November 24, 2020

එක්සත් ජාතික පක්ෂ නායක රනිල් වික්‍රමසිංහ මහතාට එරෙහිව කැරලි 12ක් පැමිණි බවත් ඒ සෑම කැරැල්ලකින්ම වික්‍රමසිංහ මහතාව බේරා ගත්තේ තමන් බව හිටපු අමාත්‍ය වජිර අබේවර්ධන මහතා ප්‍රථම වතාවට හෙළිදරව් කර තිබේ.

ඒ සෑම කැරැල්ලක් මැඩ පැවැත්වූයේ තමන් බවත් ඒ සෑම කැරැල්ල පිළිබඳවම තොරතුරු තමා ළඟ අදටත් තිබෙන බවද අබේවර්ධන මහතා අවධාරණය කරයි.

එක්සත් ජාතික පක්ෂයේ නියෝජ්‍ය නායකකම්, උප නායකකම් ඇති කළේ හුදෙක් එම කැරලි මර්දනය කිරීමේ පටු අරමුණින් බවද අබේවර්ධන මහතා පෙන්වා දෙයි.

පක්ෂයට අනවශ්‍ය මෙම නියෝජ්‍ය නායක හා උප නායකකම් අහෝසි කරන ලෙස වරක් තමන් ඇතුළු පිරිසක් කෘත්‍යාධිකාරී මණ්ඩලයේ යෝජනාවක් සම්මත කර ඊට විසඳුම් ලබා දුන්න ද පසු කාලීනව යළිත් එම තනතුරු ඇති කිරීම පක්ෂයේ හානියට හේතු වූ බවද අබේවර්ධන මහතා වැඩිදුරටත් සඳහන් කරයි.

රුවන් විජේවර්ධන මහතා එක්සත් ජාතික පක්ෂයේ නියෝජ්‍ය නායකත්වයට පත්වූ රැස්වීමෙන් පසුව ඔහු හා පක්ෂ නායක රනිල් වික්‍රමසිංහ මහතා අතර කිසිදු හමු වීමක් සිදුව නොමැති බව ආරංචි මාර්ග සඳහන් කරයි.

එහිදී නියෝජ්‍ය නායක තරඟයට රවි කරුණානායක මහතා රුවන් විජේවර්ධන මහතාට එරෙහිව ඉදිරිපත් වූ අතර ඡන්ද 28ට 10ක් ලෙස ලබා ගනිමින් විජේවර්ධන මහතා ජයග්‍රහණය කරන ලදී.

එම ඡන්දය පෙර රවි කරුණානායක මහතා නියෝජ්‍ය නායක ධුරය සම්බන්ධයෙන් රනිල් වික්‍රමසිංහ මහතා අමතා කළ ප්‍රකාශය මෙසේ ය.

''දැන් වසර විසි ගණන් ඔබතුමා සමග මම වැඩ කටයුතු කරලා තියෙනවා. මේ පක්ෂයේ උප නායකයා හැටියට දීර්ඝ කාලයක් වැඩ කරලා තියෙනවා. දැන් එතනදී අමුතුවෙන් නියෝජ්‍ය නායකයෙක් හොයන්න අවශ්‍ය වෙන්නේ නැහැ. මම ඒ ධූරයේ හිටපු නිසා ඒ ධූරයට කිසිම ප්‍රශ්නයක් නැතුව ඔබතුමා ඒකමතිකව මාව පත් කරාවි කියන එකයි මගේ විශ්වාසය."

''මොකද නායකත්වය ගැන ප්‍රශ්නය ආවහම මම කිව්වා මම නායකත්වය සහා ඉදිරිපත් වෙන්නේ නෑ කියලා. මොකද ආගම්, ජාති, කුල ප්‍රශ්න මතුවුණ නිසා. කෙසේ හෝ මේක මට අයිතියි, ප්‍රශ්නයක් ඇතිවෙන්නේ නැහැ. ඒ අනුව ක්‍රියා කළොත් හොඳයි."

එහෙත් එම ප්‍රකාශය පිළිබඳ කිසිදු තැකීමක් නොකළ වික්‍රමසිංහ මහතා පක්ෂයේ නියෝජ්‍ය නායක ධුරයට ජන්දයන් කැඳවීම පිළිබඳව සිය අප්‍රසාදය කරුණානායක මහතා කිහිප ස්ථානයකදීම පළ කර තිබෙන බවද දැනගන්නට තිබේ.

