March 29, 2024

ඕමල්පේ සෝභිත හිමිගෙන් ජනපතිට ලිපියක්

භික්ෂූන් වහන්සේලා සඳහා ආණ්ඩුක්‍රම ව්‍යවස්ථාව මගින් නියම කර ඇති අධිකරණ පිහිටුවීමට කටයුතු කරන්නැයි දක්ෂිණ ලංකාවේ ප්‍රධාන සංඝනායක පූජ්‍ය ආචාර්ය ඕමල්පේ සෝභිත නාහිමියෝ ජනාධිපති ගෝඨාභය රාජපක්ෂ මහතාගෙන් ඉල්ලා සිටියි.

ඕමල්පේ සෝභිත නාහිමියන් පෙන්වා දෙන්නේ වර්තමානයේ භික්ෂුන් වහන්සේලා සහ උන්වහන්සේලාට අදාල ආරාමික මෙන්ම ධර්ම විනයගත ගැටළු සම්බන්ධයෙන් අවසාන තීරණයක් ගනු ලබන්නේ රජයේ සාමාන්‍ය අධිකරණ වලින් බවයි.

එමගින් භික්‍ෂූන් වහන්සේලාට සහ බුද්ධ ශාසනයට සිද්ධවන ප්‍රතිවිපාක සම්බන්ධයෙන් දීර්ඝ කාලයක සිට සංඝ සමාජය මෙන්ම බෞද්ධ මහා සමාජයද අප්‍රසන්න අත්දැකීම් වලට මුහුණ දෙන බවයි උන්වහන්සේ පෙන්වා දෙන්නේ.

ගිහි විනිශ්චයකාරයින් හා විවිධ මත දරන නීතිඥවරුන් ඉදිරියේ භික්ෂුත්වය හැල්ලුවට ලක්වීම, විනයානුකුල නොවන තීන්දු තීරණවලට අවනත වන්නට සිදු වීම, නීතිඥ ගාස්තු සඳහා විශාල වශයෙන් මුදල් වැයකිරීමට සිදු වීම හා විශාල කාලයක් වැයකිරීම වැනි දේ සිදුවන බවත් එමගින් ශාසනික පරිහානිය සිදුවන බවත් එම ලිපියේ සඳහන්.

මෙවන් කණගාටුදායක තත්වයකට භික්ෂුව පත් නොකර ප්‍රශ්න විසඳීම සඳහා ආණ්ඩුක්‍රම ව්‍යවස්ථාවේ අංක 105.4 වන ව්‍යවස්ථාව ක්‍රියාත්මක කලයුතු බවත්, එනම් " භික්ෂූන වහන්සේලාගේ විනය හා සම්බන්ද කරන හා සම්බන්ධ වෙනයම් ආරවුලක් හෝ විනිශ්‍ය කොට සමථයකට පත්කිරීම සඳහා අධිකරණ, විනිශ්වය අධිකාර හෝ ආයතනය ඇතිකොට පිහිටුවීමට පාර්ලිමේන්තුව විසින් නීතියෙන් විධිවිධාන සැලැස්විය හැක්කේය." යනුවෙන් සඳහන් කර ඇත.

භික්‍ෂූන් වහන්සේලාගේ අධිකරණ කටයුතු ස්වාධීනව පවත්වාගෙන යාමට බලය ඉල්ලා විශේෂයෙන්ම ශ්‍රී ලංකා රාමඤඤ මහා නිකායේ කාරක සංඝ සභාව දිගින් දිගටම කරුණු දක්වා ඇති බව එම ලිපියේ දැක්වෙයි. 

එලෙස භික්ෂූන් වහන්සේලා ඉල්ලාසිටින හා ආණ්ඩුක්‍රම ව්‍යවස්ථාවේ සැලසී ඇති නම් එක ක්‍රියාත්මක කිරීමේ ගැටළුවක් නොපවතින බව ජනාධිපති වරයාට පෙන්වාදෙන උන්වහන්සේ මේ සඳහා විශේෂ හා ක්‍ෂණික අවධානය යොමුකර දැනට කිසිදු සැලකිල්ලක් නොදක්වා තිබෙන එම 105.4 ව්‍යවස්ථාව ක්‍රියාත්මක කර උදාරවූ ශාසනික සේවාවට පියවර ගන්න ලෙස එම ලිපියෙන් උන්වහන්සේ ඉල්ලා සිටියි.
එම ලිපිය පහතින්,

Rate this item
(0 votes)

Related items