January 15, 2021

අවුරුද්දකට වතාවක් අයවැයක් ඉදිරිපත් කල විට ආණ්ඩුව හා විපක්ෂය ඒ සම්බන්ධයෙන් වාද කර ගන්නා බව පාර්ලිමේන්තු මන්ත්‍රී ජනාධිපති නීතිඥ විජේදාස රාජපක්ෂ මහතා අයවැයට එක්වෙමින් ප්‍රකාශ කරන ලදී.

එම කරුණ තවදුරටත් විග්‍රහ කල රාජපක්ෂ මහතා හැම ආණ්ඩුවක්ම ප්‍රකාශ කරන්නේ තමන් ගෙන එන අයවැය මෙතෙක් ඉදිරිපත් කල හොඳම අයවැය බවත් විපක්ෂය ප්‍රකාශ කරන්නේ ආණ්ඩුව ඉදිරිපත් කර තිබෙන අයවැය ඉතිහාසයේ ගෙන එන ලද දුර්වලම අයවැය බවය.

මේ තර්කය තුල සිටිමින් ආණ්ඩුව හා විපක්ෂය පසුගිය දින තුල පාර්ලිමේන්තුවේදී විවාද කර ගත් බවත් මන්ත්‍රීවරයා පෙන්වා දෙයි.

එහෙත් අයවැය විවාදයකදී බලාපොරොත්තු වන්නේ එය නොවන බව පෙන්වා දෙන රාජපක්ෂ මහතා අයවැය ආණ්ඩුවේ ප්‍රශ්නයක් බවට ලගු කිරීමෙන් ඊට විසඳුම් සෙවිය නොහැකි බවද සඳහන් කරයි.

20 වන ආණ්ඩුක්‍රම ව්‍යවස්ථා සංශෝධනයට එරෙහිව හඬ නගා ඊට පක්ෂව ජන්දය දුන් විජේදාස රාජපක්ෂ මහතා මසක පමණ නිහඩතාවය බිඳ හෙලමින් අයවැය විවාදයට එක්වෙමින් මෙම අදහස් පාර්ලිමේන්තුවේදී පළ කරන ලදී.

මහජන පරමාධිපත්‍යයට ගරු කරන මන්ත්‍රීවරයකුට හෘද සාක්ෂියට එකඟ ව 20 වන සංශෝධනයට පක්ෂ ව ඡන්දය දීම කළ හැකි ද යන්න පිළිබඳ ව තමන්ට බරපතළ ප්‍රශ්නයක් මතුව ඇතැයි පාර්ලිමේන්තු මන්ත්‍රී ආචාර්ය විජයදාස රාජපක්ෂ මහතා පවසයි.

ඒ මහතා පෙන්වා දෙන්නේ 20 වන සංශෝධනයට පක්ෂ ව ඡන්දයදීම මගින් මන්ත්‍රීවරුන් ආණ්ඩුක්‍රම ව්‍යවස්ථාව අනුගමනය කර ආරක්ෂා කරන බවට දෙන ලද ප්‍රතිඥාව / දිවුරුම උල්ලංඝනය කිරීමක් ද සිදුවනු ඇති බවට පෙනෙන්නට ඇති බවයි.

මෙම කරුණු ඇතුළත් සවිස්තරාත්මක ලිපියක් පාර්ලිමේන්තු මන්ත්‍රී විජයදාස රාජපක්ෂ මහතා විසින් ජනාධිපති ගෝඨාභය රාජපක්ෂ මහතා වෙත යොමු කර තිබේ.

එම ලිපිය පහතින් වේ….