February 27, 2021

සමගි ජනබලවේගයට ගිය එජාප පළාත් පාලන මන්ත්‍රීවරුන් 35 දෙනෙකු නැවත එක්සත් ජාතික පක්ෂයට එකතුවීම සඳහා ඉල්ලීම් කර ඇතැයි එජාප ආරංචි මාර්ග පවසයි.

එජාප සභාපති වජිර අබේවර්ධන මහතා සහ එජාප මහ ලේකම් පාලිත රංගේ බණ්ඩාර මහතාගේ ප්‍රධානත්වයෙන් යුතු කමිටුවක් මගින් ඉහත මන්ත්‍රීවරුන්ගේ ඉල්ලීම් සලකා බලා ඔවුන් නැවත එජාපයට බඳවා ගැනීම පිළිබඳ තීරණය ප්‍රකාශයට පත් කිරීමට නියමිතය.

මීට අමතරව සමගි ජනබලවේගයට සහය දැක්වූ අම්පාර ප්‍ර දේශයේ පළාත් පාලන මන්ත්‍රීවරුන් පිරිසක්ද එජාපයට එකතු වීමට ඉල්ලීම් කර ඇතැයි එම ආරංචි මාර්ග පැවසීය.

එක්සත් ජාතික පක්ෂයේ විශේෂ කෘත්‍යාධිකාරි මණ්ඩල රැස්වීමක් ජනවාරි මස මුල පැවැත්වීමට කටයුතු යොදා ඇතැයි වාර්තා වේ.

එහිදී එම පක්ෂයේ පාර්ලිමේන්තු නියෝජනය සම්බන්ධයෙන් අවසන් තීරණයකට එළඹීම සහ පළාත් සභා මැතිවරණයේ සූදානම පිළිබඳව සාකච්ඡා කිරීමට නියමිතය.

එළඹෙන පළාත් සභා මැතිවරණයේදී සන්ධානගත වී තරඟ කිරීමට මේ වනවිටත් අවධානය යොමුවී ඇති අතර, ඊට අදාළ නිල සාකච්ඡා ඉදිරියේදී සිදුකරන බව එක්සත් ජාතික පක්ෂයේ ආරංචි මාර්ග පවසයි.

එක්සත් ජාතික පක්ෂයේ මහ ලේකම් තනතුරින් තමා ඉල්ලා අස්වන බව අකිල විරාජ් කාරියවසම් මහතා ප්‍රකාශ කර තිබේ.

අද(23) සිරිකොත පක්ෂ මූලස්ථානයේ පැවැති රැස්වීමකදී ඔහු මේබව ප්‍රකාශ කර තිබේ.

එහිදී අකිල විරාජ් කාරියවසම් මහතා සඳහන් කර ඇත්තේ තමන් මෙතෙක් එක්සත් ජාතික පක්ෂය තුළ දැරූ මහලේකම් තනතුරින් ඉවත් වීමට තීරණය කළ බවයි.

ඒ අනුව පක්ෂ ප්‍රතිසංවිධානය යටතේ ඉදිරියේදී නව මහලේකම්වරයෙක් පක්ෂයට පත්කිරීමට නියමිත බව වාර්තා වේ.

එක්සත් ජාතික පක්ෂයේ ජාතික ලැයිස්තු මන්ත්‍රීධූරය සඳහා පක්ෂයේ එකඟතාව මත ඉතා ඉක්මනින් සුදුස්සකු පත් කරන බව පක්ෂයේ නායක හිටපු අග්‍රාමාත්‍ය රනිල් වික්‍රමසිංහ මහතා පවසයිි.

ජාතික ලැයිස්තු මන්ත්‍රී ධූරයේ පුරප්පාඩුව සම්බන්ධයෙන් පක්ෂයේ ජ්‍යෙෂ්ඨයන් පිරිසක් කරුණු විමසූ අවස්ථාවේ දී වික්‍රමසිංහ මහතා මේ බව පවසා තිබේ.

සුදුසුකම් ඇති කිහිප දෙනකු මන්ත්‍රී ධුරය බලාපොරොත්තු වන බව සඳහන් කර ඇති වික්‍රමසිංහ මහතා ඡන්දයෙන් නොතේරුණු කෙනකු ජාතික ලැයිස්තුවෙන් පාර්ලිමේන්තුවට පත් නොකරන බවට පක්‍ෂය තීන්දුවක් ගෙන ඇති බැවින් පාර්ලිමේන්තු යැවිය යුත්තේ කවුරුන්දැයි ඉක්මණින් තීන්දු කරන බවත් පවසා ඇත.

