මෙරට ඩිජිටල් පරිවර්තන උපාය මාර්ගය ඵලදායීව සහ කාර්යක්ෂමව ක්‍රියාත්මක කිරීම සඳහා ලෝක බැංකුව, ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයට, මුල්‍ය හා තාක්ෂණික උපදේශන සේවා සැපයීමට ඉදිරිපත්වේ. ඒ සදහා කැබිනට් මණ්ඩලය විසින් අනුමත කරන ලද මෙරට ඩිජිටල් පරිවර්තන ක්‍රියාවලියට අදාලව, ඩිජිටල් රාජ්‍ය සේවා, ඩිජිටල් ආර්ථිකය, ඩිජිටල් යටිතල පහසුකම් සේවා පිළිබද ප්‍රගතිය සමාලෝචනය කිරීම ඒකාබද්ධ තාක්ෂණික අධ්‍යයනයක් ආරම්භ කර තිබේ.
එමගින් ඩිජිටල් තාක්ෂණික පරිවර්තන ව්‍යාපෘති ඉදිරියට ගෙන යාම සදහා ඔවුන්ගේ නිර්දේශ ලබා දීමත්, ප්‍රතිපත්ති, ආයතනික පාලනය, ගිණුම් - බලපත්‍ර රාමු, නීතිමය ප්‍රතිපත්ති සහ නියාමන වගවීම් පිළිබඳව තක්සේරු කර උපදෙස් ලබා දීමත් සිදු කෙරෙනු ඇත.
අධ්‍යයනය සිදු කිරීම සඳහා ලෝක බැංකුව, තාක්ෂණ අමාත්‍යාංශය සහ තොරතුරු හා සන්නිවේදන තාක්ෂණ නියෝජිතායතනය (ICTA) හි නියෝජිතයින් ඇතුළු ඒකාබද්ධ ව්‍යාපෘති කමිටුවක් පත් කෙරේ. එමගින් ලෝක බැංකු දූත මණ්ඩල සාමාජිකයින්, අදාළ රජයේ පාර්ශ්වකරුවන් සමඟ තාක්ෂණික සාකච්ඡා සහ සමාලෝචන පවත්වනු ලැබේ.
එමෙන්ම ඩිජිටල් තාක්ෂණික පරිවර්තන ක්‍රියාවලියේ වත්මන් අභියෝග අවබෝධ කර ගැනීමට සහ අවශ්‍ය සහාය ලබාදීම නිර්දේශ කිරීමට ලෝක බැංකු මෙහෙයුමේ නියෝජිතයින් අදාළ සියලුම පාර්ශවකරුවන් සමඟ ද සාකච්චා පවත්වනු ඇත.
මෙමගින් ඩිජිටල් සන්වර්තන ක්‍රියාවලිය ශක්තිමත් කිරිම, රාජ්‍ය අංශය හරහා ඩිජිටල් පරිවර්තනයක් ඇති කිරීම සඳහා වත්මන් ක්‍රියාවලීන් තක්සේරු කිරීම, කළමනාකරණය, හැකියාවන් සංවර්ධනය, අධීක්ෂණය සහ ඇගයීම සහ ආයතනික ධාරිතාව ගොඩනැගීම කෙරෙහි අවධානය යොමු කෙරෙනු ඇත.
ඩිජිටල් රාජ්‍ය ක්‍රියාවලිය ව්‍යාපතිය වේගවත් කිරීම සහ අදාළ නියෝජිතායතනවල ධාරිතා සංවර්ධන අවශ්‍යතා ඇතුළුව මාර්ග සිතියමක් සංවර්ධනය සදහා ප්‍රමුඛත්වය දීම තවත් අරමුණකි. අවසන් අරමුණ වන්නේ ව්‍යාපාරික, ඩිජිටල් මෙවලම් සහ සේවා භාවිතා කිරීම, සහ ඩිජිටල් කුසලතා සංවර්ධනය කෙරෙහි අවධානය යොමු කිරීමයි.
තොරතුරු හා සන්නිවේදන තාක්ෂණ නියෝජිතායතනහි අධ්‍යක්ෂ, අධීක්ෂණ සහ ඇගයීම්, ජගත් සෙනවිරත්න මහතා මෙහිදී ප්‍රකාශ කළේ
“මෙම තීරණාත්මක අධ්‍යයනය සඳහා ලෝක බැංකු නියෝජිතයන්, තොරතුරු හා සන්නිවේදන තාක්ෂණ නියෝජිතායතනය (ICTA ) සමඟ අත්වැල් බැඳගෙන සිටීම, ජාතික ඩිජිටල් පරිවර්තන උපාය මාර්ගයේ අපේක්ෂිත ප්‍රතිඵල සාක්ෂාත් කර ගැනීම දිරියක් වි ඇතිබවයි .එමගින් ජාතික ඩිජිටල් පරිවර්තන ක්‍රියාවලිය කඩිනම් කිරීමටත්, රාජ්‍ය සේවා සැපයීමේ කාර්යක්ෂමතාව සහ ඵලදායිතාව වැඩිදියුණු කිරීමටත්, රැකියා උත්පාදනයටත්, තොරතුරු තාක්ෂණ කර්මාන්තයෙන් ලැබෙන ආදායම ඉහළ නැංවීමටත්, අවසානයේ පුරවැසියන්ගේ යහපැවැත්ම වැඩිදියුණු කිරීමටත් උපකාරී වනු ඇතැයි විශ්වාස කරන බවයි”
