January 25, 2021

අයවැය විසර්ජන පනත් කෙටුම්පත් විවාදයේ දී අද (28) විවාදයට ගැනුණු ක්‍රීඩා අමාත්‍යාංශය වැය ශීර්ෂය විවාදයට විෂය භාර අමාත්‍ය නාමල් රාජපක්ෂ මහතා නොසිටීම පිළිබඳව විපක්ෂයේ මන්ත්‍රීවරු කිහිප වතාවක්ම පාර්ලිමේන්තුවේදී ප්‍රශ්න කරන ලදී.

විවාදය ආරම්භයේ දී විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා මේ සම්බන්ධයෙන් ප්‍රශ්න කළ අතර ඊට කතානායකවරයා පිළිතුර ලෙස සඳහන් කළේ තමන්ට ඒ සම්බන්ධයෙන් කිසිවක් දැනුම් දී නොමැති බවය.

ඉන්පසු යළිත් දිවා භෝජනයට ටික වේලාවකට පෙර සභාව ඇමතූ විපක්ෂයේ මන්ත්‍රී තුෂාර ඉඳුනිල් මහතා ද තමාට ක්‍රීඩාව සම්බන්ධයෙන් අදහස් පළ කිරීමට තිබෙන බවත් එය ක්‍රීඩා අමාත්‍යවරයා ඉදිරියේ කළ යුතු බැවින් නාමල් රාජපක්ෂ මහතා කොහේදැයි ප්‍රශ්න කරන ලදී.

එහෙත් ඊටද මුලාසනයෙන් ප්‍රතිචාරයක් නොදක්වන ලදි.

ලබන ජනවාරි මස 18 සිට 27 දක්වා පැවැත්වීමට නියමිතව තිබෙන අපොස සාමාන්‍ය පෙළ විභාගය එදිනට පැවැත්වීමට හැකි ද යන්න පිළිබඳව සාකච්ඡා කොට තීරණයක් ගන්නා බව අධ්‍යාපන ඇමැති මහාචාර්ය ජී.එල් පීරිස් මහතා පාර්ලිමේන්තුවේදී සඳහන් කරන ලදී.

දිවයිනේ තිබෙන පාසල් 10165න් මේ වන විට විවෘත කර තිබෙන්නේ පාසල් 5100ක් බවද පෙන්වා දෙන අධ්‍යාපන අමාත්‍යවරයා ඉදිරි සතිය හෝ දෙසතිය තුළ පාසල් සම්පූර්ණයෙන් විවෘත කිරීමට නොහැකි වූවොත් යෝජිත දිනට අපොස සාමාන්‍ය පෙළ විභාගය පැවැත්වීම වසා ඇති පාසල්වල දරුවන්ට කරන අසාධාරණයක් බවද අධ්‍යාපන අමාත්‍යවරයා පෙන්වා දෙන ලදී.

මේ නිසා සෞඛ්‍ය බලධාරීන් සමග සාකච්ඡා කොට ඉදිරි සතිය හෝ දෙසතිය තුළ වසා තිබෙන පාසල් ඇරීමට නොහැකි වුවහොත් අකමැත්තෙන් වුවත් අපොස සාමාන්‍ය පෙළ විභාගය කල් දැමීමට සිදුවන බවද අධ්‍යාපන අමාත්‍යවරයා අවධාරණය කරන ලදී.

වසර 40 ක පමණ කාලයක සිට බොහෝ දේශපාලනඥයින් තමන්ගේ මුඩු ඉඩම වෙනුවට රජයේ සශ්‍රීක ඉඩම් වංචනිකව අත්පත් කරගෙන තිබෙන බව ඉඩම් ඇමති එස්.එම්.චන්ද්‍රසේන මහතා පාර්ලිමේන්තුවේ දී අනාවරණය කරන ලදී.

උදාහරණයක් හැටියට අනුරාධපුරයේ තිබූ එවැනි මුඩු ඉඩමක් මීගමුව ප්‍රදේශයේ රජයේ සශ්‍රීක ඉඩමකට මාරු කළ දේශපාලනඥයෙකු ද සිටින බව පෙන්වා දෙන ලදී.

අවුරුදු 40කට පෙර සිදු වූ සිදුවීම් කෙසේ වෙතත් මෑත කාලයේ සිදු වූ මෙවැනි වංචාවන් පිළිබඳව සෙවීමට තමන් විමර්ශන කමිටුවක් පත් කළ බව ද චන්ද්‍රසේන මහතා පාර්ලිමේන්තුවට දැනුම් දෙන ලදී.