රනිල් වික්‍රමසිංහ මහතා පිළිබඳව තමා තුළ තිබූ ගරුත්වය සම්පූර්ණයෙන්ම නැති වූ බවද එහිදී කරුණානායක මහතා ප්‍රකාශ කොට තිබෙන බවද වාර්තා වේ.

මේ වර්ෂයේ අග හෝ ලබන වර්ෂය මුල දැනට එක්සත් ජාතික පක්ෂයේ නියෝජ්‍ය නායකධුරය දරන රුවන් විජේවර්ධන මහතා පක්ෂයේ නායකත්වයට පත් කිරීමෙන් පසු පක්ෂය ගොඩ නැගීමට ඔහුට සහාය දීම සඳහා පත් කළ යුතු කණ්ඩායම් පිළිබඳව ද පක්ෂ නායක රනිල් වික්‍රමසිංහ මහතා තුළ පැහැදිලි සැලැස්මක් තිබෙන බව සිරිකොත ආරංචි මාර්ග සඳහන් කරයි.

ඒ අනුව රුවන් විජේවර්ධන මහතා පක්ෂ නායකයා ලෙස පත් වීමෙන් පසු පුරප්පාඩු වන නියෝජ්‍ය නායක ධුරයට අකිල විරාජ් කාරියවසම් මහතාවද කාරියවසම් මහතා එම තනතුරට පත් කිරීමෙන් පුරප්පාඩු වන මහලේකම් ධූරය සඳහා සාගල රත්නායක මහතාවද පත්කිරීම වික්‍රමසිංහ මහතාගේ සැලැස්ම වෙයි.

සාගල රත්නායක මහතා බොහෝ කලක සිට පක්ෂ මහලේකම් ධූරය බලාපොරොත්තුවෙන් සිටින බව ප්‍රකට කරුණකි.

මෙම පත්කිරීම් සඳහා පක්ෂ කෘත්‍යාධිකාරී මණ්ඩලයේ දැනට සිටින සාමාජිකයින් හතළිස් දෙනාගෙන් බහුතරයකගේ කැමැත්ත අවශ්‍ය වන අතර එම කැමැත්ත ලබා ගැනීමේ ගැටලුවක් වික්‍රමසිංහ මහතාට නොමැති බවද සිරිකොත ආරංචි මාර්ග වැඩිදුරටත් සඳහන් කරයි.

එක්සත් ජාතික පක්ෂ කෘත්‍යාධිකාරි මණ්ඩලයේ බහුතරයක් පත් කරනු ලබන්නේ පක්ෂ නායකයා විසිනි.

මේ වන විට පාර්ලිමේන්තුවේ සභාගත කර තිබෙන විසි වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පතට එරෙහිව දියත් කෙරෙන විරෝධතාවලට රනිල් වික්‍රමසිංහ මහතා නායකත්වය දෙන එක්සත් ජාතික පක්ෂය සම්බන්ධ කර නොගැනීමට සමගි ජන බලවේගය තීරණය කොට තිබෙන බැව් එහි ප්‍රකාශකයෙක් ඒෂියන් මිරර් වෙත ප්‍රකාශ කරන ලදී.

මහ මැතිවරණයේදී එක්සත් ජාතික පක්ෂයට අන්ත පරාජයක් අත් වූයේ රනිල් වික්‍රමසිංහ මහතා ගේ නායකත්වය නිසා බවට රට තුළ ජන මතයක් ගොඩ නැගී තිබෙන බැවින් ඔහු සමඟ එක්ව දේශපාලන කටයුතුවල නියැළීම සමගි ජන බලවේගයට අවාසිදායක බවට පක්ෂය තීන්දුවක් ගෙන තිබෙන බවද එම ප්‍රකාශකයා වැඩිදුරටත් සඳහන් කරයි.

අනාගතයේ දී වෙනත් නායකයෙකු යටතේ වුව ද එක්සත් ජාතික පක්ෂය සමඟ ගනුදෙනු කිරීමේදී එය ඉතා ප්‍රවේශමෙන් කළ යුතු බවද එම ප්‍රකාශකයා වැඩිදුරටත් සඳහන් කරයි.