පක්ෂයේ මහ ලේකම් ධූරයෙන් ඉවත් වී පාර්ලිමේන්තු මන්ත්‍රී ධූරය සඳහා පත්ව යාමට අකිල විරාජ් කාරියවසම් මහතා සිය බලවත් කැමැත්ත පළ කර ඇතැයි වාර්තා වේ. ජාතික ලැයිස්තු මන්ත්‍රී ධුරය සදහා මහා ලේකම් අකිල විරාජ් කාරියවසම් මහතාගේ නම ඔහු විසින්ම මැතිවරණ කොමිසමට යැවීමට උත්සාහ කළ බවට පසුගිය දා සමාජ මාධ්‍යවල පළවී තිබිණි.

මේ වර්ෂයේ අග හෝ ලබන වර්ෂය මුල දැනට එක්සත් ජාතික පක්ෂයේ නියෝජ්‍ය නායකධුරය දරන රුවන් විජේවර්ධන මහතා පක්ෂයේ නායකත්වයට පත් කිරීමෙන් පසු පක්ෂය ගොඩ නැගීමට ඔහුට සහාය දීම සඳහා පත් කළ යුතු කණ්ඩායම් පිළිබඳව ද පක්ෂ නායක රනිල් වික්‍රමසිංහ මහතා තුළ පැහැදිලි සැලැස්මක් තිබෙන බව සිරිකොත ආරංචි මාර්ග සඳහන් කරයි.

ඒ අනුව රුවන් විජේවර්ධන මහතා පක්ෂ නායකයා ලෙස පත් වීමෙන් පසු පුරප්පාඩු වන නියෝජ්‍ය නායක ධුරයට අකිල විරාජ් කාරියවසම් මහතාවද කාරියවසම් මහතා එම තනතුරට පත් කිරීමෙන් පුරප්පාඩු වන මහලේකම් ධූරය සඳහා සාගල රත්නායක මහතාවද පත්කිරීම වික්‍රමසිංහ මහතාගේ සැලැස්ම වෙයි.

සාගල රත්නායක මහතා බොහෝ කලක සිට පක්ෂ මහලේකම් ධූරය බලාපොරොත්තුවෙන් සිටින බව ප්‍රකට කරුණකි.

මෙම පත්කිරීම් සඳහා පක්ෂ කෘත්‍යාධිකාරී මණ්ඩලයේ දැනට සිටින සාමාජිකයින් හතළිස් දෙනාගෙන් බහුතරයකගේ කැමැත්ත අවශ්‍ය වන අතර එම කැමැත්ත ලබා ගැනීමේ ගැටලුවක් වික්‍රමසිංහ මහතාට නොමැති බවද සිරිකොත ආරංචි මාර්ග වැඩිදුරටත් සඳහන් කරයි.

එක්සත් ජාතික පක්ෂ කෘත්‍යාධිකාරි මණ්ඩලයේ බහුතරයක් පත් කරනු ලබන්නේ පක්ෂ නායකයා විසිනි.

අද (04) පැවැත්වෙන තීරණාත්මක යැයි සැලකෙන එක්සත් ජාතික පක්ෂ කෘත්‍යධිකාරී මණ්ඩල රැස්වීම වෙනදා මෙන් රනිල් වික්‍රමසිංහ මහතා තවදුරටත් පක්ෂ නායකයා ලෙස තහවුරු කරමින් අවසන් වනු ඇති බව ආරංචි මාර්ග සඳහන් කරයි.

රුවන් විජේවර්ධන මහතා පක්ෂ නායකත්වයට පත් කිරීමට අවශ්‍යතාවයක් රනිල් වික්‍රමසිංහ මහතාට තිබුණුද උප නායක රවී කරුණානායක, වජිර අබේවර්ධන වැනි ජ්‍යෙෂ්ඨයින් ඊට තමන්ගේ විරෝධතාවය ප්‍රකාශ කිරීමට සුදානමින් සිටින බවට වාර්තා වේ.