ඒ සඳහා දේශපාලනඥයන්ට ඇතැම් රාජ්‍ය නිලධාරීන් ද උදව් කර තිබෙන බව පෙන්වා දෙන චන්ද්‍රසේන මහතා විමර්ශනයෙන් පසු එම නිලධාරීන්ට ද දඬුවම් දෙන බව ද සඳහන් කරන ලදී.

වසර 137ක තේ වෙන්දේසි ඉතිහාසයේ නව පරිච්ඡේදයක් සනිටුහන් කරමින් මෙරට තේ වෙන්දේසිය අන්තර්ජාලය ඔස්සේ මුළු ලෝකයටම ගෙන යෑමට වත්මන් රජයට හැකිවීම ජයග්‍රහණයක් බව වැවිලි කර්මාන්ත අමාත්‍ය වෛද්‍ය රමේෂ් පතිරණ මහතා අයවැය විවාදයට එක්වෙමින් පෙන්වා දෙන ලදී.

එහි ප්‍රතිඵලයක් ලෙස පසුගිය වසරට සාපේක්ෂව තේ වල මිල ඉහළ ගොස් ඇති බවද අමාත්‍යවරයා සඳහන් කරයි.

අමාත්‍යවරයා මේ අදහස් පළ කළේ තමා යටතේ ඇති වැවිලි කර්මාන්ත අමාත්‍යාංශය පිළිබඳ විවාදයට එක් වෙමිනි.

කාන්තා සනීපාරක්ෂක තුවා සඳහා කිසිදු අතිරේක බද්දක් අයවැයෙන් යෝජනා කර නොමැති බව බන්දුල ගුණවර්ධන වෙළඳ අමාත්‍යවරයා පාර්ලිමේන්තුවේදී ප්‍රකාශ කරන ලදී.

කාන්තා සනීපාරක්ෂක තුවා සඳහා 15%ක බද්දක් පනවා ඇති බව බොරුවක් බවද අමාත්‍යවරයා පෙන්වා දෙයි.

විදේශයෙන් ආනයන කරන සනීපාරක්ෂක තුවා සඳහා 30%ක ආනයන බද්දක් දැනටමත් අයකරන බවත් අයවැයෙන් යෝජනා කර තිබෙන්නේ එම 30%න් 15%ක් ආනයන බදු ලෙසත් ඉතිරි 15% සෙස් බද්දක් ලෙස අය කිරීමටත් බවත්ය. 

ඒ නිසා කිසිදු බදු වැඩිකිරීමක් සිදු නොවන බව පෙන්වා දෙන ගුණවර්ධන මහතා දේශීයව නිෂ්පාදනය කළ හැකි භාණ්ඩ ආනයනය කිරීම හැකිතාක් දුරට අඩු කොට දේශීය නිෂ්පාදිකයන්ට අවස්ථාව ලබා දීම බවද සඳහන් කරයි. 

අයවැය කාරක සභා අවස්ථා විවාදයේ පස්වැනි දිනය අද (25) ආරම්භ විය.

කතානායකවරයා මුලසුනට පැමිණීමෙන් පසු සභාවේ වැඩ කටයුතු ආරම්භ විය.

LIVE UPDATE...

කතානායකවරයාගේ පැමිණීමෙන් පසු අයවැය සිව්වනවර කියවීමේ විවාදය ආරම්භ විය.

ලිපි ලේඛන පිළිගැන්වීමෙන් අනතුරුව මහජන පෙත්සම් ඉදිරිපත් කරන ලෙස කතානායකවරයා සභාවට දැනුම් දුන් අතර රමේෂ් පතිරණ, එස්.එම.මරිකාර් හා සුදත් මංජුල යන මන්ත්‍රීවරුන් පෙත්සම් ඉදිරිපත් කරන ලදී.

ඒවා මහජන පෙත්ස සභාවට ඉදිරිපත් කරන ලෙස කතානායකවරයා දැනුම් දීමෙන් පසු වාචික ප්‍රශ්න ඇසීම ආරම්භ විය. 

ඒ අනුව බුද්ධික පතිරණ, එස්.එම්.මරික්කාර්, මොහොමඩ් මුසම්මිල්, කාවින්ද ජයවර්ධන යන මහත්වරුන් ප්‍රශ්න ඉදිරිපත් කල අතර ඊට සිසිර ජයකොඩි, මහාචාර්ය ජි.එල්.පිරිස්, අජිත් නිවාඩ් කබ්රාල් යන ඇමතිවරුන් හා රාජ්‍ය ඇමතිවරුන් ඊට පිළිතුරු දෙන ලදී.

