March 09, 2021

අයවැය සම්මත වීමෙන් පසු කතානායක නිල නිවසේ පැවැත් වූ සාම්ප්‍රද‌ායික භෝජන සංග්‍රහයට ලක්ෂ 100 කට අධික මුදලක් වැය වී ඇතැයි වාර්තා වේ.  

පාර්ලිමේන්තු මන්ත්‍රීවරුන්, පාර්ලිමේන්තුවේ සහකාර ආවතේව තනතුරුවලින් ඉහළට සිටින සියලු නිලධාරීන් හා ලේකම්වරුන් ඇතුළුව 700 කට ආසන්න පිරිසක් මෙම සාදය සඳහා ආරාධනා ලැබ සිටි බව දැනගන්නට ඇත.  

කොරෝනා වසංගත තත්ත්වය හමුවේ මෙම සාදය නොපැවැත්විය යුතු බවට පාර්ලිමේන්තු මන්ත්‍රී චමින්ද විජේසිරි මහතා ඉල්ලීමක් කර තිබුණි.  

 

ශ්‍රී ලංකා පොදුජන පෙරමුණට බලය හිමි හාරිස්පත්තුව ප්‍රාදේශීය සභාවේ ලබන වසර සඳහා වන අයවැය වැඩි ඡන්ද 7කින් අද (26) පරාජයට පත්විය.

අයවැයට විරුද්ධව ඡන්ද 21ක් ලැබුණු අතර, පක්ෂව ලැබුණේ ඡන්ද 14ක් පමණි.

මන්ත්‍රීවරුන් 37 දෙනෙකුගෙන් සමන්විත මෙම ප්‍රාදේශීය සභාවේ ශ්‍රී ලංකා පොදුජන පෙරමුණේ මන්ත්‍රීවරුන් 19ක්, එක්සත් ජාතික පක්ෂ මන්ත්‍රීවරුන් 11ක්, ශ්‍රී ලංකා නිදහස් පක්ෂ මන්ත්‍රීවරුන් 4ක්, ජනතා විමුක්ති පෙරමුණු මන්ත්‍රීවරුන් 2 ක් සහ එක්සත් ජාතික පෙරමුණෙන් මන්ත්‍රීවරයෙකු නියෝජනය කරයි.

අද පැවති ඡන්ද විමසීමේදී ශ්‍රී ලංකා පොදුජන පෙරමුණේ මන්ත්‍රීවරුන් 6 දෙනෙකු, එක්සත් ජාතික පක්ෂ මන්ත්‍රීවරුන් දෙනෙකු, නිදහස් පක්ෂයේ මන්ත්‍රීවරුන් තුන් දෙනෙකු සහ ජනතා විමුක්ති පෙරමුණ මන්ත්‍රීවරුන් දෙදෙනා අයවැයට විරුද්ධව ඡන්දය භාවිත කර තිබේ.

මුදල් විශුද්ධිකරණය වැලැක්වීම සම්බන්ධයෙන් ගෝලීය ප්‍රතිපත්ති සම්පාදකයා වශයෙන් ක්‍රියාකරන මූල්‍ය කාර්ය  සාධන බලකාය (Financial Action Task Force ) විසින් ශ්‍රී ලංකාව එහි "අලු ලේඛනයට "(Grey List ) ඇතුලත් කොට තිබූ අතර පසුගිය රජය සමයේ දී මහත් පරිශ්‍රයක් දරා 2019 ඔකතෝම්බර් මස එම ලේඛනයෙන් ඉවත් කර ගත් බව මංගල සමරවීර මහතා ට්විටර් පණිවිඩයක් තබමින් ප්‍රකාාා කර සිටියා . 2021 අය වැය ඉදිරිපත් කරමින් ආර්ථික උතිතේජනයන් සඳහා මුදල් විශුද්දිකරණය නිල වශයෙන් පිළිගැනීමට ලක් කිරීම තුලින් යලිත් ජාත්‍යන්තර මූල්‍ය සම්බාධක වලට මුහුණ දීමේ අවධානමක් ඇති බව ඔහු ප්‍රකාශ කර සිටිනවා.

කලු සල්ලි සුදු කරන මෙවන් කටයුතු වලට ජාත්‍යන්තර නීතියෙන් වැට බැඳ ඇති බැවින් ඉදිරියේ දී ශ්‍රී ලංකාවට මුදල් සම්ප්‍රේශනය කිරීම විදේශ බැංකු වලින් භාර නොගැනීමට ඉඩ ඇති බවට ඔහු අනතුරු අඟවනවා.

අරක්කු, සිගරට්, බීර සහ සන්නිවේදන සේවාවලටත් ඔට්ටු හා සූදු ව්‍යාපාරවලටත් මෝටර් රථ ව්‍යාපාරයටත්  අදාළ වන ලෙස අලුතෙන් භාණ්ඩ හා සේවා බද්ද (ජී.එස්.ටී.) පැනවීමට රජය තීන්දු කර ඇත.

පසුගියදා අග්‍රාමාත්‍ය මහින්ද රාජපක්ෂ මහතා පාර්ලිමේන්තුවට ඉදිරිපත් කළ අයවැය කතාවෙහි මෙම බදු යෝජනාව ඇතුළත් වේ.

නව බද්ද ක්‍රියාත්මක වන්නේ ලබන ජනවාරි මාසයේ සිට බවත් ඒ සඳහා පනවන බදු ප්‍රතිශතයන් කවරේද යන්න තවම තීරණය කර නැතත් එය ඉතා ඉක්මණින් ප්‍රකාශයට පත්කරන්නේ යැයිද මුදල් අමාත්‍යංශ ආරංචි මාර්ග පැවසී ය.

මෙම භාණ්ඩ හා සේවාවලට දැනට බලපවත්වන බදු වර්ග ගණනාවක් වෙනුවට එක් බද්දක් අය කිරීම මෙම සංශෝධනයේ අරමුණ වී තිබේ.

2021 අයවැය දෙවන වර කියවීමේ ඡන්ද විමසීම මීට සුළු මොහොතකට පෙර පැවැත්විණි.

ඒ අනුව 2021 අයවැය දෙවන වර කියවීමේ ඡන්ද විමසීමට අනුව වැඩි ඡන්ද 99කින් අයවැය සම්මත විය.

අයවැයට පක්ෂව ඡන්ද 151 සහ විපක්ෂව 52 ලැබිණි.

