත් කතාබහකට ලක්වූ මාධ්‍යවේදී ඝාතනයක් වන ජමාල් කිසෝගී ඝාතනය පිළිබඳවයි.

ඇමෙරිකාව විසින් මෙම ඝාතනය සම්බන්ධව බුද්ධි මෙහෙයුමක් ක්‍රියාත්මක කර තිබුණු නමුත් ඔවුන් එම වාර්තාව ප්‍රසිද්ධ නොකර තිබුණි. 

එම වාර්තාවේ සඳහන් වන පරිදි මොහොමඩ් බින් සල්මාන් කුමාරයා විසින් ජමාල් කිෂෝගී ඝාතනය කිරීම සඳහා අණ ලබා දී ඇති බවට හෙළි වී තිබේ. එහි වැඩිදුරටත් සඳහන් වන්නේ "තුර්කියේ ඉස්තාන්බුල්හි සිටින සෞදි මාධ්‍යවේදී ජමාල් කෂෝගි අල්ලා ගැනීමට හෝ ඝාතනය කිරීමට මෙහෙයුමක් කුමාරයා විසින් අනුමත කළේය" ලෙසයි.

ඇමෙරිකාවේ වොෂිංටන් පෝස්ට් පුවත්පතට ලියූ සහ එක්සත් ජනපදයේ පදිංචිකරුවෙකු වූ මොහොමඩ් කුමරුගේ විවේචකයෙකු වූ කෂෝගි, 2018 ඔක්තෝම්බර් මාසයේදී ඉස්තාන්බුල්හි සවුදි කොන්සල් කාර්යාලයේ රැඳී සිටියදී ඇදගෙන ගොස්, පසුව මරා දමා කැබලිවලට කපා ඇත.

මෙම ඝාතන සිදුවීම එදා ලෝකයම කතා කළ සිදුවීමක් වූ අතර ලෝකය පුරා මෙම සිදුවීමට විරුද්ධව උද්ඝෝෂණ සහ විරෝධතාද පැවැත්විය.

ඇමෙරිකා එක්සත් ජනපදයේ මාධ්‍ය ආයතනයක් විසින් ප්‍රකාශයට පත් කර තිබූ ප්‍රකාශයක් සම්බන්ධය චීනය සිය විරුද්ධත්වය ප්‍රකාශ කර තිබේ. 

මෙම ප්‍රකාශය වී තිබුණේ චීනය විසින් චීනයේ සිටින ඇමෙරිකානු රාජ්‍ය තාන්ත්‍රිකයන්ගේ ගුද මාර්ගයෙන් කොවිඩ්-19 හඳුනා ගැනීම සඳහා සාම්පල් ලබා ගැනීමට උත්සාහ කළ බවයි. 

ඇමෙරිකානු රාජ්‍ය දෙපාර්තුමේන්තුව විසින් චීනයට පවසා තිබුණේ එවැනි පරික්ෂණ සඳහා සිය රාජ්‍ය තාන්ත්‍රිකයන්ව සම්බන්ධ නොකරගන්නා ලෙසයි. එමෙන්ම ඔවුන් වැඩිදුරටත් සඳහන් කර තිබුණේ ඇමරිකානු රාජ්‍ය තාන්ත්‍රිකයින්ගේ සහ ඔවුන්ගේ පවුල්වල ආරක්ෂාව සහ ආරක්ෂාව සහතික කිරීමට කැපවී සිටින අතරම ඔවුන්ගේ ගෞරවය රැකෙන ලෙසින් කටයුතු කරන ලෙසයි.

චීනය මෙම චෝදනා දැඩි ලෙස ප්‍රතික්ෂේප කර තිබුණු අතර චීන විදේශ කටයුතු අමාත්‍යවරයා සඳහන් කර තිබුණේ එවැනි කිසිදු පරික්ෂණයක් සඳහා තම රජය විසින් ඇමෙරිකානු රාජ්‍ය තාන්ත්‍රිකයන්ගෙන් ඉල්ලීමක් කර නොතිබුණු බවයි.

කොරෝනා වෛරස් ආසාදිතයන් හඳුනා ගැනීම සඳහා චීනය වේගවත් ක්‍රියාවලියක් ආරම්භ කර ඇති අතර ඒ සඳහා මෙලෙස ගුද මාර්ගයෙන් ද කොවිඩ්-19 හඳුනා ගැනීම සඳහා සාම්පල් ලබා ගැනීමට කටයුතු කරමින් සිටියි.