රටේ වත්මන් ආර්ථික තත්වය සම්බන්ධයෙන් පැහැදිලි කරමින් හිටපු අග්‍රාමාත්‍ය, එක්සත් ජාතික පක්ෂයේ නායක රනිල් වික්‍රමසිංහ මහතා විසින් ප්‍රකාශයක් නිකුත් කර තිබේ. 

"කොරෝනා වසංගතය මුළු මහත් ලෝකයේම ආර්ථිකයට දැඩි ලෙස බලපෑම් කර තිබෙනවා. දැනට කර ඇති පුරෝකථන අනුව ඉදිරියේදී ලෝක ආර්ථික වර්ධනය 3%ක සෘණ අගයක් ගන්නවා. ලංකාවේ තත්වයත් එසේමයි. අපේ ඇඟළුම් කර්මාන්තයෙන් ලැබෙන ආදායම 60%කින් පහත වැටෙනවා. සංචාරක කර්මාන්තයෙන් ආදායම් ලැබෙන්නෙ නෑ. විදේශ රැකියා ආදායම් 20%කින් අඩුවෙනවා. විදේශ විනිමය ආදායම හොඳටම පහත වැටෙනවා.  අනෙක් අතින් රජයේ ආදායම් අඩුවෙලා. ඒ අතර ආණ්ඩුව විසින් ගත් යම් යම් ප්‍රතිපත්ති තීරණ නිසා රජයේ ආදායම් තවත් පහළ වැටෙමින් යනවා. මේ නිසා අපේ ආර්ථික වර්ධනය සෘණ 3.50ක් පමණ වනු ඇතැයි අපේක්ෂා කරනවා.  ඒ අතරතුර ආනයන තහංචි පැනවීම රටේ ආර්ථිකයට අහිතකර ලෙස බලපා තිබෙනවා. අපේ සිල්ලර වෙළඳාමෙන් සැලකිය යුතු ප්‍රතිශතයක් රඳා පවතින්නේ ආනයනික භාණ්ඩ මතයි. ඒවගේම ස්වදේශීය කර්මාන්ත ගණනාවක් තමන්ගේ නිෂ්පාදන අමුද්‍රව්‍ය ලෙස ආනයනික අමුද්‍රව්‍ය පාවිච්චි කරනවා.  ඒ සියල්ල මැද රුපියල් බිලියන 200ක මුදල් අච්චු ගසා වෙළඳපොලට නිකුත් කර තිබෙනවා. ආර්ථික වර්ධනය සෘණ අගයක් තියෙද්දී මුදල් අච්චු ගැසීමෙන් ඇතිවෙන්නේ ඉතා අහිතකර ප්‍රතිඵලයක්. "

"පසුගිය දිනවල රටබීම හල් ඉදිරිපිට තිබුණු පෝලිම් ගැන මාධ්‍ය ප්‍රවෘත්ති මැව්වාට දිගම පෝලිම තිබුණේ එතන නොවෙයි, උකස් බඩු කඩේ ඉදිරිපිටයි. ලොතරැයිපත් අලෙවි කරන්නාගේ සිට ත්‍රිරොද රථ රියදුරා දක්වාත් කම්කරුවාගේ සිට කලාකරුවාත් දෛනික ආදායමෙන් යැපෙන අය, ස්වයං රැකියා කරන අය අද අසරණ තත්වයකට පත්වෙලා. පුද්ගලික අංශයේ රැකියා ගණනාවක් අස්ථාවර වෙලා. අඩු තරමින් රැකියා ලක්ෂ 5ක් පමණ අහිමි වන බව පෙනෙනවා. දැනට ක්‍රියාත්මක කරන මේ පැලැස්තර විසඳුම් මඟින් අර්බුදය තවතවත් මෝරනවා මිස ලිහිල් වෙන්නේ නෑ. ආර්ථිකය ශක්තිමත් කිරීමේ හැකියාවක් ඇති දේශීය ක්ෂේත්‍ර ගණනාවක් කඩාවැටෙමින් පවතිනවා. මේ ක්ෂේත්‍රයන් ආරක්ෂා කරගැනීම සඳහා පිළිවෙතක් සැකසිය යුතුයි. ලෝකයේ බොහෝ රටවල් මේ ක්ෂේත්‍ර ආරක්ෂා කරගැනීම සඳහා විශාල වශයෙන් මුදල් වෙන්කර තිබෙනවා. බොහෝ රටවල් දළ දේශීය නිෂ්පාදනයෙන් 10%ක් පමණ මේ සඳහා යෙදවීමට ක්‍රියා කරගෙන යනවා. නමුත් කණගාටුවට අපේ රටේ වෙන්කර ඇත්තේ 2%ක පමණ ඉතා සුළු මුදලක්. එමඟින් ප්‍රතිඵලයක් අත්වන්නේ නෑ. මේ ක්ෂේත්‍ර කඩා නොවැටී පැවතීමට පියවර ගන්නේ නැතිනම් තවත් අවුරුදු ගණනාවකට අපේ රටට හිස් ඔසවන්නට ලැබෙන්නේ නෑ" යනුවෙන් ඒ මහතා සඳහන් කළේය. 