මෙම ආණ්ඩුව ඉදිරිපත් කර ඇති අයවැය යෝජනාවට අනුව 2021 වසර අවසන් වන විට ශ්‍රී ලංකාව ට්‍රිලියන 18 ක ණය කන්දක හිරවන බවත් ඒ සඳහා විකල්ප ලෙස නැවත ණය ගැනීම හෝ සල්ලි අච්චු ගැසීම බවත් ජාතික ජනබලවේගය පක්‍ෂයේ මන්ත්‍රී විජිත හේරත් මහතා අද (19) පාර්ලිමේන්තුවේදී පැවසීය.

එය අසමත් බවේ ලක්‍ෂණයක් ලෙසින් ද විජිත හේරත් මහතා විසින් හඳුන්වන ලදි.

ආණ්ඩුව ඉදිරිපත් කළ 2021 අයවැය පිළිබඳව විවාදයට එක්වෙමින් විජිත හේරත් මහතා වැඩි දුරටත් මෙසේ ද පැවසීය.

“රටක් හැටියට 2021 වසර අවසන් වන විට අපි ටි්‍රලියන 18 ක ණය කන්දක හිරවෙනවා. මෙයට විකල්ප දෙකයි තියෙන්නේ. එකක් ණය ගන්න එක. අනිත් එක ඔබතුමන්ලා යෝජනා කරන්නේ සල්ලි අච්චු ගහන එක. ණය ගැනීමයි, සල්ලි අච්චු ගැසීමයි කියන්නේ අසමත් කමනේද?”

“ආණ්ඩුව ඉදිරිපත් කරපු අයවැයේ ඉතා පැහැදිළිව කියලා තියෙනවා ආදායම බිලියන 1961 කියලා. ඒ වගේම වියදම බිලියන 3500 කියලා. මේ අදායම සොයාගන්නා උත්පාදන ක්‍රමයක් ගැන සඳහන් කතරලා නෑ”

“ආණ්ඩුව ඉතා පැහැදිළිව මේ අයවැය තුළ යෝජනා කරලා තියෙන්නේ තවත් බිලියන 3000 ක් අලුතෙන් ණය ගන්න. 2020 තුළ බිලියන 2000 ක් දැනටමත් ණය අරන් තියෙනවා. පාර්ලිමේන්තුවේ අනුමැතියක් නැතුවත් මේ ආණ්ඩුව බිලියන 2000 ක් ණය අරගෙන තියෙනවා. දැන් යෝජනා කරනවා තවත් බිලියන 3000 ක් ණය ගන්න. ඒ කියන්නේ මේ අවුරුදු දෙකට පමණක් 2020 සහ 2021 ට අවුරුදු දෙකට පමණක් මේ අසමත් ආණ්ඩුව බිලියන 5000 ක් ණය ගන්න යෝජනා කරනවා. ඒ කියන්නේ ට්‍රිලියන 5 ක්”

“සේමසිංහ ඇමතිතුමා කිව්වා 2014 වන විට ටි්‍රලියන හතක ණය බරක් තිබුණා කියලා. එක්සත් ජාතික පක්‍ෂය ඒක ට්‍රිලියන 13 දක්වා වර්ධනය කරා කියලා. ඒ අවුරුදු පහ තුළ ට්‍රිලියන හයකින් ණය බර වැඩි කළා කියලා. ඔබතුමන්ලා අවුරුදු දෙකක් ඇතුළත ටි්‍රලියන පහකින් මේ ණය බර වැඩි කරනවා. ඒක හරිද?

“මේ කරන්නෙත් නැවත ණය කන්දක රට හිරකරන එක නේද? එදා එක්සත් ජාතික පක්‍ෂය බලයට එනවිට කිව්වා රාජපක්‍ෂ පාලනය රට ණය කළා ඒකෙන් රට මුදොගන්න කියලා. නමුත් එතුමන්ලා කළෙත් රට ණය උගුලක පැටලීමයි” යැයි ද හේරත් මහතා වැඩි දුරටත් පැවසීය.

අයවැය දෙවන වර කියවීමේ විවාදයේ දෙවන දිනය අද (19) වන අතර පෙරවරු 9.30ට පාර්ලිමේන්තුව රැස්විය.

ලබන 21 වනදා දක්වා අයවැය දෙවන වර කියවිමේ විවාදය පැවැත්වෙන අතර එදින පස්වරු 05.00 ඡන්ද විමසීම පැවැත්වීමට නියමිතය.

LIVE UPDATE...

09.30 A.M පළමුව නියෝජ්‍ය කතානායකවරයා පාර්ලිමේන්තුවට පැමිණීමෙන් අනතුරුව පාර්ලිමේන්තු විවාදය ආරම්භ විය.

09.31 A.M මහජන පෙත්සම් සභාවට ඉදිරිපත් කිරිමෙන් පසු වාචික පිළිතුරු අපේක්ෂිත ප්‍රශ්න වාරය ආරම්භ විය.

09.56 A.M “ඔබයි අලුත් පක්ෂයේ අනාගත නායකයා වෙන්න සුදුසු. එතුමා දක්ෂයා. වැඩිම ප්‍රශ්න අහෙන්නේ එතුමා“ ආණ්ඩුවේ ප්‍රධාන සංවිධායක, අමාත්‍ය ජොන්ස්ටන් ප්‍රනාන්දු මහතා පැවසීය.

10.20 A.M පෞද්ගලික අංශයේ සේවකයන්ට ද රාජ්‍ය සේවකයන්ට මෙන් අවුරුදු 60න් විශ්‍රාම යාමට රජය ගෙන තිබෙන තීරණය පෞද්ගලිකවම තමා අගය කරන බව සමඟි ජනබලවේග මන්ත්‍රී එරාන් වික්‍රමරත්න මහතා පැවසීය.

10.50 A.M හිටපු ජනාධිපති, පාර්ලිමේන්තු මන්ත්‍රී මෛත්‍රීපාල සිරිසේන මහතා අයවැය දෙවන වර කියවීමේ විවාදයට එක්වෙමින් සභාව ඇමතීම ආරම්භ කළේය.

11.05 A.M“ ජනාධිපතිතුමා සිදු කරන ප්‍රතිපත්තිය මම අගය කරනවා. දුගී භාවය අවම කිරීමට වැඩපිළිවෙලක් ඇති අයවැයක්“ - පාර්ලිමේන්තු මන්ත්‍රී මෛත්‍රීපාල සිරිසේන මහතා පැවසීය.

