රජයේ වාණිජ (විවිධ) නීතිගත සංස්ථාව, ලොව ප්‍රමුඛතම තොරතුරු හා සන්නිවේදන තාක්ෂණ විසඳුම් සැපයුම්කරු වනHuawei සමග පසුගියදා හවුල්කාරීත්වයකට එළැඹියේය. රාජ්‍ය අංශයේ කාර්යයන් තව දුරටත් කාර්යක්ෂම කිරීම උදෙසා Intelligent writing, High Definition (HD) video conferencing සහ Wireless sharing සමඟ එන Huawei IdeaHub රාජ්‍ය අංශයට හඳුන්වා දීම සඳහා ඔවුහු මෙලෙස හවුල්කාරීත්වයකට එළඹුණහ.
වෙළඳ අමාත්‍ය (ආචාර්ය) බන්දුල ගුණවර්ධන මහතා නව හවුල්කාරීත්වය පිළිබඳව අදහස් දක්වමින් මෙසේ පැවසීය. “අද වනවිට ලෝකය පුරාම තාක්ෂණය අඛණ්ඩව වෙනස් වෙමින් පවතිනවා. අප අපගේ කාර්යාලවල, නිවෙස් තුළ වැඩ කටයුතු සිදු කරන ආකාරයේ සිට සියලු දේ මෙම තාක්ෂණික වෙනස්වීම් වලට භාජන වී තිබෙනවා. විශේෂයෙන්ම සංචරණ සීමා හමුවේ රාජ්‍ය අංශයටද අන්තර්ජාල පහසුකම් යටතේ සිය රැස්වීම් පැවැත්වීම ආදී පිළිබඳව අවබෝධයක් ලබා ගැනීමට හැකි නම් එය ඉතා වටිනවා. අප අපේක්ෂා කරනවා Huawei IdeaHub රාජ්‍ය අංශයේ එදිනෙදා ක්‍රියාවලියන් පහසුවෙන් හා ඉක්මනින් කරගෙන යාමට අත්වැලක් විය හැකියි.”
‘‘රටේ පවතින නව තත්ත්වය හේතුවෙන් කාර්යාල පරිසරය තුළ වේගයෙන් වෙනසට භාජන වන ස්ථානයක් තමයි සම්මන්ත්‍රණ සහ ඉදිරිපත් කිරීම් පවත්වන අවකාශය. ඒ නිසා රාජ්‍ය අංශයේ සහ පෞද්ගලික අංශයේ මෙන්ම රාජ්‍ය සමාගම්වල ද ඩිජිටල් තාක්ෂණික විසඳුම් තිබිය යුතු අතර ඒවා කාර්යාලයීය කාර්යයන් වේගවත් කරන ආකාරයට පරිවර්තනය කර ගත යුතුයි.” මෙම අවස්ථාව පිළිබඳව අදහස් දක්වමින් රාජ්‍ය වාණිජ (විවිධ) නීතිගත සංස්ථාවවේ සභාපති යෝගා පෙරේරා මහතා පැවැසීය.
සාමූහික හවුල්කාරීත්වය පිළිබඳව අදහස් දක්වමින් Huawei හි ප්‍රධාන විධායක නිලධාරී ලියැං යී මහතා මෙසේ පැවැසීය. ‘‘අපි ඉතා සතුටට පත් වෙනවා රාජ්‍ය වාණිජ (විවිධ) නීතිගත සංස්ථාව සමග එක්වHuawei IdeaHub රාජ්‍ය අංශය වෙත හඳුන්වා දීමට ලැබීම සම්බන්ධව. නවීන, සම්බන්ධිත කාර්යාලයක මෙම තාක්ෂණය මගින් කණ්ඩායමකට ඕනෑම තැනක සිට පහසුවෙන් සිය කාර්යයන්වල යෙදීම සඳහා අවස්ථාව හිමි වනවා”