එක්සත් ජාතික පක්ෂයේ නායකයාගෙන් ඉවත් වූයේ ඒ සඳහා බලපෑ කරුණු ගණනාවක් තිබූ හෙයින් වන අතර නැවත එම උරචක්‍රමාලය බෙල්ලේ එල්ලා ගෙන ජනතා අප්‍රසාදයට පත් වීමට අවශ්‍ය නොමැති බව හිටපු පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා මහතා අවධාරණය කරයි.

ඒ අනුව එක්සත් ජාතික පක්ෂය සමඟ සමඟි ජන බලවේගය කිසිලෙසකින්වත් එකතු නොවන බව ෆොන්සේකා මහතා පවසයි.

විපක්ෂය ලෙස මැතිවරණය කල් දමා ගැනීමට උත්සහ කරන්නේ එක්සත් ජාතික පක්ෂය හා සමඟි ජන බලවේගය නැවත එකතු වීමට යන ප්‍රචාර සම්පූර්ණයෙන් අසත්‍ය බව ඔහු සඳහන් කරයි.

එක්සත් ජාතික පක්ෂය සමඟ එකතු වී මැතිවරණයෙන් අතු ගෑවී යාමට හෝ ආණ්ඩුවක් කරගෙන යාමට නොහැකි තත්ත්වයට පත්වීමට හෝ එවැනි අසාර්ථක රාජ්‍ය පාලනයක් කිරීමට අවශ්‍ය නොමැති බවද ඔහු කියා සිටියි.

රාජිත සේනාරත්න මහතාගේ අත්අඩංගුවට ගැනීම දේශපාලන පළිගැනීමක් බවද සරත් ෆොන්සේකා මහතා  පවසන අතර එම සිදුවීම රටේ කිසිදු පුද්ගලයෙකුට වැදගත් දෙයක් නොවන අතර, රටේ අනාගතයට හෝ වර්තමානයට ද වැදගත් ප්‍රශ්නයක් නොවන බව ඔහු පෙන්වා දෙයි.

එක්සත් ජාතික පෙරමුණු රජයේ හිටපු අමාත්‍යවරයෙකු මෙන්ම එක්සත් ජාතික පක්ෂ නායක රනිල් වික්‍රමසිංහ මහතාගේ ඉතාම සමීපතමයෙකු වන සාගල රත්නායක මහතාට මෙවර ජාතික ලයිස්තුව මෙන්ම මාතර දිස්ත්‍රික් නාමයෝජනා ලැයිස්තුව ද අහිමි වී තිබේ.

මාතර දිස්ත්‍රික්කයෙන් එක්සත් ජාතික පක්ෂය යටතේ තරඟ කිරීමට සාගල රත්නායක මහතා අකමැත්තක් දක්වා ඇති අතර ඒ වෙනුවට ඔහු ජාතික ලැයිස්තු මන්ත්‍රී ධුරයක් බලාපොරොත්තු වී තිබේ.

එක්සත් ජාතික පක්ෂ ජාතික ලැයිස්තුවේ සිටින සෙසු අපේක්ෂකයන් එයට දැඩි විරෝධයක් දක්වා ඇති අතර සාගල රත්නායක මහතා ජාතික ලැයිස්තුවට ඇතුළත් කරන්නේ නම් තමන් එම ලැයිස්තුවෙන් ඉවත් වන බවට පක්ෂ නායකයින්ට දැනුම්දී තිබේ .