11.19 A.M පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පැවසූවේ “ මේ අයවැයෙන් සාමාන්‍ය ජනතාවට කිසිම සහනයක් නෑ..කෝ ජනතාවට සහන. මේ අයට උදව් කරපු මහා පරිමාණ සමාගම් බිලියන 600ක බදු සහන දුන්නා“

11.18 A.M “පාස්කු ප්‍රහාරයට සම්බන්ධ සියලු දෙනාට දඩුවම් දෙනවා.“ අමාත්‍ය නිමල් ලංසා මහතා සඳහන් කළේය.

11.18 A.M “ ලක්ෂ්මන් කිරිඇල්ල මන්ත්‍රීතුමා එජාපයට ගියේ හන්තාන ඉඩම නිසා තමයි. ඔබතුමාට නඩුවෙන් දිනන්න තව අවුරුදු 10ක් ඉන්න වෙයි“ පාර්ලිමේන්තු මන්ත්‍රී චාමර සම්පත් මහතා පැවසීය.

11.40 A.M ජනාධිපති ගෝඨාභය රාජපක්ෂ මහතා සහ අගමැති මහින්ද රාජපක්ෂ මහතා පාර්ලිමේන්තු සභාගැබට පැමි‍ණෙයි.

11.58 A.M “මේ අයවැය ලේඛනය ඉදිරිපත් කරපු මොහොත අසීරු සහ අමාරුඅවස්ථාවක් 2021 වෙනුවෙන් ඉදිරිපත් කරපු මේ අයවැය අභියෝග ජයගන්න ඉලක්ක කරපු කාරණා පිළිබඳ සෑහීමකට පත් වෙන්න බෑ“ තිස්ස අත්තනායක මන්ත්‍රීවරයා විවාදයට එක්වෙමින් සඳහන් කළේය.

12.30 P.M දිවා භෝජනය සඳහා පස්වරු 1.00 දක්වා කල් තැබීය.

01.00 P.M දිවා භෝජනයෙන් පසු නැවත අයවැය දෙවන වර කියවීමේ විවාදය යළි ආරම්භ කරයි

01.00 P.M “ආණ්ඩුව මේ අයවැයෙන් යෝජනා කරලා තියෙන්නේ තවත් බිලියන 3000ක් ආපසු ණය ගන්න. 2020 සහ 2021 අවුරුදු දෙකට විතරක් මේ අසමත් ආණ්ඩුව ට්‍රිලියන 5ක් ණය ගන්න යෝජනා කරනවා.“ පාර්ලිමේන්තු මන්ත්‍රී විජිත හේරත් මහතා පැවසීය.

 01.40 P.M “ ආරක්ෂාව සඳහා මුදල් වැඩියෙන් වෙන් කළ කියලා ඒක යුද්ධයක් ආරම්භ කිරීමක් නෙමෙයි. අපිට අර්බුද තියෙනවා ආර්ථිකයට ගැටලු තියෙනවා ආර්ථිකයට. මේ රට ඉදිරියට ගෙන යාමට විපක්ෂය සහයෝගය ලබා දිය යුතුයි“ පාර්ලිමේන්තු මන්ත්‍රී, අමාත්‍ය කනක හේරත් මහතා පැවසී ය.

02.12 P.M අයවැය විවාදයේ මංගල කතාව කරමින් පාර්ලිමේන්තු මන්ත්‍රී මේජර් සුදර්ශන දෙනිපිටිය මහතා පැවසූවේ “අපි දැක්කා පසුගිය කාලේ අධිකරණයට බලපෑම් කරන විදිහ. අපි දන්නවා විපක්ෂය කටයුතු කරපු ආකාරය“

02.12 P.M “මේ රජය බලයට පත් කරන කොට වියත්මගේ සාමාජිකයෝ විශාල කාර්යභාරයක් ඉෂ්ට කලා. අයවැය දැක්කහම නම් හිතෙනවා වියත්මගේ කාර්යභාරයක් තියෙනවද කියලා. මේ ආණ්ඩුවේ අත්දැකීම් තියෙන ජ්‍යෙෂ්ඨ අය ඉන්නවා. ඊයේ පෙරේදා ආපු අයට ඇමැතිකම් දීලා “ පාර්ලිමේන්තු මන්ත්‍රී නලින් බණ්ඩාර මහතා පැවසීය.

පාර්ලිමේන්තුව නොවැම්බර් 20වන දින පෙරවරු 9.30 දක්වා කල් තැබීමට යෝජනා කෙරිණි.

2021 මුදල් වර්ෂයේ සේවා වියදම් සඳහා ශ්‍රී ලංකාව තුළ හෝ ඉන් බැහැරව ණය ලබාගැනිම සඳහා වන විසර්ජන කෙටුම්පත දෙවන වර කියවීම සඳහා අග්‍රාමාත්‍ය සහ මුදල් අමාත්‍ය වන මහින්ද රාජපක්ෂ මහතා විසින් මේවන විට පාර්ලිමේන්තුවට ඉදිරිපත් කරමින් සිටියි.

2021 අයවැය යෝජනා

4:51 PM -2021 දී අපේක්ෂිත ආර්ථික වර්ධන වේගය සියයට 5.5 ක් වෙනු ඇත. 2021 ජනවාරි සිට ක්‍රියාත්මක වන පරිදි රාජ්‍ය මූල්‍ය කළමනාකරණ සංග්‍රහය හඳුන්වා දෙනවා. 2025 දී අය වැය හිඟය සියයට 4ක් බවට පත් කරනවා.

4:49 PM -රාජ්‍ය ආදායම - රුපියල් බිලියන 1961
              රාජ්‍ය වියදම රුපියල් බිලියන 3525
              අයවැය හිඟය - රුපියල් බිලියන 1564

4:48 PM -මෙය කඩා වැටුණු ආර්ථිකයක් ගොඩනැඟීමට ඉදිරිපත් කර ඇති සංවර්ධන අයවැයක්. ආයෝජන අවස්ථා රාශියක් ඇති සංවර්ධන අයවැයක්.

4:48 PM -2021 ආර්ථික වර්ධන වේගය වැඩිකිරීමට අවධානය.

4:44 PM -ප්‍රාදේශීය සභාවල කැලිකසල ප්‍රතිචක්‍රීකරණය කිරීම සඳහා රුපියල් මිලියන 3000ක් වෙන්කරයි.