සැබැඳි පුවත -

කොරෝනා ආසාදිතයන් හඳුනා ගන්න ‘ගුද’ මාර්ගයෙනුත් සාම්පල් ගන්න යයි

ඇමෙරිකා එක්සත් ජනපදය විසින් කරන ලද නවතම සමීක්ෂණයක් අනුව එරට අවුරුදු 23ට අඩු පුද්ගලයින්ගෙන් සෑම 6 දෙනෙකුගෙන් 1 අයෙකුම තමන් සමලිංගික පුද්ගලයෙකු බවට ප්‍රකාශ කර ඇති බවට විදෙස් මාධ්‍ය වාර්තා කරයි.

2017 වසරේ ද මෙම සමීක්ෂණය මෙලෙසම කර ඇති අතර එහිදී එම සමීක්ෂණයට සහභාගී වූ පිරිසගෙන් 4.5ක් තමන් සමලිංගික බවට පිළිගෙන තිබුණි. නමුත් මෙම වසරේ දී එය 5.6ක් දක්වා වැඩි වී තිබේ.

මෙම සමීක්ෂණය කර තිබුණේ ඇමරිකානු විශ්ලේෂණ හා උපදේශන සමාගමක් වන ගැලප් නම් ආයතනයක් විසිනි. 

මෙම සමීක්ෂණය සඳහා 15,000ක පිරිසක් සහභාගී කරවාගෙන තිබුණු අතර 86.7ක් තමන් සමලිංගික හෝ වෙනත් ලිංගික ආශාවක් සහිත කෙනෙකු නොවන බවට සඳහන් කර තිබුණි.

ඇමෙරිකාවේ චිකාගෝ ප්‍රාන්තයේ වාහන සොරකම් කිරීම් වැඩි වීම නිසා වසර 20ක පමණ ඉතිහාසයක් ඇති ලෝක ප්‍රසිද්ධ පරිගණක ක්‍රීඩාවක් වන “Grand Theft Auto” නම් පරිගණක ක්‍රීඩාව තහනම් කිරීමට එම ප්‍රාන්ත රජය විසින් කෙටුම්පතක් සම්මත කර ගැනීමට කටයුතු කර තිබේ.

මෙහිදී ඉදිරිපත් කර ඇති කෙටුම්පත හරහා 2012 වසරේ දී සම්මත කර තිබූ කෙටුම්පතක් සංශෝධනය කිරීමට ඔවුන් කටයුතු කර තිබේ.

මෙම කෙටුම්පත සංශෝධනය කිරීමට හේතුව ලෙස ඔවුන් පෙන්වා දී තිබුණේ මෙම පරිගණක ක්‍රීඩාවන් හරහා එය ක්‍රීඩා කරන තැනැත්තා හට චරිතයක් පාලනය කිරීමට අවස්ථාව ලැබෙන බවත් එම චරිතය හරහා ප්‍රචණ්ඩකාරීව හැසිරීමට ඔවුන් පෙළඹෙන බවයි.

එමෙන්ම මෙම පරිගණක ක්‍රීඩාව හරහා ළමා අපයෝජනය, ලිංගික අපයෝජනය, සත්ව හිංසනය, ගෘහස්ථ හිංසනය, කාන්තාවන්ට එරෙහි හිංසනය, හෝ සොරකම වැනි කරුණු පිළිඹිබු වන බවත් ඔවුන් අවධාරණය කර තිබුණි.

එමෙන්ම මෙම පනත් කෙටුම්පත හරහා බාල වයස්කාරයන් හට මෙම පරිගණක ක්‍රීඩාවන් අලෙවි කිරීම තහනම් කිරීමටත්, එම වීඩියෝ ක්‍රිඩා ප්‍රචණ්ඩත්වය සහිත ක්‍රීඩා බවට නම් කිරීමටත් මෙම කෙටුම්පත හරහා කටයුතු කර තිබේ.

චිකාගෝ ප්‍රාන්තයේ මේ වන විට වාහන සොරකම් කිරීම් ප්‍රමාණය 135%කින් ඉහළ ගොස් ඇති බවත් මේවා බොහෝ විට එම පරිගණක ක්‍රීඩාවේ මෙන්ම රියදුරා සිටින අවස්ථාවේ රියදුරාට පහර දී සොරකම් කරගෙන ගිය අවස්ථා ඇති බවත් මන්ත්‍රීවරුන් විසින් අවධාරණය කර තිබේ.