ඉන්පසු අවසාන මොහොතේ මාතර දිස්ත්‍රික් එක්සත් ජාතික පක්ෂ අපේක්ෂක ලැයිස්තුවේ අපේක්ෂකත්වය රත්නායක මහතාට ලබාදීමට උත්සාහ කළද ඒ වන විට එම ලැයිස්තුව වෙනස් කිරීමට නොහැකි තත්වයක් උදා වී තිබේ.

එක්සත් ජාතික පක්ෂ නායක රනිල් වික්‍රමසිංහ දැන් දැන් ඒ කියන්නේ ජනාධිපතිවරණයෙන් පස්සේ කියන්නේ අමුතු කතාය. මේ කතා අහද්දි රනිල්ගේ මීටර් දැන් අවුට් ද කියා සිතෙන තරම්ය.

මම භාරගත්තේ උතුරු නැගෙනහිර ඡන්ද ටික පමණක් කියා මුලින්ම කීවේය. මේක අහපු පක්ෂයේ අයට යකා නැග්ගේය. පක්ෂ නායකයෙකු මැතිවරණයකදී රටේ කොටසක් පමණක් බලා ගැනීමට බාර ගත්තා කියන්නේ ඒ නායකයාගේ තියෙන දුර්වලකම නිසාය.එසේ කියන්නේ සමස්ත පරාජයේ වගකීමෙන් මිදීමේ අවශ්‍යතාවය නිසාය.

ඊළඟට ඉස්මතු කිරීමට බලාපොරොත්තු වන කරුණට පදනම වන්නේ ද ඔහු ඔය ආකාරයට කියපු තවත් කතාවකි. රනිල් මේ මෑතකදී තවත් මේ ආකාරයෙන්ම අපූරු කතාවක් කීවේය. ඒ පක්ෂයේ සිංහල බෞද්ධ පදනම ගිලිහි ඇති බවයි. ඒ ගැන සොයා බැලිය යුතු බවයි.

රනිල් තමන් බලා ගත්තා කියන උතුරු නැගෙනහිර අති බහුතරය දෙමළ හා මුස්ලිම් ජනතාවය. එජාප නායකයා මේ සුළු ජාතීන්ගේ ඡන්ද බලාගන්නේ නම් රටේ අන් පළාත් හතේ බහුතරය වන මහජාතියේ එනම් සිංහල ජාතියේ ඡන්ද බලා ගැනීමට ප්‍රතිවාදියකුට අවස්ථාව උදාවනු ඇත. එය ඒ ආකාරයෙන්ම ජනාධිපතිවරණයේ දී සිදුවිය. මහජාතියේ ඡන්ද ගෙඩිය පිටින්ම ගෝඨාභය රාජපක්ෂට හිමිවිය. එය සිංහල බෞද්ධය කියනවාට වඩා සිංහල ඡන්ද යැයි කීම නිවැරදිය. මන්ද කතෝලික ඡන්දද ගොඩ පිටින්ම ගෝඨාභය රාජපක්ෂට හිමිවීම නිසාය. ඒ අනුව රනිල්ගේ සොයා බැලීම වන එජාපයට සිංහල බෞද්ධ ඡන්ද නැති වූයේ ඇයි ද යන්න එජාපයට සිංහල ඡන්ද නැති වූයේ ඇයි ද සංශෝධනය විය යුතුය.

මෙවර ජනාධිපතිවරණයේදී දල වශයෙන් සිංහල ඡන්ද ප්‍රමාණය ලියාපදිංචි ඡන්ද ප්‍රමාණයෙන් 78%ක් පමණ විය. ඊට සිංහල බෞද්ධ ඡන්ද 70%ක්  පමණත් කතෝලික ඡන්ද 8% ක් පමණක් ඇතුළත් වේ. මෙම සිංහල ඡන්ද සංඛ්‍යාවෙන් 67%ක් තුනෙන් දෙකකට වඩා වැඩි ප්‍රමාණයක් ගෝඨාභය රාජපක්ෂට හිමිවිය. ඉතිරි තුනෙන් එක ප්‍රමාණය සජිත් ප්‍රේමදාස, අනුර කුමාර දිසානායක හා අන් අපේක්ෂකයන් අතර බෙදී ගියේය. ඒ අනුව බලද්දි සජිත් ප්‍රේමදාසට 28%ත් 30%ත් අතර සිංහල ඡන්ද ප්‍රමාණයක් ලැබුණු බව පෙනෙන්නට තිබේ.