4:43 PM -ප්‍රාදේශීය සභාවල මාර්ග නඩත්තුව ඇතුළු පහසුකම් සැපයීමට රුපියල් මිලියන 3000ක් වෙන්කිරීමට පියවර.

4:42 PM -අලිවැට ඇතුළු ආරක්ෂණ වැඩපිළිවෙල සඳහා රුපියල් මිලියන 3000ක් වෙන්කරයි.

4:41 PM -මැටි පිත්තල ලී කැටයම් නිෂ්පාදන ගම්මාන සඳහා රුපියල් මිලියන 2500ක් වෙන්කරයි.

4:40 PM -ග්‍රාමීය රෝහල් සංවර්ධනයට රුපියල් මිලියන 5000ක් වෙන්කිරීමට පියවර.

4:39 PM -ගම සමග පිළිසඳර රජයේ වැඩපිළිවෙලේ ග්‍රාමීය ජනතාව ඉල්ලා සිටි සංවර්ධන සුභසාදන ඉල්ලීම ඉටුකිරීමට විශේෂ අවධානය.

4:38 PM -ග්‍රාමීය ජනතාවගේ ඉල්ලීම අනුව එම සංවර්ධන කටයුතු සඳහා විශේෂ අවධානය.

4:37 PM -සතොස සුපිරි වෙළඳ සල් නාගරික හා ග්‍රාමීය වශයෙන් පුළුල් කිරීමට පියවර.

4:36 PM -සමෘද්ධි ලාභී කාන්තාවන් අතරින් තෝරාගත් කාන්තාවන් 25000කට ග්‍රාමීය වෙළඳසල් පිහිටුවීමට අවසර.

4:35 PM -කාන්තාවන් සහ පිරිමින් සඳහා විශ්‍රාම ගන්නා වයස අවුරුදු 60 දක්වා දීර්ඝ කිරීමට පියවර.

4:35 PM -බහුතර සේවකයන් පිරිසකට අදාළ පරිදි දායක විශ්‍රාම වැටුපක්.

4:33 PM -විනාශයට ලක්වූ කැලෑ යුද හමුදාවේ සහය ඇතිව යළි වනාන්තර බවට පත්කිරීමට පියවර.

4:32 PM -වැලි ගොඩදැමීම නියාමනයට රුපියල් මිලියන 200ක ප්‍රතිපාදන වෙන්කරයි.

4:32 PM -එක්වරක් පමණක් භාවිත කළ හැකි ප්ලාස්ටික් පොලිතීන් තහනම් කිරීමට පියවර.

4:29 PM -මාණ්ඩලික රාජ්‍ය සේවකයන්ට රාජකාරී වේලාවෙන් පසුව වෙනත් රැකියාවල නිරතවීමට අවසර ලබාදීමට රජයේ අවධානය යොමුව තිබෙනවා.

4:28 PM -රාජ්‍ය සේවකයන්ට සූර්ය බල පහසුකම් ලබාදීමට ණය ක්‍රමයක්.

4:28 PM -සංවෘත රාජ්‍ය සේවයට අනුව රාජ්‍ය සේවකයන් තම ගම් ප්‍රදේශවලට අනුයුක්ත කිරීම මගින් සේවක කාර්යක්ෂමතාව වැඩිකිරීමට පියවර.

4:27 PM -පෞද්ගලික ව්‍යාපාර කළමනාකරණයට විශේෂ අවදානය.

4:24 PM -විසිවන ව්‍යස්ථා සංශෝධනය හරහා උපරිමාධිකරණ විනිසුරුවරුන් සංඛ්‍යාව වැඩිකිරීමට හැකිවීම හේතුවෙන් වසර ගණනාවකට පසු මහාධිකරණයේ ගොඩගැසී ඇති නඩු විශාල සංඛ්‍යාවක් අවසන් කිරීමට කඩිනම් පියවර ගතහැකි වීම පිළිබඳව අගමැතිවරයාගේ ස්තූතිය.

4:23 PM -අධිකරණයේ විනිශ්චයකරුවන් සහ කාර්යමණ්ඩලය වැඩිකිරීමට රුපියල් මිලියන 20000ක ප්‍රතිපාදන වෙන්කරයි.

4:22 PM -ETI තැන්පත්කරුවන් පීඩාවට ලක්වීමට හේතුවූ වගකිවයුතු පුද්ගලයන්ට එරෙහිව නීතියමය පියවර ගැනීමට කටයුතු කිරීමට විශේෂ අවධානය.

4:21 PM -මහබැංකුවේ, බැංකු නොවන මූල්‍ය සමාගම් අධීක්ෂණයට ඇති ආයතනය ප්‍රතිසංවිධානය කිරීමට පියවර.

4:15 PM -අඩු ආදායම් ලාභීන්ට නිවාස ලබාගැනීමට වසර 25කට සියයට 6.5ක අනුපාතිකයකට ණය යෝජනා ක්‍රමයක්.

4:15 PM -ඉදිකිරීම් කර්මාන්තයේ අපද්‍රව්‍ය ප්‍රතිචක්‍රීකරණ ආයෝජකයන්ට බදු සහන ලබාදීමට පියවර.

4:14 PM -රාජ්‍ය ඉදිකිරීම් කර්මාන්තකරුවන්ට මූල්‍ය සහන

4:13 PM -ගල් වැලි පස් ඇතුළු ඉදිකිරීම් අමුද්‍රව්‍ය කැනීම් මධ්‍යස්ථාන මාර්ග සංවර්ධන අධිකාරිය යටතට පැවරීමට පියවර.

4:12 PM -ඉදිකිරීම් කර්මාන්තය සඳහා ලබාගත යුතු ආයතනික බලපත්‍ර සරල කෙරේ.

4:11 PM -මෝටර් රථ කර්මාන්තයේ නියැලෙන්නන් දිරිමත් කිරීමට අමතර කොටස් බදු අඩුකිරීමට පියවර.

4:09 PM -රජයේ ඉදිකිරීම් අංශයේ ආයතන වෙත රජයේ ඉදිකිරීම් පැවරීමට අවදානය.

4:08 PM -පුනරාවර්තන හා ප්‍රාග්ධන වියදම් අඩුකරගැනීමට යෝජනා රැසක්.

