රාජ්ය ආයතන දෙකක සභාපතිවරුන්ට පුටු අහිමි වී තිබෙනවා.
එක් ආයතනය නව සභාපතිවරයෙක් පත් කර අදාල පත්වීම් ලිපිය ඇමතිවරයා අතින්ම ලබා දී තිබෙන අතර අනෙක් රාජ්ය ආයතනයේ සභාපතිවරයාට ඉවත් වීමට හෝ දැනුවත් නොකර නව සභාපතිවරයෙකුට අදාලව පත්වීම් ලිපිය සකස් කර ඇතැයි වාර්තා වනවා.
ඒ අනුව ශ්රී ලංකා වරාය අධිකාරියේ නව සභාපතිවරයා ලෙස ආචාර්ය ප්රසන්ත ජයමාන්න මහතා ඊයේ (19) පත්කර තිබුණා. වරාය හා නාවික අමාත්ය රෝහිත අබේගුණවර්ධන මහතා මෙම පත්කිරීම සිදු කර තිබෙනවා.
ශ්රී ලංකා වරාය අධිකාරියේ සභාපති ලෙස කපිතාන් නිහාල් කැප්පෙටිපොල මහතා මීට පෙර කටයුතු කළා.
මේ අතර මිල්කො ආයතනයේ සභාපති ධූරය සඳහා ශ්රී ලංකා පොදුජන පෙරමුණේ පාලක ලේකම් රේණුක පෙරේරා පත්කර ඇතැයි එහි අභ්යන්තර ආරංචි මාර්ග පවසකවා.
මේ වන විටත් අදාළ ලිපිය නිකුත් කර ඇති අතර රේණුක පෙරේරා අදාළ සභාපති ධූරය භාරගැනීම සඳහා මෙතෙක් තීන්දුවක් ගෙන නැත. කෙසේ වුව ද පශු සම්පත්, ගොවිපොළ ප්රවර්ධන හා කිරි හා බිත්තර ආශ්රිත කර්මාන්ත රාජ්ය අමාත්ය ඩී.බී. හේරත් මහතා රේණුක පෙරේරා මිල්කො සභාපති ධූරයට පත්කර ගැනීමට දැඩි උත්සාහක නිරත වන බව වාර්තා වෙනවා.