රනිල් බලාගත්ත උතුරු-නැගෙනහිර සුළු ජාතික ඡන්ද වලින් සියයට 80 කට වැඩි ප්‍රමාණයක් සජිත් ප්‍රේමදාසට ලැබිණි. එනම් පහෙන් හතරකටත් වඩා වැඩි ප්‍රමාණයකි. එය එසේ වන බව දකුණේ සිංහල ජනතාව දැන සිටියේය. එම දැනුවත්භාවය ජනාධිපතිවරණයේදී ගෝඨාභයගේ ඡන්ද බවට පෙරළිණි.

මීට වසරකට පමණ පෙර එජාප ජාතික සංවිධායක නවීන් දිසානායක ද පක්ෂයේ සිංහල බෞද්ධ පදනම පිරිහී ඇති බව ප්‍රසිද්ධියේම කීවේය. ඊට පිළියම් සෙවිය යුතු බව ද කීවේය. ඔහු එය කිහිප වතාවක් ප්‍රකාශ කළද සජිත් ප්‍රේමදාස ඇතුළු පක්ෂයේ වගකිව යුතු කිසිවෙක් එය තැකීමකට ලක් නොකළේ ය. ඔවුන් කොහොමත් සිතුවේ  එක්සත් ජාතික පක්ෂයට තිබෙන සිංහල ඡන්ද ටිකෙන් හා සුළු ජාතික ඡන්ද බහුතරයෙන් ගොඩ යා හැකි බවය.

එක්සත් ජාතික පක්ෂය බලාපොරොත්තු නොවූ දෙයක් ද සිදු විය. ඒ 8%ක් පමණ වන සිංහල කතෝලික ඡන්දවල හැසිරීමය. විශේෂයෙන්ම ගම්පහ සහ පුත්තලම දිස්ත්රික්කවල බහුලව ජීවත්වන කතෝලිකයන්ගේ 6% කට වඩා වැඩි ඡන්ද ප්‍රමාණයක් මීට පෙර ලැබුණේ එක්සත් ජාතික පක්ෂයටය. එහෙත් අප්‍රේල් 21 ඉරු දින සිදු වූ පාස්කු ප්‍රහාරයෙන් පසු ඊට එවකට පැවති එක්සත් ජාතික පෙරමුණු රජය වගකිව යුතු බවට කතෝලිකයන් තුළ ඇතිවූ මතය මත ඔවුන් රාජපක්ෂ කඳවුරට නැඹුරු වූයේ ඉදිරියේදී තම ආරක්ෂාව සුරක්ෂිත කරගැනීමේ විශ්වාසය මතය.

එක්සත් ජාතික පක්ෂයේ සිංහල බෞද්ධ ඡන්ද පදනම නැතිවීම සොයා බැලීමට රනිල් කොමිටි දැමිය යුතු නැත. ඔහු කළ යුත්තේ කන්නාඩියක් ඉදිරියට ගොස් බැලීමය. එවිට එක්සත් ජාතික පක්ෂයේ සිංහල බෞද්ධ ඡන්ද පදනම නැති කරනු ලැබුවේ අන් කවුරුත් නොව තමන්ම බව ඔහුට වැටෙනු ඇත.

