May 15, 2021

ආණ්ඩුවේ පසුපෙළ මන්ත්‍රීවරු මහින්දව හමුවෙන්න තංගල්ලට යයි - ඇමැතිවරු තිදෙනෙකුත් ඒ අතර

කැවිලි පෙවිලි රැගෙන තංගල්ල කාල්ටන් නිවසට අවුරුදු නෑගම් පැමිණි ආණ්ඩු පක්ෂයේ පසුපෙළ මන්ත්‍රීවරුන් අග්‍රාමාත්‍ය මහින්ද රාජපක්ෂ මහතා විසින් ඊයේ (13) උදෑසන ඉතා සුහඳව පිළිගන්නා ලදි.

අග්‍රාමාත්‍ය මහින්ද රාජපක්ෂ මහතා ඇතුළු පවුලේ සැමට උදාවන සිංහල දෙමළ අලුත් අවුරුද්දට සුබ පැතුම් එක්කිරීම සඳහා ආණ්ඩු පක්ෂයේ පසුපෙළ මන්ත්‍රිවරු මෙලෙස කාල්ටන් නිවසට පැමිණ සිටියහ.

සිංහල සිරිතට මුල්තැන දෙමින් අලුත් අවුරුදු උදාව පවුලේ ඥාති හිත මිත්‍රාදීන් හා ගම් වැසියන් සමඟ සිය නිවසේ සිට සැමරීම අග්‍රාමාත්‍යවරයා ඇතුළු පවුලේ සාමාජිකයන්ගේ සිරිතකි.

නෑගම් පැමිණි ආණ්ඩු පක්ෂයේ පසුපෙළ මන්ත්‍රීවරුන් සමඟ සුහඳ කතා බහක නිරත වූ අග්‍රාමාත්‍ය මහින්ද රාජපක්ෂ මහතා මන්ත්‍රීවරුන්ට සහ ඔවුන්ගේ පවුලේ සමාජිකයන්ට මෙන්ම සමස්ත රට වැසියන්ටත් සුබ අලුත් අවුරුද්දක් වේවා යැයි ප්‍රාර්ථනා කළේය.

රාජ්‍ය අමාත්‍යවරුන්වන සුසිල් ප්‍රේමජයන්ත, ලොහාන් රත්වත්තේ, ජානක වක්කුඹුර මහත්වරු ද මෙම අවස්ථාවට එක්ව සිටියහ.

Rate this item
(0 votes)
Last modified on Thursday, 15 April 2021 09:21