කෙසේ වෙතත් මෙම තීන්දුවට එරෙහිව එරට පරිගණක ක්‍රීඩා කරන්නන් සිය විරුද්ධත්වය ප්‍රකාශ කර ඇති අතර ඔවුන් අවධාරණය කර තිබෙන්නේ මෙය විහිළුවක් බවයි. මෙම පරිගණක ක්‍රීඩා තහනම් කරනවා නම් මික්ස් මාෂල් ආර්ට්ස් වැනි ප්‍රචණ්ඩත්වය සැබෑවටම ඇති ක්‍රීඩාවන්ද තහනම් කරන ලෙසත් ඔවුන් පවසා තිබුණි.

ලෝක ප්‍රසිද්ධ මයික්‍රොසොෆ්ට් සමාගමේ නිර්මාතෘවරයා මෙන්ම බිලියනපති ලැයිස්තුවේ 03 වෙනි ස්ථානය හිමි කරගෙන සිටින බිල් ගේට්ස්ගේ දියණිය විසින් ඇමෙරිකානු සමාජ මාධ්‍ය කළඹමින් කොරෝනා වෛරසය සඳහා වූ ප්‍රතිශක්තිකරණ එන්නත ලබා ගැනීමට කටයුතු කර තිබේ.

ඇමෙරිකානු සමාජය තුළ මෙන්ම ලෝකය තුළ ප්‍රසිද්ධව තිබූ බිල් ගේට්ස් විසින් මයික්‍රෝ බයෝ චිප්ස් කොරෝනා ප්‍රතිශක්තිකරණ එන්නත දමා මිනිස්සුන්ට එන්නත් කර ඔවුන් හරහා දත්ත සොරා ගැනීමටත්, මනස පාලනය කිරීමටත් උත්සාහ කරන බවට තිබූ මතය බිඳ දමමින් ඇය විසින් මෙලෙස එන්නත ලබා ගැනීමට කටයුතු කර තිබූණි.

මෙලෙස කොරෝනා වෛරසය සඳහා වූ එන්නත ලබා ගැනීමට කටයුතු කර තිබුණේ බිල් ගේට්ස්ගේ වැඩිමහල් දියණිය වන 24 වැනි වියේ පසුවන ජෙනිෆර් කැතරින් ගේට්ස් විසිනි.

ඇය එන්නත ලබා ගැනීමෙන් පසුව කියා තිබුණේ තමන්ගේ සුපිරි දැනුමැති පියා විසින් එන්නත තමන්ගේ මොළය වෙනස් කිරීමට යොදා නොගත් බවත් ඒ හැකියාව ඇත්තේ mRNA වලට පමණක් බවත් ඇය කියා තිබුණි.

එමෙන්ම මෙම සිදුවීම සම්බන්ධයෙන් දැඩි කතාබහක් ඇමෙරිකානු සමාජ මාධ්‍ය තුළ ඇතිව තිබූ අතර බොහෝ පිරිසක් කියා තිබුණේ ප්‍රමුඛතාව ලබා දී ඇති ලැයිස්තුවක් තිබියදී මෙන්ම තවත් මිලියන ගණනක පිරිසක් එන්නත ලබා ගැනීමට සිටියදී ඇයට ප්‍රමුඛතාවය ලබා දීම ගැටලුකාරී බවයි. 

එමෙන්ම ධනවත් බව හමුවේ ඇයට එන්නත ලබා ගැනීමට හැකියාවක් ලැබුණු බවද තවත් පිරිසක් සඳහන් කර තිබුණි.

කෙසේ වෙතත් ගේට්ස් දියණිය සඳහන් කර තිබුණේ තමන්ගේ සෛලවලට ආරක්ෂිතව හැඩ ගැසීම සඳහා එන්නත ලබා ගැනීම තමන් ලද ප්‍රමුඛතාවයක් හෝ වරප්‍රසාදයක් හෝ නොවන බවයි. වෛද්‍ය සිසුවෙකු මෙන්ම අනාගත වෛද්‍යවරයෙකු ලෙස තමන්ගේ අනාගත පුහුණු වීම් සඳහා මෙම එන්නත ලබා දීම පිළිබඳව තමන් ස්තූතියිවන්ත වන බවද ඇය සඳහන් කර තිබුණි.

කෙසේ වෙතත් ඇයට සමාජ මාධ්‍ය හරහා දැඩි විරෝධයක් එල්ල වෙමින් තිබේ.

Page 1 of 11