රනිල් වික්‍රමසිංහ මීට හරියටම වසර විසිපහකට පමණ පෙර එක්සත් ජාතික පක්ෂ නායකත්වය භාර ගනු ලැබුවේ හොඳ සිංහල බෞද්ධයකු මෙන්ම අහිංසක ගැමියකු වූ ඩිංගිරි බණ්ඩා විජේතුංග ජනාධිපතිවරයාගෙනි. ඔහු රෙද්ද බැනියම අඳි ගමේකමසිය ජිවන රටාවෙන්ම පෙන්නුම් කල පොළොවේ පයගසා ජීවත් වූ මිනිසෙකි. එදා පටන් ගෙවුණු වසර 25 තුළ රනිල් කළේ සිංහලයින් අමතක කොට සුළු ජාතිකයින් වන්දනාමාන කිරීමය. හිටපු ජනාධිපතිනිය වූ චන්ද්‍රිකා කුමාරතුංග බණ්ඩාරනායකට ද රනිල්ගේ සිංහල විරෝධී ලෙඩේ වැල දී තිබුණේය. ඇයද සිංහලයින්ට රිදවීමට නොයෙක් දේ කලේය. එහෙත් ඇය සීමාව ඉක්ම වූයේ නැත. එසේ වුවද චන්ද්‍රිකාගේ මෙම ක්‍රියාකලාපය මත එදා රනිල්ට යම් ප්‍රමාණයක සිංහල ඡන්ද ප්‍රමාණයක් දිනා ගැනීමේ හැකියාව තිබිණි. එහෙත් චන්ද්‍රිකා ගෙන් පසු බලයට පැමිණි මහින්ද රාජපක්ෂ ඉතා පැහැදිලිව ම සිංහල බෞද්ධ ඡන්ද පදනම මත පිහිටා කටයුතු කිරීම නිසා එක්සත් ජාතික පක්ෂයේ සිංහල ඡන්ද පදනම බිද වැටෙන්නට විය. ඊට ප්‍රතිචාරයක් දැක්වීමට සුළු ජාතිකයින් මත යැපෙන රනිල්ට හැකියාවක් නොතිබිණි.

2015 බලයට පත් එක්සත් ජාතික පෙරමුණු ආණ්ඩුව සිය ධූර කාලය තුළ කටයුතු කළේ සම්පූර්ණයෙන්ම සිංහල අභිලාෂයන්ට එරෙහිවය. උතුරු නැගෙනහිරට ෆෙඩරල් හා සමාන බලයක් ලබා දීමට නව ව්‍යවස්ථාවක් ගෙන ඒමට රනිල් වික්‍රමසිංහ නොගත් උත්සාහයක් නැත. ජනාධිපතිවරණ මැතිවරණ ව්‍යාපාරයේ දී ද ඒ පිළිබඳව ප්‍රකාශයට පත්විය. එමෙන්ම පැවති රජය අන්තවාදී බෙදුම්වාදී දෙමළ ජාතික සන්ධානයේ සහය මත දෙවතාවක්ම තමන්ට එරෙහිව ආ විශ්වාසභංග යෝජනා දෙකකින් ගොඩවිය. ඉන් එකක් රනිල්ට එරෙහිවය. පසුගිය ජනාධිපතිවරණයේදී දුවන අශ්වයා සජිත් වුවද අශ්වයා පදවන ජොකියා රනිල් බව මේ රටේ සිංහල ජනතාව දැනගෙන සිටියේය. සජිත් දින්නොත් අනිවාර්යයෙන්ම රනිල්ගේ බලපෑම් මත උතුරු නැගෙනහිර එකට එක්කොට ඊට උපරිම බලය බෙදීමක් ලබා දෙන බව මේ රටේ සිංහල ජනතාව ඉවෙන් මෙන් දැනගෙන සිටියේය.

තව මාස තුනකින් පමණ මහ මැතිවරණයක් පැවැත්වීමට නියමිතය. ඊට රනිල් වික්‍රමසිංහ නායකත්වය ලබා දුන්හොත් එක්සත් ජාතික පක්ෂයේ සිංහල ඡන්ද පදනම තවත් පිරිහෙනු ඇත. එක්සත් ජාතික පක්ෂයේ බිම් මට්ටමේ පාක්ෂිකයාගේ සිට පාර්ලිමේන්තුව නියෝජනය කරන්න මහජන නියෝජිතයා දක්වා ඒ බව හොඳාකාරව ම අවබෝධ කරගෙන තිබේ. එහෙත් එක්සත් ජාතික පක්ෂයේ සිංහල බෞද්ධ ඡන්ද පදනම නැතිවීමට පරහට සිටින්නේ තමන් බව රනිල් වික්‍රමසිංහට අවබෝධ නොවීම හෝ උවමනාවෙන්ම අවබෝධ කර නොගැනීම පාක්ෂිකයන්ගේ මෙන්ම මහජන නියෝජිතයන්ගේ ද කරුමයකි.