ෂරියා නිතිය උගන්වන විශ්වවිද්‍යාල සම්බන්ධයෙන් කාවින්ද ජයවර්ධන මහතා ඇසූ ප්‍රශ්නයක් මුල් කොට ගෙන ඔහු හා අධ්‍යාපන අමාත්‍යවරයා අතර විවාදාත්මක තත්වයක් ඇති විය.

විපක්ෂ නායක සජිත් ප්‍රේමදාස මහතා ද ෆිනෑන්ස් සමාගමේ ගනුදෙනුකරුවන් මුහුණ දී සිටින තත්වය පිළිබඳව පැහැදිලි කිරීමක් හා ප්‍රශ්න කිරීමක් කරන ලදී. ඊට පිළිතුරු දීමට සතියක කාලයක් ආණ්ඩුව විසින් ඉල්ලන ලදී.

ඉන්පසු ෂෙහාන් සේමසිංහ රාජ්‍ය අමාත්‍යවරයා කොළඹ හුදකලා කර ඇති ප්‍රදේශවල ජනතාවට ලබා දී ඇති සහන පිලිබඳ වාර්තාවක් සභාවට ඉදිරිපත් කරන ලදී. එහිදී හුදකලා කර තිබෙන ප්‍රදේශ වල ජිවත් වන පවුල් ඒකක ගණන,පුද්ගලයන් ගණන හා රුපියල් 5000 ලබා දීමට වැය වූ මුදල පිලිබඳ විස්තරයක් සභාවට ඉදිරිපත් කරන ලදී. 

ධිවර, වැවිලි කර්මාන්ත හා ඒ ආශ්‍රිත ඉඩම් යන අමාත්‍යංශය හා රාජ්‍ය අමාත්‍යංශ සම්බන්ධයෙන් වූ විසර්ජන කෙටුම්පත් විවාදය ආරම්භ වීම.

විවාදය ආරම්භ කරමින් විපක්ෂයේ වෙනුවෙන් අදහස් දැක්වූ ගයන්ත කරුණාතිලක මන්ත්‍රීවරයා ඉඩම්, කුඩා තේ වතු හිමියන් හා වතු කම්කරුවන් මුහුණ දෙන ගැටළු පිළිබඳව සභාවට කරුණු ඉදිරිපත් කරන ලදී.

ආණ්ඩුව පාර්ශවයෙන් විවාදයට එක්වෙමින් වැවිලි කර්මාන්ත විෂය භාර රමේෂ් පතිරණ මහතා සඳහන් කලේ කොවිඩ් 19 වසංගතය හේතුවෙන් බොහෝ ක්ෂේත්‍රවල අපනයන ආදායම අඩු වුවත් තේ අපනයන ආදායම අඩු නොවුණු බවය. එහෙත් වසර 10ක පටන්ම කුඩා තේ වතු ක්ශේත්‍රය එක තැන පල වෙන බව සඳහන් කරන අමාත්‍යවරයා නව තේ පැල පනස් ලක්ෂයක් බෙදා දීමටත් තේ සහනාධාරය වැඩි කිරීමටත් කටයුතු කරන  බව ද පෙන්වා දෙන ලදී.

ඉඩම් කෘෂිකර්මයට කාරමික අංශයට වාණිජ කටයුතු වලට මෙන්ම පදිංචියට ලබා දිය යුතු බව ඉඩම් අමාත්‍ය එස් එම් චන්ද්‍රසේන මහතා අයවැය විවාදයට එක්වෙමින් ප්‍රකාශ කරන ලදී.ආහාර වර්ග හැකිතාක් ආනයනය කිරීම නතර කොට දේශීයව වගා කිරීම රජයේ ප්‍රතිපත්තිය බව ද පෙන්වා දෙන චන්ද්‍රසේන මහතා ඒ සඳහා දාන වර්ග දාසයක් හඳුන්වා දී ඇති බවද පෙන්වා දෙන ලදී.

