එමෙන්ම, ශ්රී ලංකා මහ බැංකුව ගෝලීය මෙන්ම දේශීය වශයෙන් ඇතිවෙමින් පවතින සාර්ව ආර්ථික සහ මූල්ය වෙළඳපොළ ප්රවණතා සමීපව නිරීක්ෂණය කරන බවට ශ්රී ලංකා මහ බැංකුව නිවේදනය කරයි.
උද්ධමනය, විදේශීය අංශය සහ මූල්ය අංශයේ ස්ථායීතාව ළඟා කර ගැනීමේ අරමුණින් තවදුරටත් ක්රියාමාර්ග ගැනීමට සූදානමින් සිටින බවද දැනුම් දුන් බව මහ බැංකුව කියා සිටියා.
ඒ අනුව, වහාම ක්රියාත්මක වන පරිදි, විනිමය අනුපාතිකයෙහි ඉහළ නම්යශීලීභාවයක් සහිතව ගනුදෙනු කිරීමට වෙළඳපොළට ඉඩ සලසනු ඇති බව එම නිවේදනය සඳහන් කළා.
විදේශ විනිමය ගනුදෙනු එක්සත් ජනපද ඩොලරයකට රුපියල් 230 කට නොවැඩි මට්ටමක පවතිනු ඇතැයි ද මහ බැංකුව අපේක්ෂා කරයි.
ශ්රී ලංකා මහ බැංකුව තවදුරටත් දේශීය විදේශ විනිමය වෙළපොළෙහි ප්රවණතා සමීපව නිරීක්ෂණය කරමින් අවශ්ය පරිදි සුදුසු ප්රතිපත්ති ගැළපීම් සිදු කරනු ඇතැයි එම නිවේදනය මගින් පෙන්වා දෙනවා.