මීට ටික දිනකට පෙර රවී කරුණානායක මහතාගේ ඉතා කිට්ටු හිතවතෙකු වන නුගේගොඩ නලන්දාරාමාධිපති පූජ්‍ය තිනීයාවල පාලිත හිමි හා තවත් භික්ෂූන්වහන්සේලා කිහිප නමක් හරහා රනිල් වික්‍රමසිංහ මහතාට පක්ෂ නායකත්වයෙන් ඉවත් වෙන ලෙස කළ බල කිරීමද අසාර්ථක වී තිබේ.

දැනගන්නට තිබෙන ආකාරයට රුවන් විජේවර්ධන මහතා හෝ වෙනත් අයෙකු පක්ෂ නායකත්වයට පත් කළද ඊට කිසිවෙකුටත් එක්සත් ජාතික පක්ෂය යළි ගොඩනැගිය නොහැකි බව වික්‍රමසිංහ මහතා අවබෝධ කරගෙන තිබේ.

එක්සත් ජාතික පක්ෂයේ නායකත්වය වෙනුවෙන් තමන්ද ඉදිරිපත් වෙන බව හිටපු පාර්ලිමේන්තු මන්ත්‍රී රුවන් විජේවර්ධන මහතා විසින් අනුරාධපුරයේ දී පැවැති රැස්වීමක් අමතමින් ප්‍රකාශ කළේය.

තමන් මීට පෙර නායකත්වය සඳහා ඉදිරිපත් නොවුණු බවත් පසුගිය දින කිහිපය පුරාවට තමන්ට පාක්ෂිකයන් ඇතුළු පිරිස කළ ඉල්ලීම සලකා බලමින් මෙලෙස එක්සත් ජාතික පක්ෂ නායකත්වය සඳහා ඉදිරිපත් වීමට සුදානම් බව එහිදී ඔහු කියා සිටියේය.

අවසන් වූ මහා මැතිවරණයට, මැතිවරණ දිස්ත්‍රික් 22කින් තරඟ කළ එක්සත් ජාතික පක්ෂ අපේක්ෂකයන් 262 දෙදෙනා අතරින් අති බහුතරයක් ඉදිරි දින කිහිපයේ දී එක්සත් ජාතික පක්ෂයෙන් ඉවත් වීමට සුදානම් වන බව දේශපාලන ආරංචි මාර්ග සඳහන් කරයි.

ඒ රනිල් වික්‍රමසිංහ මහතා දිගටම එජාප නායකත්වයේ රැඳී සිටිමට ගත් තීරණය පදනම් කරගෙනය.

පසුගිය මහා මැතිවරණයේ දී සමස්ත රටෙන්ම ඡන්ද 249,439ක් ලබාගෙන පස්වැනි ස්ථානයට පත් වූ එක්සත් ජාතික පක්ෂය සිය මැතිවරණ ඉතිහාසයේ ලැබූ දරුණුතම පරාජය බව පෙන්වා දෙන ඔවුන් එම පරාජයට ඍජුවම හේතු වී තිබෙන්නේ රනිල් වික්‍රමසිංහ මහතාගේ නායකත්වය මෙන්ම ඔහුගේ හිතුවක්කාර තීන්දුබවද පෙන්වා දෙයි.

පැවැත්වීමට යෝජිත පළාත් සභා මැතිවරණයට රනිල් වික්‍රමසිංහ මහතාගේ නායකත්වයෙන් යුතු එජාපය තරග කළහොත් දැනට තිබෙන ලක්ෂ 2 ½ත් ලක්ෂ ½ දක්වා අඩු වී පත්වෙන ඛේදජනක තත්ත්වයට දායක වීමට තමන් තුළ කැමැත්තක් නැති බවට ඔවුන් අවධාරණය කරයි.

ලංකා ජාතික වතු කම්කරු සංගමයේ අයිතිය වෙනුවෙන් එක්සත් ජාතික පක්ෂය හා සමඟි ජන බලවේගය අතර ගොඩනැගුණු ගැටුම තවදුරටත් උත්සන්න වී ඇති බව වාර්තා වෙයි.