මෙරට කෘෂිකාර්මික රටක් කිව්වට ධීවර රටක් කියලා කවුරුත් කියන්නෙ නැති බවත් එහෙත් ඒ තත්ත්වය ඇති කළ හැකි බව අයවැය විවාදයට එක්වෙමින් ජාතික ජන බලවේගය පාර්ලිමේන්තු මන්ත්‍රී විජිත හේරත් මහතා සඳහන් කළේය. පසුගිය කාලය පුරා ධීවර කර්මාන්තය ගැන තිබූ ආකල්පය මෙන්ම මැදිහත්වීමේ දුර්වලකම නිසා තරුණ පිරිස් මේ වන විට ධීවර කර්මාන්තයෙන් ඉවත් වන බව මන්ත්‍රීවරයා වැඩිදුරටත් සඳහන් කරන ලදී. ධීවර රැකියාව පිලිබද තිබෙන ආකල්පය, අවශ්‍ය මෙවලම් නොලැබීම මෙන්ම ධීවර රැකියාව අස්ථාවර එකක් වීම මත බොහෝ ධීවරයින් ධීවර කර්මාන්තයෙන් ඉවත් වන බව ද හේරත් මහතා සඳහන් කරන ලදී.

ඉඩම් කෘෂිකර්මයට, කාර්මික අංශයට, වාණිජ කටයුතු වලට මෙන්ම පදිංචියට ලබා දිය යුතු බව ඉඩම් අමාත්‍ය එස්.එම් චන්ද්‍රසේන මහතා අයවැය විවාදයට එක්වෙමින් ප්‍රකාශ කරන ලදී. ආහාර වර්ග හැකිතාක් ආනයනය කිරීම නතර කොට දේශීයව වගා කිරීම රජයේ ප්‍රතිපත්තිය බව ද පෙන්වා දෙන චන්ද්‍රසේන මහතා ඒ සඳහා ධාන්‍ය වර්ග 16ක් හඳුන්වා දී ඇති බවද ඒ සඳහා ඉඩම් ලබා දීම තමන්ගේ වගකීම බවද පෙන්වා දෙන ලදී.

විවාදය දිවා භෝජන සඳහා පාර්ලිමේන්තුවේ වැඩ කටයුතු නතර කරන ලදී.

පස්වරු 1.00ට දිවා හෝජනයෙන් පසු යළි පාර්ලිමේන්තුව රැස්විය.

“ රජය වතු කම්කරුවන්ට රුපියල් 1000ක් ලබාදීමට තීරණය කිරීම සතුටුදායකයි. අගමැතිතුමා ඊට මූලිකත්වය ගත යුතුයි. එය රජය ඉටු කලැයි කියා විශ්වාසයක් තියෙනවා.“ යැයි පාර්ලිමේන්තු මන්ත්‍රී මනෝ ගනේෂන් මහතා පැවසීය.

“යුද්ධයෙන් මියගිය අය සැමරීමට ලෝකෙ හැමතැනම අවස්ථාව තියෙනවා. උතුරු නැගෙනහිර යුද්ධයෙන් මියගිය අය සැමරීමට සෑම කෙනාටම අයිතියක් තිබිය යුතුයි. හැබැයි එය එල්ටීටීඊ සංවිධානයේ මතවාදයෙන් සැමරීම වැරදයි.“ යනුවෙන් මනෝ ගනේෂන් මන්ත්‍රීවරයා සඳහන් කළේය.

“අවුරුදු 160ක් යනකම් ඉඩම් සහතික පත්‍රය දෙන්න පටන් ගත්තේ 2003මගේ කාලයේ පටන් ගත්තේ. රෝෂාන් රණසිංහ ඇමැතිතුමාට මං දැනුත් කිව්වා. මේක කරන්න මේක ඉතිහාස ගත වෙන වැඩක්.“ යැයි පාර්ලිමේන්තු මන්ත්‍රී රාජිත් සේනාරත්න මහතා පැවසීය.

අද (26) පාර්ලිමේන්තු සැසිවාරයේ දී කෘෂිකර්ම අමාත්‍යංශය හා ඊට අනුබද්ධිත රාජ්‍ය අමාත්‍යංශ සම්බන්ධයෙන් වූ විසර්ජන කෙටුම්පත් විවාදය ආරම්භ වූ අතර පොළොන්නරුව දිස්ත්‍රික්කය නියෝජනය කරන සමගි ජන බලවේග පාර්ලිමේන්තු මන්ත්‍රී කිංස් නෙල්සන් මහතා කියා සිටියේ පොළොන්නරුවට කෘෂිකර්ම හා වාරිමාර්ග කටයුතුවලදී කුඩම්මාගේ සැලැකිලි ලැබෙන බවයි.

හිටපු ජනාධිපතිවරයා පොළොන්නරුවේ වීම නිසාද එවැනි සැලැකිල්ලක් දක්වන්නේ දැයි කිංස් නෙල්සන් මන්ත්‍රීවරයා අසා සිටියේය.