4:07 PM -ද්විපාර්ශවික ගිවිසුම් සමාලෝචනය කර දේශීය ආරක්ෂාවට තර්ජනයක් නොවන ආකාරයට පියවර ගැනීමට අවධානය.

4:05 PM -විදේශ ආර්ථික සම්බන්ධතා ඔස්සේ විදේශ රැකියාවල නිරතවන්නන්ගේ අභිලාෂයන් ඉටුවන ආකාරයට ප්‍රතිසංවිධානය කිරීමට පියවර.

4:04 PM -දේශීය බෝට්ටු හා නැව් නිෂ්පාදනයට වසර 7ක බදු විරාමයක්.

4:04 PM -අදාළ ඛනිජ කර්මාන්ත දියුණු කිරීමට රුපියල් මිලියන 2000ක් වෙන්කිරීමට යෝජනා කරයි.

4:03 PM -මිනිරන් ආදී සැඟවුණු කර්මාන්ත ඉහළ අපනයන කර්මාන්ත ලෙස දියුණු කිරීම.

4:02 PM -දේශීය හා විදේශීය ඇඟලුම් නිෂ්පාදන සඳහා කර්මාන්ත සඳහා ආනයනය ලිහිල් කළ සහන රැසක්.

4:01 PM -නිෂ්පාදන ආර්ථිකය දියුණු කිරීමට පියවර රැසක්.

4:01 PM -දේශීය නිෂ්පාදනයට අදාළ සෙස් බදු ක්‍රියාත්මක කිරීම.

4:00 PM -තුලනාත්මක වෙළඳ ප්‍රතිපත්තියක් අනුගමනය කිරීමට පියවර.

3:59 PM -අපනයන ඉලක්ක ජයගැනීමට නව විදේශ තානාපතිවරු යෙදවීමට පියවර.

3:58 PM -අපනයන සඳහා විදේශ රටවල්වල සහයෝගය ලබාගැනීමටත් අපනයන භාණ්ඩ නිෂ්පාදනය සඳහා දියුණු රටවල ඇති උසස් තාක්ෂනය භාවිත කිරීමටත් අවශ්‍ය පියවර ගැනීමට අවධානය.

3:57 PM -නව පානීය ජල ව්‍යාපෘති සඳහා රුපියල් මිලියන 75ක් ලබාදීමට පියවර.

3:56 PM -අලුතින් පවුල් ලක්ෂ 35කට ජලය ලබාදීමට පියවර.

3:55 PM -සමස්ත රටේම පානීය ජලය ලබාදීමට ව්‍යාපෘති 1000ක් සකස් කිරීමට පියවර.

3:54 PM -දිස්ත්‍රික්ක 21ක කුඩා වැව් ප්‍රතිසංස්කරණයට රුපියල් මිලියන 1000ක්.

3:53 PM -ගිං නිල්වලා මල්වතු ඔය ජල යෝජනා කඩිනමින් නිම කිරීමට අයවැය ප්‍රතිපාදන වෙන්කරයි.

3:52 PM -උමා ඔය ව්‍යාපෘතිය ආශ්‍රිත බලාගාර කඩිනමින් නිම කිරීමට පියවර.

3:51 PM -ග්‍රාමීය විදුලි බලය සැපයීම සඳහා රුපියල් මිලියන 750ක මුදලක් වෙන්කරයි.

3:50 PM -ආගමික ස්ථාන රාජ්‍ය ආයතන ඇතුළු ස්ථාන රැසක පියසි මත සූර්ය විදුලි ජනන පද්ධති සකස්කිරීමට පියවර.

3:49 PM -නිවාස ලක්ෂයකට සූර්ය බල කට්ටල.

3:48 PM -පුනර්ජනනීය බලශක්තිය හරහා ජාතික විදුලි බල පද්ධතියට මෙගාවොට් 1000ක ධාරිතාවක් එක්කිරීමට පියවර.

3:47 PM -2023 වනවිට විදුලිය සඳහා දරණ අධික පිරිවැය අඩුකර ව්‍යාපාර ආර්ථිකය දියුණු කිරීමට පියවර.

3:46 PM -විදුලි බලාගාර රැසක් ඉදිකිරීමට යෝජනා කෙරේ.

3:45 PM -තේ වතු කම්කරු දෛනික වැටුප ජනවාරි සිට රුපියල් 1000 දක්වා වැඩි කිරීමට යෝජනා කරයි. එම වැටුප ගෙවීමට නොහැකි සමාගම් ගිවිසුම් වෙනස්කිරීමට අදාළ නීති සංශෝධනය කිරීමට විශේෂ අවධානය.

3:42 PM -ඉහල වටිනාකමක් ඇති ශ්‍රී ලංකා සන්නාමය සතු තේ වගාව වැඩිදියුණු කර මූලික යටිතල පහසුකම් සැපයීමට අවදානය.

3:41 PM -වැවිලි සංස්කෘතිය වැඩිදියුණු කර තේ පොල් රබර් කුරුඳු පුනර්ජීවනය සහ විවිධාංගීකරණය කිරීමට පියවර.

3:39 PM -කජු සංස්ථාව සතු අක්කර 6500ක ඉඩම් ප්‍රමාණයක අලුතින් කජු වගා කිරීමට අවධානය.

3:38 PM -කන්තලේ, බදුල්ල, මොණරාගල උක් වගාකරුවන්ට සහන රැසක්.

3:38 PM -පොල් ඉඩම්වල ඵලදායීතාව වැඩිදියුණු කිරීමටත් පුරන් කුඹුරුවල පොල් හා තැඹිලි වගාවට අවසර ලබාදීමටත් පියවර.

3:37 PM -තේ වගාව සඳහා වැඩිදියුණු කිරීමට විශේෂ අවධානයක්.

3:36 PM -ධීවර සංස්ථාව පූර්ව ප්‍රතිසංවිධානයට රුපියල් මිලියන 500ක අතිරේක ප්‍රතිපාදන වෙන්කර තිබෙනවා.

3:36 PM -මත්ස්‍ය ගොවිපොළ කලාප සංවර්ධනයට රුපියල් මිලියන 200ක ප්‍රතිපාදන.

3:34 PM -කිරි ගවයන්ගේ කිරි අස්වැන්න වැඩි කිරීමට විශේෂ ක්‍රියාමාර්ග රැසක්.

3:34 PM -කිරි නිෂ්පාදනය සහ ගොවිපොළ දියුණු කිරීමට ලක්ෂ 5ක වාර්ෂික සහන ණයක්.