ආරම්භයේ පටන්ම මෙම වෘත්තීය සමිතිය එක්සත් ජාතික පක්ෂය හා එක්ව කටයුතු කළ නමුත් එජාපයෙන් කොටසක් සමඟි ජන බලවේගය ලෙස ඉවත්ව යෑමත් සමඟ මෙම වෘත්තීය සමිතියේ හිමිකම පිළිබඳ ප්‍රශ්නයක් මතුවිය.

එතෙක් මහ ලේකම් ලෙස කටයුතු කළේ පාර්ලිමේන්තු මන්ත්‍රී සුරේෂ් වඩිවේල් මහතා වන අතර සභාපති ලෙස හරීන් ප්‍රනාන්දු මහතා කටයුතු කළ අතර ඔවුන් එජාපයෙන් ඉවත්වීමත් සමඟ වෘත්තීය සමිතියේ තනතුරුවල වෙනසක් සිදුවිය.

ඒ අනුව නවීන් දිසානායක මහතා සහ රාමයියා යෝගරාජන් යන හිටපු මන්ත්‍රීවරු නව තනතුරුවලට පත්කෙරුණි.

එම තනතුරු මාරුව සමඟ වෘත්තීය සමිතියේ අයිතිය සම්බන්ධයෙන් වන ගැටුම ඇරඹි අතර සුරේෂ් වඩිවේල් මහතා පැවසුවේ එය ස්වාධීන වෘත්තීය සමිතියක් වන අතර එය එජාප කෘත්‍යාධිකාරී මණ්ඩලයට පාලනය කිරීමට නොහැකි බවයි.

එහෙත් එජාපයෙන් ඊට ප්‍රතිචාර ලෙස ලැබුණේ සුරේෂ් වඩිවේල් මහතාගේ ප්‍රකාශය අසත්‍ය වන අතර එම වෘත්තීය සමිතිය එක්සත් ජාතික පක්ෂයට අයත්වන අතර එහි තනතුරු පත්කරන්නේ එජාප කෘත්‍යධිකාරී මණ්ඩලය විසින් බවයි.

කෙසේවෙතත් මේ වන විට වතුකම්කරු ජනතා ප්‍රසාදය එක්සත් ජාතික පක්ෂය අභිබවා සමඟි ජන බලවේගය දිනාගෙන ඇති අතර වඩිවේල් සුරේෂ් මහතා බදුල්ල දිස්ත්‍රික්කයේ සමඟි ජන බලවේගයේ පළමුවැනි තැනට තේරී පත් විය.

එහෙත් තවදුරටත් එම වෘත්තීය සමිතියේ අයිතිය සම්බන්ධයෙන් දෙපාර්ශවය අතර ගැටුම සමථයකට පත්ව නැති අතර වෘත්තීය සමිතිය තමන් සතු කර ගැනීමට දෙපාර්ශවයම සටනක නිරතව සිටින බව වාර්තා වෙයි.

ඉකුත් 14 වැනි දින එක්සත් ජාතික පක්ෂ මූලස්ථානය වන සිරිකොතේ පැවැති කෘත්‍යාධීකාරී මණ්ඩල රැස්වීමේ දී එක්සත් ජාතික පක්ෂ නව නායකයා ලෙස රුවන් විජේවර්ධන මහතාගේ නම මහාචාර්ය ආශූ මාරසිංහ විසින් යෝජනා කර තිබෙන අතර එය සමන් රත්නප්‍රිය මහතා විසින් සම්මත කොට තිබේ.

ඒ අවස්ථාවේ එහි සිටි අති බහුතරය ඊට විරෝධය පළ කරමින් පාස්කු ප්‍රහාරය ගැන දන්නේ නැති කෙනා පක්ෂ නායකයා වන්නේ කේසේදැයි ප්‍රශ්න කොට තිබේ.

එම විරෝධය හමුවේ අදාළ යෝජනා සම්මතය යටපත් වී ඇති අතර ලබන ජනවාරි මාසයේ පැවැත් වෙතැයි විශ්වාස කරන පළාත් සභා මැතිවරණය අවසන් වෙන තෙක් රනිල් වික්‍රමසිංහ මහතාවම නායකත්වයේ තැබීමට කෘත්‍යාධිකාරී මණ්ඩලය තීරණය කරන ලදී.

එම විශේෂ කෘත්‍යාධීකාරී රැස්වීම පැවැත් වූයේ පක්ෂයට නව නායකයෙකු පත් කර ගැනීම සඳහාය

Page 1 of 2