හිටපු ජනාධිපතිවරයා එක්ක මෙම ආණ්ඩුවේ මන්ත්‍රීවරුන්ට, අග්‍රාමාත්‍යවරයාට හෝ ජනාධිපතිවරයාට කුමන හෝ ප්‍රශ්නයක් තිබෙනවා නම් එතුමා එක්කම විසඳගන්නා ලෙසත් පොළොන්නරුවේ සිටින ගොවි ජනතාව සමඟ එම ප්‍රශ්න විසඳ නොගන්නා ලෙසද ඔහු ඉල්ලා සිටියේය.

"අපේ ජනතාව වෙනුවෙන් සටන් කරපු අපේ නායක ප්‍රභාකරන්ට උපන් දිනය වෙනුවෙන් සුභ පතනවා" යැයි දෙමළ ජාතික සන්ධාන මන්ත්‍රී චාල්ස් නිර්මලනාදන් මහතා පාර්ලිමේන්තුවේදී ප්‍රකාශ කරන විට යාපනය දිස්ත්‍රික්කය නියෝජනය කරන අංගජන් රාමනාදන් මහතාය.

ඔහු එම සුබ පැතීම කරන ලද්දේ වාරිමාර්ග අමාත්‍යාංශය පිළිබඳ වැය ශීර්ෂයට දෙමළ බසින් කළ කථාව අවසන් කරමිනි.

චාල්ස් නිර්මලනාදන් මන්ත්‍රීවරයා එම ප්‍රකාශය කරද්දී සභාවේ මුලසුනේ සිටියේ  පාර්ලිමේන්තුවේ නියෝජ්‍ය කාරක සහාපතිවරයා වන අන්ගජන් අංගජන් රාමනාදන් මහතාය.

ඔහුට හොඳින් දෙමල බස තේරුණ ද නිර්මලනාදන් මන්ත්‍රීවරයාගේ ප්‍රකාශය සම්බන්ධයෙන් කිසිදු ප්‍රතිචාරයත් නොදැක්වීම ද විශේෂත්වයකි. 

"අපේ නායක ප්‍රභාකරන්ගේ උපන්දිනයට මම සුභ පතනවා" - චාල්ස් නිර්මලනාදන් පාර්ලිමේන්තුවේදීම කියයි - මන්ත්‍රීවරු නිදි

කෘෂිකර්ම අමාත්‍ය මහින්දානන්ද අලුත්ගමගේ මහතා යටතේ රට කිරි, මස්, බිත්තර, බැටළු සූකර යන ආහාරවලින් ස්වයංපෝෂිත කරන බව රාජ්‍ය අමාත්‍ය ඩී.බී හේරත් මහතා සදහන් කරයි.

ඒ සඳහා අවශ්‍ය හැකියාව මහින්දානන්ද අලුත්ගමගේ අමාත්‍යවරයාට තිබෙන බවද රාජ්‍ය අමාත්‍යවරයා පෙන්වා දෙයි.

රාජ්‍ය අමාත්‍යවරයා මෙම අදහස් පළ කළේ කෘෂිකර්ම අමාත්‍යාංශය පිළිබඳ පිළිබද අයවැය විවාදයට එක් වෙමිනි.

කොවිඩ් 19 තත්වය හේතුවෙන් පාසල් විවෘත කරනවාද නැද්ද යන්න පිලිබඳ බලය කලාප අධ්‍යාපන කාර්යාලවලට හා අදාළ පාසල්වල විදුහල්පතිවරුන්ට පවරා ඇති බව අධ්‍යාපන ඇමති මහාචාර්ය ජි.එල්.පිරිස් මහතා පාර්ලිමේන්තුවේදී සඳහන් කරන ලදී.

අධ්‍යාපන අමාත්‍යවරයා ඒ බව සඳහන් කලේ විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා විසින් නඟන ලද ප්‍රශ්නයකට පිළිතුරු ලබා දෙමිනි.

මහනුවර දිස්ත්‍රික්කයේ පාසල් 60කට සිටින්නේ එක් මහජන සෞඛ්‍ය පරීක්ෂකවරයෙකු බවත් ඊයේ (25) මහනුවර පාසල් 45ක් හිටි හැටියේම කොවිඩ් අවධානම හේතුවෙන් වසා දමා තිබෙන බවද පෙන්වා දෙන කිරිඇල්ල මහතා මේ සම්බන්ධයෙන් අවශ්‍ය පියවර ගන්න ලෙස අධ්‍යාපන අමාත්‍යවරයාගෙන් ඉල්ලා සිටින ලදී.

Page 1 of 4