3:32 PM -බෝපත්තලාව සහ රිදීගම ගොවිපොළවල් ගව අභිජනන මධ්‍යස්ථාන ලෙස දියුණු කිරීමට පියවර.

3:32 PM -එළවලු පලතුරු කල්තබා ගතහැකි ශීතාගාර පහසුකම් වැඩිදියුණු කිරීමට පියවර.

3:31 PM -කහ ඉඟුරු ආනයන තහනම අඛණ්ඩව පොල් රබර් ඉඩම්වල කහ ඉඟුරු බෝග වගාවට පියවර.

3:31 PM -කෘෂි නිෂ්පාදනයේ අතිරික්තයක් නිර්මාණය කර තොග පවත්වාගෙන කෘෂි නිෂ්පාදන ආනයන සීමා කිරීමට ගත් තීරණය අඛණ්ඩව.

3:30 PM -කෘෂිකර්මාන්තයේදී කාබනික පොහොර සඳහා විශේෂ අවධානය.

3:29 PM -අනෙකුත් බෝග සඳහා රුපියල් 1500ක සහන මිලට පොහොර ලබාදීමට රජය තීරණය කරයි.

3:28 PM -සහල් බඩ ඉරිඟු ඇතුළු ධාන්‍ය වර්ග සඳහා සහතික මිලක්.

3:26 PM -විදේශ රැකියා සඳහා නිපුණතාවයෙන් යුතු පුහුණු ශ්‍රමිකයන් යැවීමට සහ විදේශ වෙළඳපොළ විවිධාංගිකරණය ට අවධානය.

3:23 PM -පුරාවිද්‍යාව සඳහා රුපියල් මිලියන 250ක අතිරේක ප්‍රතිපාදන වෙන්කරයි.

3:22 PM -සංචාරක ක්ෂේත්‍රය වැඩිදියුණු කිරීම සඳහා ලබාදුන් ප්‍රතිමූල්‍ය සහන ණය අය කිරීම 2020 සැප්තැම්බර් 31 දක්වා දීර්ඝ කර තිබෙනවා.

3:21 PM -නාගරික ඇවිදින මංතීරු සඳහා රුපියල් මිලියන 2000 ක් වෙන්කර තිබෙනවා.

2:42 PM -තේ පැන් සංග්‍රහය හා සම්බන්ධවීම සඳහා අයවැය කියවීම මිනිත්තු 30ක් සඳහා කල්තැබේ.

2:41 PM -ක්‍රීඩා සංවර්ධනය සඳහා විශේෂ අවධානය යොමුව ඇති අතර කෘතීම ධාවන පඨ සහිත ක්‍රීඩා පාසල් 10ක් ද ගොඩනැගීම සඳහා විශේෂ අවධානය යොමුකර තිබෙනවා.

2:40 PM -නේවාසික නොවන නගර විශ්වවිද්‍යාල ඉදිකිරීමට යෝජනා කරමින් ඒ සඳහා රුපියල් මිලියන 1000ක් වෙන්කරයි.

2:39 PM -වෛද්‍ය, ඉංජිනේරු විශ්වවිද්‍යාල පහසුකම් පුළුල් කිරීමට පියවර.

2:35 PM -වෘත්තීය අධ්‍යාපනය අවසන් කරන සිසුන් සඳහා රුපියල් ලක්ෂ 5ක නායක සියයට 4ක පොලී අනුපාතිකයට ලබාදීමට පියවරගෙන ඇති අතර එය නැවත ගෙවීම සඳහා වසරක සහන කාලයක් ලබාදෙන අතර ඒවා වසර පහක් සඳහා අදායම් බදුවලින් නිදහස් කිරීමට පියවර.

2:34 PM -මසකට රුපියල් 4000ක ශිෂ්‍යාධාර වෘත්තීය අධ්‍යාපනය ලබන සිසුන් වෙත ලබාදීමට මුදල් වෙන්කෙරේ.

2:35 PM -වෘත්තීය අධ්‍යාපනය සඳහා බඳවාගන්නා සිසුන් ලක්ෂ දෙකක් දක්වා වැඩි කිරීමට පියවර.

2:34 PM -තොරතුරු තාක්ෂනය ඉංග්‍රීසි අධ්‍යාපනය කාර්මික දැනුම සහිත සිසුන් බිහි කිරීම ප්‍රධාන අරමුණක් වී තිබෙනවා.

2:34 PM -තරුණ තරුණියන් ආකර්ෂණය වන පරිදි තාක්ෂණ විද්‍යාල නවීකරණය කිරීමට පියවර.

2:33 PM -දරුවන්ගේ දුෂ්කරතා අවම කර දුෂ්කර පාසල් සඳහා රූපවාහිනී ලබාදීමට සහ ගුරුගෙදර අධ්‍යාපන සියලු සිසුන් වෙත ලබාදීමට පියවර.

2:32 PM -පාසල්වලට අන්තර්ජාල සේවා පුළුල් කිරීමට පියවර

2:31 PM -ළදරුවන් සහ ගැබිණි මව්වරුන් සඳහා ත්‍රිපෝෂ අඛණ්ඩව නොකඩවා ලබාදීමට පියවර.

2:30 PM -ත්‍රිපෝෂ නිෂ්පාදනය වැඩිකිරීමට රුපියල් මිලියන 1500ක අතිරේක ප්‍රතිපාදන.

2:30 PM -නවීන ආයෝජන කලාපයක් ආරම්භ කිරීමට පියවර.

2:29 PM -කොඩිඩ් රක්ෂණ යෝජනා ක්‍රමයක් පිහිටුවා ඉන් සියලු සේවකයන් ආවරණය කිරීමට පියවර.

2:28 PM -කොරෝනා වසංගත තත්ත්වය සමඟ දිවයින පුරා විහිදී ඇති සෞඛ්‍ය සේවා සපයන ස්ථාන කාර්ය මණ්ඩලය පුළුල් කිරීමට රුපියල් මිලියන 18000ක අතිරේක ප්‍රතිපාදන.

2:27 PM -පොදුජනතාවගේ සෞඛ්‍ය සඳහා කෙරන ආයෝජනය වැඩි කිරීමට පියවර.