(මංජුල බටුගෙදර)

පොදුජන පෙරමුණු ජනපති අපේක්ෂක ගෝඨාභය රාජපක්ෂ මහතාට සහය දීම සඳහා අග්‍රාමාත්‍ය රනිල් වික්‍රමසිංහ මහතාට ඉතාමත්ම සමීප ඇමතිවරයෙකු පැමිණෙන බවට විපක්ෂ නායක මහින්ද රාජපක්ෂ මහතා නිරන්තරයෙන් කරන ප්‍රකාශය පිළිබඳව සමාජයේ දැඩි අවධානයක් යොමු වී තිබේ.

එම අමාත්‍යවරයා වන්නේ රනිල් වික්‍රමසිංහ මහතාට ඉතාමත් කිට්ටු වරාය සහ දක්ෂිණ සංවර්ධන අමාත්‍ය සාගල රත්නායක මහතා බවට තොරතුරු ඒෂියන් මිරර් වෙත වාර්තා වේ.

නව ප්‍රජාතන්ත්‍රවාදී පෙරමුණේ ජනපති අපේක්ෂක සජිත් ප්‍රේමදාස මහතාගේ මැතිවරණ කටයුතු සඳහා සාගල රත්නායක මහතා මේ වන තුරුත් කිසිදු සක්‍රීය දායකත්වයක් සපයා නොමැත. 

සජිත් ප්‍රේමදාස මහතාට අපේක්ෂකත්වය දීමට රනිල් වික්‍රමසිංහ මහතා එකඟවීම පිළිබඳව සාගල රත්නායක මහතා සිටින්නේ දැඩි කළ කිරීමකිනි. 

මාතර දිස්ත්‍රික්කය නියෝජනය කරන එක්සත් ජාතික පක්ෂය නියෝජනය කරන පාර්ලිමේන්තු මන්ත්‍රීවරුන් තිදෙනාගෙන් සාගල රත්නායක මහතා එක් අයෙකු වන අතර අන් දෙදෙනා වන මංගල සමරවීර සහ බුද්ධික පතිරණ යන මහත්වරුන් සජිත් ප්‍රේමදාස මහතාගේ ජයග්‍රහණය වෙනුවෙන් කැප වීමෙන් කටයුතු කරන බව දකින්නට තිබේ. මේ නිසා යම් හෙයකින් සජිත් ප්‍රේමදාස මහතා ජයග්‍රහණය කළ හොත් තමන්ගේ දේශපාලන අනාගතය දැඩි බලපෑමකට ලක් වන බැවින් සාගල රත්නායක මහතා ගෝඨාභය රාජපක්ෂ මහතාට සහය දීමට සූදානමින් සිටින බව වාර්තා වේ. 

ජනතාව නොමැති කමින් නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස මහතා ඇල්පිටිය ප්‍රාදේශීය සභා ජන්දයේ රැස්වීම් හතරක් පමණක් අමතා යළිත් කොළඹ බලා පැමිණි බව ඒෂියන් මිරර් වෙත වාර්තා වේ. 

ඇල්පිටිය පළාත් පාලන මැතිවරණය සඳහා කොට්ඨාශ 17ම විනාඩි 30 බැගින් රැස්වීම් ඇමතීමට සජිත් ප්‍රේමදාස මහතා සැලසුම් කර තිබුණමුත් රැස්වීම් 4ක් පමණක් අමතා ඔහු එම මැතිවරණ ව්‍යාපාරය නතර කර තිබේ. 

එදිනම රනිල් වික්‍රමසිංහ මහතා ද ඇල්පිටිය රැස්වීම් ඇමතීමට නියමිතව තිබුන අතර සවස 3.30ට පමණ සිය හෙලිකොප්ටර් යානය ඇල්පිටිය බලා පිටත්ව  යාමට නියමිතව තිබු අතර සවස 3.00ට පමණ ජනතාව නොමැති කමින් රැස්වීමට නොපැමිණෙන ලෙස සංවිධායකවරුන් අග්‍රාමාත්‍ය වරයාට දැනුම් දී ඇත.

එම නිසා අග්‍රාමාත්‍යවරයා එම රැස්වීම් වලට සහභාගී නොවීය.

Page 1 of 2

LIVE NOW