02:27 PM -ප්‍රදේශ කිහිපයක තාක්ෂණික උද්‍යාන දියුණු කිරීමට පියවර

02:26 PM -තාක්ෂණික ව්‍යවසාය ආර්ථිකයක් ඉදිරි වසර දෙක තුල.

02:25 PM -දුරකථන සංවර්ධන ගාස්තුවලින් එම සේවා සංවර්ධනයට සියයට 50ක මුදලක් වෙන්කරයි.

02:24 PM -දුරකථන සැපයුම්කරුවන්ට සන්නිවේදන කුළුණු පහසුකම් වැඩිකිරීමට අවධානය යොමුකර තිබෙනවා.

02:23 PM -ගමට සන්නිවේදනය සඳහා ටෙලිකොම් සංවර්ධන අරමුදලට රුපියල් මිලියන 15000ක් වෙන්කෙරේ.

02:22 PM -තාක්ෂණික ව්‍යවසාය පුළුල් කිරීම සඳහා රුපියල් මිලියන 8000ක මුදලක් වෙන්කර තිබෙනවා. 

02:21 PM -පොලිස් මුර සංචාර කටයුතු පුළුල් කිරීමට සහ ආරක්ෂක රථ යෙදවීම සහ විශේෂ පියවර රැසක් සඳහා රුපියල් මිලියන 2500ක අතිරේක මුදලක් වෙන්කෙරේ.

02 :19 PM -රණවිරුවන් සඳහා පහසුකම් සැපයීමට රුපියල් මිලියන 750ක මුදලක් වෙන්කෙරේ.

02:18 PM -ධීවර ප්‍රජාව ආරක්ෂා කිරීමටත් ඉන්දියානු සාගරයේ ආරක්ෂාව සැපයීම සඳහා රජයේ විශේෂ අවධානය.

02:17 PM -ආයෝජන දිරිගැන්වීම් සඳහා අක්වේරළ සමාගම් සඳහා ගුදම් පහසුකම් සැපයීමේදී බදු සහන ලබාදීමට විශේෂ අවධානය.

02:17 PM -අපනයන වෙළඳපොළ ආයෝජන සඳහා වසර 10ක උපරිමයකට යටත් බදු සහනයක්.

02:16 PM -කොටස් වෙළඳපොලේ ලැයිස්තුගත සමාගම් සඳහා විශේෂ බදු සහනයක්.

02:16 PM -නිත්‍ය නිවාස වෙළඳපොළ දිරිගැන්වීමට අවශ්‍ය විශේෂ බදු අඩුකිරීමක්.

02:15 PM -පුද්ගලික ඉතිරිකිරීම් දිරිගැන්වීමට විශේෂ පියවර.

02:15 PM -සමෘද්ධිලාභීන්ට සමෘද්ධි ජීවිත ඉතිරිකිරීම් නම් නව ගිණුමක් විවෘත කර ඒවාට සමෘද්ධි ප්‍රධානයන් තැන්පත් කිරීමට පියවර.

02:14 PM -නීතිවිරෝධී උපදෙස් ලබාදෙන බදු උපදේශන සේවා අවලංගු කර හැකි නව නීතිමය ප්‍රතිපාදන හඳුන්වාදීමට තීරණය කරයි.

02:14 PM -මේ වනවිට භූ දේශපාලනික වශයෙන් අප රට ලොවටම වැදගත්කම වී තිබෙනවා.

02:13 PM -කොරෝනා ඇතුළු බෝ නොවන රෝගවලින් ජනතාව ආරක්ෂා කිරීම රජයේ ප්‍රධාන අරමුණයි.

02:13 PM -අධ්‍යාපන ක්‍රමය වෙනස්කරන ප්‍රතිසංස්කරණ සඳහා රජයේ ප්‍රමුඛ අවධානය.

02:12 PM -සමාජයේ ආරක්ෂාව රජයේ මූලික වගකීමක්.

02:12 PM -කෘෂිකර්මය මුල්කරගත් නිෂ්පාදන ආර්ථිකය ගොඩනැගීම රජයේ අරමුණ වී තිබෙනවා.

02:11 PM -බිම් මට්ටමේ කටයුතුවලට මුල්තැන දෙන ජනතා කේන්ද්‍රීය රාජ්‍ය සේවයක් අවශ්‍ය බව මේ වනවිට හඳුනාගෙන තිබෙනවා.

02:11 PM -පවත්නා නීති හා ආයතනික ව්‍යුහය ප්‍රතිසංස්කරණය විය යුතු බව මේ වනවිට හඳුනාගෙන තිබෙනවා.

02:10 PM -රජයේ වියදම සහ ආදායම අතර ඇති පරතරය සියයට 9 සිට 4 දක්වා අඩුකරගැනීම මූලික අරමුණක් වී තිබෙනවා.

02:10 PM -දේශීය නිෂ්පාදන වලට වටිනාකමක් එක්වන පරිදි අපනයන විවිධාංගීකරණය කිරීමට මූලික අවධානය.

02:09 PM -විදේශ ණය මගින් ක්‍රියාත්මක වැඩසටහන් දේශීය අවශ්‍යතාවලින් දුරස්ථ වී ඇති බවක් දැකිය හැකියි.

02:09 PM -විදේශ ණය අරමුදල් හඳුනාගත් සුවිශේෂී සංවර්ධන ව්‍යාපෘති සඳහා යොමුකිරීමට අවධානය යොමුව තිබෙනවා.

02:08 PM -තරුණ තරුණියන්ට නව ව්‍යාපාර ආරම්භ කිරීමට සහ ගොවිපොළ සංවර්ධන සඳහා මුදල් වෙන්කිරීමට කටයුතු කර තිබෙනවා.

02:08 PM -විදේශ ණය ප්‍රමාණය මිලියන 1600ක් පමණ වනවා.

02:07 PM -විදේශ සංවර්ධන ව්‍යාපෘතිවලදී කාර්යාල සහ විදේශ උපදේශක වියදම් අඩුකිරීමට අපේක්ෂාව වී තිබෙනවා.

02:07 PM - රජයේ වත්මන් බදු ප්‍රතිපත්තිය නොවෙනස්ව පවත්වාගෙන යාමට තීරණය.

02:06 PM - මත්පැන් දුම්වැටි සඳහා විශේෂ භාණ්ඩ සේවා බද්දක් පැනවීමට රජය තීරණය කරයි.

02:05 PM - තරුණ තරුණියන්ට නව ව්‍යාපාර ආරම්භ කිරීමට සහ ගොවිපොළ සංවර්ධන සඳහා මුදල් වෙන්කිරීමට කටයුතු කර තිබෙනවා.

02:05 PM - බැංකු හා මුල්‍ය පද්ධතිය ප්‍රතිසංස්කරණය කළ යුතුය. විදේශ ඉපැයිම් වැඩි කළ යුතුයි.

02:04 PM -විදේශ ණය ප්‍රමාණය මිලියන 1600ක් පමණ වනවා.

02:03 PM - විදේශ සංවර්ධන ව්‍යාපෘතිවලදී කාර්යාල සහ විදේශ උපදේශක වියදම් අඩුකිරීමට අපේක්ෂාව වී තිබෙනවා.

02:02 PM - නිදහස් සෞඛ්‍ය හා නිදහස් අධ්‍යාපනය තවදුරටත් පුළුල් කරනවා

02:02 PM - සියයට 6 ආර්ථික වර්ධන වේගයක් පවත්වාගෙන යාමට අපේක්ෂා කරනවා

01:53 PM - පවත්නා නීති සහ ආයතනික ව්‍යූහය ප්‍රතිසංස්කරණය විය යුතුයි

2021 වසර සඳහා වූ අය වැය ලබන නොවැම්බර් 17 වැනිදා පාර්ලිමේන්තුවට ඉදිරිපත් කරන බව මුදල් අමාත්‍යාංශ ලේකම් එස්.ආර්. ආටිගල මහතා ප්‍රකාශ කළේය.  

කොළඹ කොටුව පිහිටි මුදල් අමාත්‍යාංශයේ ඊයේ (30) දහවල් පැවති විශේෂ මාධ්‍ය හමුවට එක්වෙමින් අමාත්‍යාංශ ලේකම්වරයා මේ බව කියා සිටියේය.

ශ්‍රී ලංකා අය වැය ඉතිහාසයේ අය වැය ලේඛනයක් නොමැතිව මේ වසර රජයේ ආදායම් වියදම් සිදු වීම විශේෂත්වයකි.

එනමුත් මේ වසර සඳහා අතුරු සම්මත ගිණුම් මඟින් ආදායම් වියදම් වලට පාර්ලිමේන්තුවේ අනුමැතිය ලබාගැනීම සිදු කෙරිණි.

මේ වසරේ අය වැය හිඟය දළ දේශීය නිෂ්පාදිතයේ ප්‍රතිශතයක් ලෙස 9%ක් වනු ඇතැයි තමන් අපේක්ෂා කරන බව ද එනමුත් ලබන වසරේ අය වැය හිඟය කොතරම් අභියෝග හමුවේ වුව දළ දේශීය නිෂ්පාදිතයේ ප්‍රතිශතයක් ලෙස 4.5%ක් මට්ටමකට රඳවා ගැනීමට බලාපොරොත්තු වන බවද ආටිගල මහතා සඳහන් කළේය.

අගමැති හා මුදල් ඇමැතිවරයා ලෙස මහින්ද රාජපක්ෂ මහතා පාර්ලිමේන්තුවට අය වැය ඉදිරිපත් කරනු ඇත. ජනාධිපති‍ ගෝඨාභය රාජපක්ෂ මහතාගේ සෞභාග්‍යයේ දැක්ම ප්‍රතිපත්ති මාලාව තුළ ජනතා කේන්ද්‍රීය සංවර්ධනයත්, ජනතාවගේ ආර්ථික දියුණුවත්, සුබසාධනයත් සැලසෙන අතරම බිඳවැටී ඇති ව්‍යාපාර සහ ව්‍යාපාරික ක්ෂේත්‍රය නැවත බලගැන්වීම සඳහා වූ යෝජනා අය වැය තුළින් රජය ඉදිරිපත් කරනු ඇත.

මෝටර් රථ වාහන සඳහා අයකරනු ලබන බදු තවදුරටත් ඉහළ නැංවීමට මෙවර අයවැය 2019 තුළින් යෝජනා වී තිබේ. අදාළ අයවැය යෝජනාවෙහි මෙසේ සඳහන් වේ.

“මෝටර් රථ වාහන සඳහා වන නිෂ්පාදන බදු සහ සුඛෝපභෝගී වාහන ආනයන බදු 2019 මාර්තු 06 දා සිට බලපැවැත්වෙන පරිදි සංශෝධනය කරනවා. එසේ වුදව කුඩා එන්ජින් ධාරිතාවන් සහිත මෝටර් වාහන සඳහා මෙම සංශෝධනය මගින් ඉතා අවම බලපෑමක් සිදුවේ. මෙයට අතිරේක වශයෙන් වාහන ආනයනය සඳහා පනවා ඇති සියයට 200 ක ආන්තික මුදල් තැන්පතු නුදුරු අනාගතයේ දී ඉවත් කරනු ඇත.“

ඒ වාහන මිල ගණන පහත පරිදි සංශෝධනය වනු ඇත.

පෙට්‍රල් වාහන

සිලින්ඩර ධාරිතාව 800 ට අඩු පෙට්‍රල් වාහන සඳහා නිෂ්පාදන බද්ද රු. 150,000 කින් හා සිලින්ඩර ධාරිතාව 1000 ට අඩු පෙට්‍රල් වාහන සඳහා නිෂ්පාදන බද්ද රු. 175,000 කින්ද, සිලින්ඩර ධාරිතාව 1300 ට අඩු පෙට්‍රල් වාහන සඳහා නිෂ්පාදන බද්ද රු. 500,000 කින් ද වැඩි කෙරේ.

හයිබ්‍රිඩ් වාහන

සිලින්ඩර ධාරිතාව 800 ට අඩු දෙමුහුන් වාහන මත නිෂ්පාදන බද්ද රු. 250,000 කින් හා සිලින්ඩර ධාරිතාව 1500 ට අඩු දෙමුහුන් පෙට්‍රල් වාහන මත නිෂ්පාදන බද්ද රු. 500,000 කින්වැඩි කෙරේ.

විදුලි වාහන

කි.වො. 70 මෝටර් වාහන මත නිෂ්පාදන බද්ද රු. 175,000 අඩු කෙර්.

ත්‍රීරෝද රථ

සිලින්ඩර ධාරිතාව 200 ක් වන ත්‍රීරෝද රථ මක නිෂ්පාදන බද්ද රු. 60,000 වැඩි කරේ.

Page 1 of 2